JOEL 1:7 - Zotung Bible 2016

⁷ Tuh-e minphuin nynh ka misu khokhu kha roh zah, ka thaeku aku hae kha a khya; akaloh kha kia zah a vua; a karan hae tuh pong araw hae.

JOEL 1:7 Iomraidhean Croise

The Psalms 105:33

Mih misu ku hae te thaeku ku hae kha roh zah, mih ram e thingku hae kha pong akhya.

EXODUS 10:14

Tungkhipaw hae tuh Izip ram balyn kya oun thua hae zah Izip ram pynpi kya a um hae, tuhcih alungpaw tungkhipaw phu hae tuh langmaw zemah um boi khyh zah malang zemah um boi vae lan khyh.

EXODUS 10:15

Tuh-e tungkhipaw hae nynh ram balyn kha phe man lan a bong hae; ram kya umpaw aku balyn te hya nynh a ro leipaw, alaepaw thingthae balyn kha pong a ae hae; Izip ram balyn kya umpaw loo kya-e thingku-ruaku hae kya ahinpaw anaw um vae khyh.

ISAIAH 24:7

Misutui tuh rou zah, misu ku tuh a thawzya, mih lungtuanaw balyn tuh ngaethyate a hawkhaekuh hae.

ISAIAH 32:12

Lungrythua lan umpaw loo hanlan te patae athaepaw misu ku hanlan ngaethyate nae by kha tukuh oh,

ISAIAH 5:6

Misu khokhu kha alakawpaw lang ka tangsah cih; ahoy leipaw akaran kha baepya te pohpia te phopya mah thua lan khyh, thabu te hinpaw ku hae nynh a zithin cih; khokhu kya khuaa araw khyh nawlan maeking kha mah kaw ka pya cih.

JEREMIAH 8:13

Minmin kha suelua ka ry hae, thuasalama misu ku kya misu thae um khyh, thaeku ku kya thaeku thae um khyh, anaw heize anaan, minmin ka pya hae paw kha minmin kyate phe azo vae.

HOSEA 2:12

“E hae tuh ka sungsah hae nynh yn pya hae paw nynh thua,” cite aning nynh a hopaw a misu ku hae te a thaeku ku hae kha ka roh cih. Khah-e hae kha ramkaw lang ka tangsah cih zah, loramsaw hae nynh a ae cih hae.

JOEL 1:12

Misu ku tuh naan zah thaeku ku tuh arou. Ccalee thae, ungcci ku te epal— loo kya-e thingku balyn tuh pong arou hae; ccungccaw hae mih lungtuanaw tuh azo ccaccing.

AMOS 4:9

Khivae keiccu aku chinaw, aphi pou zah aku chinaw khate nanning kha de kae tah oh; nae khokhu hae te nae misu khokhu hae kha ka ro hae; tungkhipaw hae nynh nae thaeku ku hae te nae oliv ku hae kha a ae hae; tuhzemah ka kalan nae kithui khyh oh, cite Bawipaw nynh a ci.

HABAKKUK 3:17

Thaeku ku nynh apaw paw khyh zah, misu ku kya athae a um khyh zemah thuasah, oliv thing nynh athae thae khyh zah, loo kyate looh apou khyh zemah thuasah, tuukhia kya tuu um khyh zah, sahiin inn kya sahiin a um khyh zemah thuasah

MALAKHI 3:11

Tungkhipaw kha ka thuihei cih zah nae laephi kyate apoupaw ccathae kha roh lan khyh; nae khokhu kya umpaw misu ku tuh athae thae leite um lan khyh, cite vaaw Bawipaw nynh a ci.