JOEL 2:1 - Zotung Bible 2016

¹ Zion kya mungkae tu oh; athyaapaw ka mua vawlan khe raeringnaw roi kha ccaesah oh! Ram kya um hae paw balyn tuh thyngkuh hae sah, pawccecize Bawipaw nin tuh anae vae—

JOEL 2:1 Iomraidhean Croise

1 SHERIANAW 15:28

Tuhcite Israel hae balyn nynh sia biate, saki, mungkae, lanchi, tintang te tintang dihpaw kha khuakute myarya ccae lan hlawsah biate Bawipaw byakin thingkua kha a cciakhae hae.

The Psalms 119:120

Na raw ka ri keiccuze ka thyngkuh, na byapianaw kha ka rih.

The Psalms 87:1

Pachia nynh a raepaw khuapi tuh athyaapaw mua vawlan khe a um;

EXODUS 10:14

Tungkhipaw hae tuh Izip ram balyn kya oun thua hae zah Izip ram pynpi kya a um hae, tuhcih alungpaw tungkhipaw phu hae tuh langmaw zemah um boi khyh zah malang zemah um boi vae lan khyh.

ISAIAH 13:6

Bawipaw nin anae vae keiccuze rawkhuite um oh; Athunghuapaw kyate yn thuapaw ronaw hawte nynh yn thua cih.

ISAIAH 13:9

Laephi kha ro khylan te misei hae kha laephi kyate maemih khylan, thawccikunaw a um leipaw Bawipaw nin tuh thinria bungpaw te yn thua cih.

ISAIAH 2:12

Tuin nin khe vaaw Bawipaw nynh a lysakuhpaw balyn, a tansakuhpaw balyn te a hangsakuhpaw balyn kha a nyaasah cih hae;

ISAIAH 66:2

E hae balyn hynh ka kuih te ka raepaw athua keiccuze, e hae balyn hynh ka kya-e nynh thua hae, cite Bawipaw nynh a ci. Zakaw a sangsakuhpaw, a thinlung kya a ngaesikuhpaw te ka bya keiccuze a thyngkuhpaw kha ka do cih.

ISAIAH 66:5

Bawipaw bya keiccuze a thyngkuh hae paw nanning, amaw bya kha ngaetua oh: Ka min keiccuze nanning ae hua oh paw te ae vua oh paw nae ccungccaw hae toulou nynh, “Nae lungtuanaw kha kae muih nawlan, Bawipaw tuh a phu-e sah,” a ci hae; thuasalama minmin tuh maethyanaw a mue cih hae.

JEREMIAH 16:10

Nang nynh e bya balyn hynh e ccungccaw hae kya na hopah hae zah, minmin nynh, “Pawccemou Bawipaw nynh e myarya lepaw hoyleinaw balyn hynh kaening tungvaw oun honua? Paw hoyleinaw mou kae rae? Bawipaw kae Pachia tungvaw paw seinaw mou kae rae?” cite nang kha he ae khia hae te,

JEREMIAH 16:7

Michi hanlan rawkhuite a um hae paw kha lungtangnaw pya khylan hum nynh sanmah loohdangkunaw rae lan khyh; mih nung mih paaw a chi hae keiccuze minmin kha nia lanpaw lungtangnaw banang nangkheit san a pyatu um lan khyh.

JEREMIAH 4:5

Judah ram kya te Jerusalem kyakhe siatua oh: Ram pynpi balyn kya mungkae tuu oh; “Pynkheihlan sueluakuh oh sih lah, rhawlungrua akoihkuhpaw khuapi hae kalan tee oh sih!” cite siatua oh.

JEREMIAH 5:22

Kae hynh nae rih khyh oh tou? cite Bawipaw nynh a ci. Ka malang na thyngkuh khyh oh tou? Rili hanlan laesia kha ramri lang ka nung, tuh-e tuh tui nynh a lawe kho leipaw zungzae tynpaw khawtu nynh thua; tuileih atho zemah lawe kho khyh, tuileih nynh a siarua zemah po khung kho khyh.

EZEKIEL 12:23

Tukeiccuze minmin kyakhe, “Bawipaw PACHIA nynh hynhte a ho: E phungtangbya hynh ka thangsah vae cih zah, Israel ram kya phungtangbya lang mang vae lan khyh hae. Thuasalama accyh anae vae, vizin miakaw tuh accing cih,” cite hopah hae.

EZEKIEL 21:12

Pou ccungccapaw, siaruate rawtua, pawccecize tuh-e thaloi nynh ka ccungccaw hae kha a rawse hae; Israel bawi balyn kha mah a rawse hae; minmin tuh ka ccungccaw hae ryte thaloi kalan vua athua hae. Ezou! cite nae phae kha tuku tua oh!

EZEKIEL 30:3

Pawccecize nin tuh anae vae, Bawipaw nin tuh anae vae; tuh-e nin tuh mae-ui nin, minphuin hae hanlan ronaw nin athua cih.

EZEKIEL 33:3

tuh-e rhawviatu nynh ram kalan yn cceihpaw thaloi rhaw kha he a muih te, mungkae tu zah ccungccaw hae kha raeringnaw a pya hae;

EZEKIEL 33:6

Thuasalama rhawviatu nynh thaloi rhaw yn thuapaw kha mang a muih pite mungkae kha a tu khyh keiccuze ccungccaw hae tuh raeringku leite um hae zah, thaloi rhaw nynh thuanuate minmin laku e lukhakheit tuh a chi lanze, tuh-e paw tuh amaw a seinaw keiccu nynh a chi, thuasalama a chiise mee tuh rhawviatu kha ka ngia cih.

EZEKIEL 7:10

Dotua, tuh-e nin! Dotua, tuh-e nin tuh yn thua vae! Nang na ronaw ccyh yn thua vae. Tungbang tuh apaw paw vae, lysakunaw tuh atoih vae.

EZEKIEL 7:12

Accyh azaw vae, anin yn nae vae; a retu tuh a lungpaw nan sah, a zuatu mah a ngaethah nan sah, pawccecize Pachia thinrianaw tuh minmin zapi balyn tungvaw khe a um.

DANIEL 6:26

Ka uknaw ram pynpi kya-e ccungccaw hae nynh Daniel Pachia malang khe ri te sawtua lan kaw kae pya oh: Pawccecize aning tuh ahiinpaw Pachia, zungzae tynpaw Pachia nynh thua. A peenaw tuh papin roh lan khyh zah, a uknaw tuh thang lan khyh.

DANIEL 9:16

Pou Bawipaw, adingpaw na ryalawnaw thyhte, na mua thyaapaw Jerusalem tungvaw na thinrianaw te na thin-unaw tuh beih dae ccavae sah, cite kaening nynh saw kae sang; kae seinaw te kae minpaaw hae hoyleinaw keiccuze Jerusalem te na ccungccaw hae tuh kae pepan um hae paw balyn laku kya a thethahpaw lang a tang vae hae.

DANIEL 9:20

Ka Pachia kya-e mua thyaapaw ccelang Bawipaw ka Pachia malang khe ka sawsangnaw kha thuakhae te, ka seinaw te ka ccungccaw Israel hae seinaw kha phykute saw ka sang zah bya ka ho lyakhe,

HOSEA 5:8

Gibeah kya saki tu oh, Ramah kya mungkae tu oh. Beth-aven kya rhawtuknaw roi khate siatua oh; Benjamin phin hae, nulang dotua oh!

HOSEA 8:1

Mungkae kha tutua! Rhaw tuh Bawipaw inn luki khe lantaw hawte yn zou, pawccecize minmin nynh ka byakinnaw kha roh hae zah, ka kawbya kha a ei hae.

JOEL 1:15

Tuh-e nin hanlan ngaethya lan kou um! Pawccecize tuh-e Bawipaw nin tuh anae vae, tuh-e nin tuh Athunghuapaw kya-e ronaw hawte yn thua cih.

JOEL 2:11

Bawipaw nynh a rhawkaw hae malang khe a roi a saw; a rhawkaw hae tuh myarya alung hae! A kaw a ngae hae paw tuh riatae um khyh hae. Bawipaw nin tuh lesae zah ri lan a um ccaccing; hum nynh mou a teing kho cih?

JOEL 2:15

Zion kya mungkae tu oh; Looh-aesung ccyh kha thaesah oh, athyaapaw pumkunaw kha rae oh.

JOEL 2:31

Bawipaw kya-e alesaepaw te ri lan umpaw nin a thua mawkhe, khuanin tuh amoh cih zah sawpaw tuh chiise lang yn tang cih.

JOEL 3:14

Byapaenaw accya kya ccungccaw zapi, ccungccaw pataepi a um hae, pawccecize byapaenaw accya kya Bawipaw nin tuh anae vae.

JOEL 3:17

Tetuh nang nynh athyaapaw ka mua, Zion kya ka umpaw, kae, Bawipaw na Pachia kha nae nyh vae cih. Jerusalem tuh athyaa cih zah, khua lungkhu kya ramccang hae nynh papinmaw bua cceih vae lan khyh hae.

AMOS 3:6

Khua lungkhu kya mungkae kha tu athua ze, khuaccaaw hae tuh ri leite a um hae zawtou? Bawipaw nynh ronaw a thuasah leite, khua lungkhu kya ronaw a thua zawtou?

AMOS 5:18

Bawipaw nin a ngaehoi hae paw nanning hanlan ngaethya lan kou um! Pawccemou Bawipaw nin tuh na ngaehoi oh? Tuh-e nin tuh moh zah awnaw um khyh;

AMOS 8:2

Bawipaw nynh, “Amos, pawmou na muih?” cite yn khia zah, kae nynh, “Hawnin ccyh e thingthae shua kheit kha ka muih,” ka cipya. Tetuh Bawipaw nynh kae kha, “Ka ccungccaw Israel hae tungvaw kya athangnaw tuh a thua vae; minmin kha papin bua ka ngaesangpah vae lan khyh hae.

OBADIAH 1:15

Minphuin hae balyn tungvaw kya Bawipaw byapianaw nin tuh anae vae. Na cyi hawte na tungvaw cyi athua cih; na cyisahnaw tuh na lu vawlan accah cih.

ZEFANIAH 1:14

Bawipaw nin alesaepaw tuh anae vae, arangte yn naekuh vae; Bawipaw nin kya-e roi tuh akhah, rhawkaw hae tuh myarya ccae lan a sia hae.

ZEFANIAH 1:16

koihkhawpaw khuapi hae te rhawvianaw innhangpaw hae kha rawsete mungkae tu nin te rhawtukte siarua nin nynh thua.

ZEFANIAH 1:7

Bawipaw PACHIA malang khe daebabi lan um oh! Pawccecize Bawipaw nin tuh anae vae; Bawipaw nynh silawnaw kha a paccyn vae, a kopaw a mikhia hae kha a thyaasah vae hae.

ZEFANIAH 3:11

Tuin nin vae tuh kae nae dounaw oh paw nae cyisahnaw balyn keiccuze nae maethah vae lan khyh; pawccecize pookute mih lungpawkhaekuh hae paw kha na kyate ka dee cih hae, nang tuh athyaapaw ka mua vawlan khe na lysakuh vae lan khyh.

ZEKHARIAH 14:1

Bawipaw ccyh tuh anae vae, tuin ccyh kyakhe ae luade oh paw nae uccaw kha nae malang khe a neekuh cih hae.

ZEKHARIAH 8:3

Bawipaw nynh hynhte a ho: Kae tuh Zion lang ka ki cih zah, Jerusalem kya ka um cih; Jerusalem tuh alungzipaw khuapi cite ko athua cih zah, vaaw Bawipaw mua tuh mua thyaapaw cite ko athua cih.

MALAKHI 4:1

Somaee hawte asopaw nin tuh yn thua cih, a lysakuh hae paw te hoyleinaw a raetu hae balyn tuh ccatanphue athua cih hae; mih tharui te mih karan hae kha a laehypaw um lei lan ciate tuh-e nin nynh khaleih a u cih hae, cite vaaw Bawipaw nynh a ci.

NAMBAR 10:2

Ngun mungkae ccangning kha raetua; khah-e hae kha deihping te na rae cih hae; ccungccaw zapi pumnaw elang te ryahmin phounaw elang mungkae hae kha na mang cih.

NAMBAR 10:3

Mungkae ccangning kha tuu athua vae ze, zapi balyn tuh na malang tungkunaw bu thuakaw kyakhe a pumkuh cih hae.

1 KORIN 14:8

Mungkae nynh ccaerarih lan roi accae khyh ze, hum nynh mou rhawtuk lan a paccynkuh cih?

FILIPI 2:12

Tukeiccuze ka sungsah hae paw, ka kaw zungzae na ngae oh zah, kamaw ka um lya kyalya thua leite, atu kamaw ka um khyh lya mah kaw houh na ngae oh hawte, rawri thyngku biate naemaw khumnaw elang ryalah oh;

1 THESALON 5:2

Pawccecize Bawipaw Nin tuh khuazi e miruh hawte nynh yn thua cih cipaw kha naemaw nynh ccaerarih lan na ny oh.

JAMES 5:8

Nanning mah nae lungsae sah, nae thinlung kha tynsah oh; pawccecize Bawipaw yn thuanaw lanpaw tuh anae vae.

1 PETER 4:7

Pawpaw balyn athangnaw tuh anae vae; tukeiccuze sawsangnaw elang hawrarih lante raeringkute um oh.

BYAPHY 6:17

Pawccecize mih thinrianaw nin pi tuh yn thua vae zah, hum nynh mou a ing kho cih?” a cipya hae.