JOEL 2:2 - Zotung Bible 2016

² tuh-e nin tuh mohnaw te mae-uinaw nin, maeking azi nin te marae zipingpaw mohnaw nin nynh thua! Mankakungpaw tuh mua hae vawlan a pazaeku hawte, lung hae zah athungpaw rhawkaw hae tuh oun cceih hae; tuhcihawpaw tuh langmawlya mah um boi khyh zah, malang ccyh kya mah um boi vae lan khyh.

JOEL 2:2 Iomraidhean Croise

The Psalms 10:6

A thinlung kyakhe, “Ka shung boi lan khyh; she takyh kya vawsawnaw ka tung boi lan khyh,” cite a tuaku.

The Psalms 97:2

Maeking te marae zipingpaw mohnaw hae tuh amaw pe khe po voilu lan a um hae; dingnaw te byading tuh a bawitungkhung atynnaw nynh thua hae.

EXODUS 10:14

Tungkhipaw hae tuh Izip ram balyn kya oun thua hae zah Izip ram pynpi kya a um hae, tuhcih alungpaw tungkhipaw phu hae tuh langmaw zemah um boi khyh zah malang zemah um boi vae lan khyh.

EXODUS 10:6

Na inn hae, na ryalahtu bawi hae inn balyn te Izip hae inn balyn kya phe a beih cih hae; tuh-e tuh na paaw, na minpaaw hae nynh laephi vawlan a um takaw hae te atu cia muih boi lan khyh hae,’ a ci,” cite a hopya hae. Te Faro kyate maeleihkuh hae zah a pou vae hae.

EXODUS 20:21

Oute ccungccaw hae tuh asawnaw kya a thadyn lya hae khe, Moses tuh Pachia umnaw varyng zipingpaw mohnaw kalan khe a naekuh.

ISAIAH 5:30

Tuin nin khe minmin tuh rili tuileih athopaw roi hawte a sia a rua cih hae. Tuh-e ram tuh do lanze mohnaw te riathaenaw rou nynh a um; awnaw tuh maeking khate amohkhaekuh vae.

ISAIAH 8:22

tuhkhyhze laekhu lang a dobung cih hae, thuasalama riathaenaw te mohnaw, thinphang ngaethyanaw kyalya kha a muih cih hae; marae zipingpaw mohnaw lungkhu langkhe nohde athua cih hae.

JEREMIAH 13:16

Zetepakaw amohdyn, nae ccu tuh mua vawlan a thyku mawkhe thuasah, aning nynh mohnaw a thuakhae mawkhe thuasah, te awnaw kha na ngaehoi zah, tuh-e awnaw tuh ngaethyanaw te marae zipingkuhpaw mohnaw lang a rae mawkhe thuasah Bawipaw nae Pachia kha phu-esah oh.

JEREMIAH 13:6

Ccyh hynhsepi aro te Bawipaw nynh kae kha, “Atu Zufrates lang la cceih lah, tuin kya thuruh lan kaw kae pyapaw ccevoiboei kha la lah,” yn cipya.

RAWNAW HLAW 1:12

Laanpi kya a cceih hae paw nanning balyn, e hynh nanning hanlan accakaepaw tou athua? Do oh lah yn muihpya tua oh, Bawipaw nynh myarya a thinria nin khe ka tungvaw thuasah zah yn teingsahpaw riathaenaw te alokuhpaw ccangpaw riathaenaw a um zawtou?

EZEKIEL 32:7

Nang kha he kae roh te, vaawlui kha ka bong cih zah awsi hae kha ka mohsah cih; khuanin kha maeking te ka khawsah cih zah, sawpaw nynh a awnaw kha pya lan khyh.

EZEKIEL 34:12

Tuurin hae nynh a phiakuh hae paw mih tuu hae kya a um lya hae khe, mih tuu hae kha thawte a ccung hae hawte, ka tuu hae kha thawte ka ccung cih hae, mae-ui zah marae amoh nin khe, minmin a phiakunaw hae hmin takyh kyate minmin kha ka luesah cih hae.

EZEKIEL 38:9

Nang tuh khise hawte malang na cceih cih; nang, na rhawkaw hae balyn te na kya umbua hae paw ccungccaw patae tuh ram a bongpaw maeking hawte na thua cih oh.

DANIEL 12:1

“Tuh ccyh lyatuin, na minphuin hae thungkhawtu, bawi lepaw Mikhael tuh yn langkuh cih. Minphuin hae a um takaw hae te a um boi leipaw lungriathaenaw ccyh tuh yn thua cih. Thuasalama tuh ccyh lyatuin, ccauh kya a min zei athuapaw na minphuin hae miakaw tuh luesah athua cih hae.

DANIEL 9:12

Kaening te oun uktu hae kha rawsete a hopaw a bya kha tynsah zah, myarya ccihpaw shethya kha kae tungvaw a thuasah vae, Jerusalem tungvaw a thuapaw shethya tuh vaawlui zakaw kya thua boi khyh.

JOEL 1:6

Pawccecize athawsae zah riatae um lei hae paw minphuin nynh ka ram kha a thiing vae; tuh-e minphuin a haw tuh chindeih haw hawte thua zah, a nua tuh chindeih pinung anua hawte nynh thua.

JOEL 2:25

Tungkhipaw phu kya-e tungkhipaw adihpaw, ro a mangpaw tungkhipaw te tungkhipaw alepaw nynh a ae kum hae kya-e na shung oh paw kha kae pyaru cih oh; e hae tuh nanning kae sawnua oh paw myarya lungpaw ka rhawkaw hae nynh thua hae.

JOEL 2:31

Bawipaw kya-e alesaepaw te ri lan umpaw nin a thua mawkhe, khuanin tuh amoh cih zah sawpaw tuh chiise lang yn tang cih.

JOEL 2:5

Marangle hae siho hawte thuasah, athupaw maee-upaw siho hawte thuasah mua dung hae vawlan khe a thohkuh hae, rhawtuk lan a paccynkuh hae paw athungpaw rhawkaw hae hawte ataruinte a um hae.

JOEL 3:4

Pou Tair khua, Sidon khua te Filistia ram hae balyn, nanning tuh kae ka hanlan pawmou na thua oh? Kae kha nae liaru cih oh tou? Kae kha nae liaru oh ze, nae cyisahnaw kha naemaw lu vawlan palou ka khangru cih.

AMOS 4:13

Pawccecize mua hae te khivae kha a raetupaw, a tuanaw kha ccungccaw hae kya a langsakuhpaw, awkhua e awnaw kha mohnaw lang rae zah, laephi ahang hae paw kha a sydepaw a min tuh Bawipaw , vaaw Pachia a cikuh.

ZEFANIAH 1:7

Bawipaw PACHIA malang khe daebabi lan um oh! Pawccecize Bawipaw nin tuh anae vae; Bawipaw nynh silawnaw kha a paccyn vae, a kopaw a mikhia hae kha a thyaasah vae hae.

ZEKHARIAH 14:6

Tuin nin vae tuh khuaccih te dangtui mah um vae lan khyh.

MATTHAI 24:21

Pawccecize laephi athotakaw te atu cia a la um boi leipaw, nyalang mah a um vae cih leipaw myarya ccihpaw teingnaw tuh yn thua cih.

MARKA 13:19

Pawccecize Pachia nynh a raepaw raenaw athotakawnaw kyate atu ccyh cia a la um boi leipaw te nyalang mah a um vae cih leipaw teingnaw tuh tuin ccyh kya yn thua cih.

DEUTERONOMY 32:7

Langmaw e nin hae kha liathuitua, alia vae paw kum hynhsepi kha tuatua; na paaw kha khia lah, nang kha ae nysah cih; na piccan hae kha khia hae lah, ae hopah cih hae.

HEBRU 12:18

Pawccecize nanning nynh kuih te ty khopaw mua kalan na thua khyh oh, tuh-e mua kyatuin maee aruapaw, maeking amanpaw te mohnaw a um, khise tho zah

JUDE 1:13

mimaw maethyanaw kha tuiphue hawte a pousahpaw rili tuileih kou rupaw hawte thua hae zah a zou bungthungpaw awsi hae hawte nynh athua hae, tuh-e awsi hae hanlan marae zipaw mohnaw kha zungzae paccynpya athua hae.

BYAPHY 9:2

Aning nynh adianaw um lei lan akhupaw laekarung kha he a hung tuh, myarya lepaw maeephupi kya-e maeekhuh hawte laekarung lungkhu te maeekhuh a pouthung; laekarung kya-e maeekhuh keiccuze khuanin te vaawlui tuh pong amoh.