JOEL 1:9 - Zotung Bible 2016

⁹ Bawipaw inn kya pya lanpaw ccathae te misutui um khyh. Bawipaw ryalahtu hae, ranpibawi hae tuh rawkhuite a um hae.

JOEL 1:9 Iomraidhean Croise

2 SHERIANAW 13:10

Thuasalama kaening hanlan tuh, Bawipaw hynh kae Pachia thua zah amaw kha kae vua khyh. Bawipaw rya a lahtu lang Aaron ciihan hae kha kae hoi zah, mih rya a lahtu lang Levi phin hae kha kae hoi.

EXODUS 28:1

Oute na upaw Aaron kha a ccaaw hae Nadab te Abihu, Eleazar te Ithamar ryte ranpibawi lante kamaw kha ryalawpya khylan Israel hae laku kyate na kalan ko hae.

ISAIAH 61:6

nanning kha Bawipaw ranpibawi hae cite ko na thua cih oh, ah Pachia rya a lahtu hae cite ko na thua cih oh; minphuin ccangpaw hae sisua kha na ae cih oh zah, mih hoirumnaw kyakhe nae lungpawkhaekuh cih.

RAWNAW HLAW 1:16

E uccaw hae keiccuze kae tuh ka rah; ka mit kyate mitphi tuh alua; ka thawzung bua yn umsahtu te lungtangnaw yn pyatu ka pepan um khyh; rhaw nynh a tae hae keiccuze ka ccaaw hae tuh a lanme vae hae.

RAWNAW HLAW 1:4

Poi kalan a cceihpaw lu kheit san a um khyh keiccuze Zion lang ccianaw laanpi tuh a rah a khui; a koikua balyn tuh ccungccaw phe adae, a ranpibawi hae tuh rawkhuite a um hae; a liaccaw hae tuh mih ngaethah, amaw mah myarya a thinlungccih.

HOSEA 9:4

Misutui niapaw silawnaw kha Bawipaw kalan rae lan khyh hae zah, si a lawnaw hae paw nynh aning kha a lungrythuasah lan khyh. Tuhcihawpaw silawnawpaw hae tuh michi raw a rah hae paw kya-e looh hawte athua cih; tuh-e looh a aepaw balyn tuh a nungsikuh cih hae; mih looh tuh mimaw mih vuelaw zah mih vuesonaw hanlan kyalya athua cih; tuh-e looh tuh Bawipaw inn lang thuakhae thua lan khyh.

JOEL 1:13

Ranpibawi hae nanning, buriboei kha zingkute rawkhuitua oh; silawhang kya ryalahtu hae nanning, rawkhuite umtua oh. Ka Pachia rya a lahtu hae nanning, rang oh lah, buri boeining lawkute khuazi ccyh kha liasah oh! Nae Pachia inn kya pya lanpaw ccathae te misutui um khyh.

JOEL 1:16

Aening ah muihnaw oh kya maw looh tuh phe athang khaw? Ah Pachia inn kya lungtuanaw te lungpawnaw um vae khyh khaw?

JOEL 2:14

Bawipaw nae Pachia hanlan ccathae silawnaw te niapaw silawnaw kha nanning nynh na pya nawlan oh, Pachia tuh lungpaleihkute yn ki cih zah, hythuanaw a cciataw te cciataw khyh kha hummou a ho kho?

JOEL 2:17

Ranpibawi hae te Bawipaw ryalahtu hae tuh tee takawnaw akhaan te silawhang laku khe rah hae sah lah, “Pou Bawipaw , na ccungccaw hae hynh ngaethya beih umsah hae, na rho ccungccaw hae hynh a nuinse hae paw lang oun rae nan lah, ccangpaw minphuin hae laku kya ccyasahnawpaw lang beih oun rae nan. ‘Mih Pachia tuh teimou a um,’ cite minphuin hae laku kya pawccemou a ho cih hae?” cite ho hae sah.