JOEL 1:4 - Zotung Bible 2016

⁴ Tungkhipaw alepaw nynh a ae bangpaw alaepaw kha tungkhipaw aphu nynh a ae. Tungkhipaw aphu nynh a ae bangpaw alaepaw kha tungkhipaw adihpaw nynh a ae, tungkhipaw adihpaw nynh a ae bangpaw alaepaw kha ro a mangpaw tungkhipaw nynh a ae.

JOEL 1:4 Iomraidhean Croise

1 SIAPHARAN 8:37

“Ram lungkhu kya ccakan acci ze thuasah, shethya a thua ze thuasah, looh aphi poute ronaw, khivae keiccu looh ronaw, tungkhipaw te khung-angroh keiccu looh ronaw thuasah, rhaw nynh mih khua khuakhakheit kha a koihku ze thuasah, shethya ccangkhakheit, ccinaw ccangkhakheit a um ze thuasah,

2 SHERIANAW 6:28

“Ram lungkhu kya ccakan acci ze thuasah, shethya a thua ze thuasah, looh aphi poute ronaw, khivae keiccu looh ronaw, tungkhipaw te maccaloih keiccu looh ronaw thuasah, rhaw nynh mih khua khuakhakheit kha a koihku ze thuasah, shethya ccangkhakheit, ccinaw ccangkhakheit a um ze thuasah,

2 SHERIANAW 7:13

Khuaa araw khyh nawlan vaawlui kha ka khaw ze thuasah, laephi kya-e looh kha ae khylan tungkhipaw hae kha kaw ka pya hae ze thuasah, ka ccungccaw hae kya shethya ka thuasah ze thuasah,

The Psalms 105:34

Kawpya zah tungkhipaw hae tuh oun thua hae, riatae leipaw tungkhipaw adih hae paw tuh oun thua hae zah,

The Psalms 78:46

Mih ccathae hae kha maccaloih hae kalan thuasah, mih ryalaw mee kha tungkhipaw hae kalan thuasah a pya hae.

EXODUS 10:4

Ka ccungccaw hae kha cciasah lan na ei zetuh, la do vae, tungkhipaw hae kha na ram lungkhu lang awkhualan kae thuakhae cih.

EXODUS 10:5

Tuh-e tungkhipaw hae nynh laephi kha hung nynh san muih kho um lei lan, a lang lei lan a bong cih hae; naemaw kya alaepaw, hya nynh a ro leipaw miakaw kha a ae cih hae. Nae loo kya apopaw aku miakaw kha a ae cih hae.

ISAIAH 33:4

Ripaw hae a sueluaku hae hawte, luadepaw uccaw hae tuh suelua athua cih; tungkhipaw hae nynh a thohku hae hawte, minmin nynh tuh-e uccaw hae vawlan khe a thohkuh cih hae.

JEREMIAH 51:14

Vaaw Bawipaw amaw ccaccei nynh bya a kinkupaw tuh: Thanccingte, tungkhipaw phu te alokuhpaw rhawkaw hae kha na kya phe ka biasah cih zah, nang taenaw roi kha a saw cih hae.

JEREMIAH 51:27

Ram lungkhu kya alan sae oh, minphuin hae laku kya mungkae tu oh; Babilon kha tuk khylan minphuin hae kha paccyn oh, aning kha rawsete Ararat, Minni te Ashkenaz peenaw hae kha pum oh; aning kha rawsete rhawbawi lepaw lu kheit kha khang oh lah, marang hae kha tungkhipaw aphupi hawte cciakhae oh.

JOEL 2:25

Tungkhipaw phu kya-e tungkhipaw adihpaw, ro a mangpaw tungkhipaw te tungkhipaw alepaw nynh a ae kum hae kya-e na shung oh paw kha kae pyaru cih oh; e hae tuh nanning kae sawnua oh paw myarya lungpaw ka rhawkaw hae nynh thua hae.

AMOS 4:9

Khivae keiccu aku chinaw, aphi pou zah aku chinaw khate nanning kha de kae tah oh; nae khokhu hae te nae misu khokhu hae kha ka ro hae; tungkhipaw hae nynh nae thaeku ku hae te nae oliv ku hae kha a ae hae; tuhzemah ka kalan nae kithui khyh oh, cite Bawipaw nynh a ci.

AMOS 7:1

E hynh Bawipaw PACHIA nynh kae yn muihsahpaw nynh thua: siapharan kya-e lonua ku kha aw athua koute, lonua bua yn po takaw ccyh khe, Bawipaw nynh tungkhipaw hae kha a rae cih.

MALAKHI 3:11

Tungkhipaw kha ka thuihei cih zah nae laephi kyate apoupaw ccathae kha roh lan khyh; nae khokhu kya umpaw misu ku tuh athae thae leite um lan khyh, cite vaaw Bawipaw nynh a ci.

DEUTERONOMY 28:38

Ccacii patae kha loo lang na cciakhae oh zemah tungkhipaw nynh a ae keiccuze beihtaraw kyalya kha na rue cih oh.

DEUTERONOMY 28:42

Nae thingku balyn te nae laephi athae balyn tuh tarue hae nynh a zoukhae cih hae.