JOEL 1:2 - Zotung Bible 2016

² Pou piccan hae, e hynh thaetua oh, ram kya um hae paw balyn, nae nakaring te ngaetua oh! E tahawpaw uccaw hynh nae she kya acyihkuh boi vae tou? Nae minpaaw hae she kya so acyihkuh boi vae tou?

JOEL 1:2 Iomraidhean Croise

JOB 12:12

A tawpaw nynh hawnaw hoi zah, A shesaepaw nynh nythyanaw a hoi khaw?

JOB 15:10

Na paaw laeze tawhua hae zah mih sang a paw hae paw te mih kum a tang hae paw tuh kae kya a um hae.

JOB 21:7

Pawccemou ccungccaw hoylei hae paw nynh hiin hae zah, phe taw lan shesaete huhan hoi hae zah a lesae hae?

JOB 8:8

“Alia vae paw she kya-e ccungccaw hae kong kha akaw-aleih khia hae lah, mih minpaaw hae nynh a la muih hae paw kha tuatua;

The Psalms 49:1

Nanning, ccungccaw hae balyn, e hynh thaetua oh, laephi kya a um hae paw balyn,

ISAIAH 34:1

Pou minphuin hae, nawthae khylan oun naeku tua oh; Pou ccungccaw hae, hoyte ngaetua oh! Laephi te laephi kya a umpaw balyn nynh thuasah, laephipi te laephipi kya a umpaw balyn nynh thuasah thae hae sah.

ISAIAH 7:17

Judah phin kyate Efraim phin he a pou nin te a la um boi leipaw vawsawnaw ccyh kha Bawipaw nynh nang te na ccungccaw hae te na puizia hae tungvaw kya a thuakhae cih—Assiria siapharan nynh a thuakhae cih,” a ci.

JEREMIAH 30:7

Ezou! Tuh-e nin tuh myarya ri lan um zah, touse ruapaw um khyh; Jakob phin hanlan lungriathae ccyh nynh thua; tuhzemah tuh-e kyate a lue cih hae.

JEREMIAH 5:21

Mit a hoi hae zemah a muih lei hae paw, nakaring a hoi hae zemah a thae lei hae paw, pou mingaee hae te tuanaw hoi lei hae paw, e hynh ngaetua oh.

DANIEL 12:1

“Tuh ccyh lyatuin, na minphuin hae thungkhawtu, bawi lepaw Mikhael tuh yn langkuh cih. Minphuin hae a um takaw hae te a um boi leipaw lungriathaenaw ccyh tuh yn thua cih. Thuasalama tuh ccyh lyatuin, ccauh kya a min zei athuapaw na minphuin hae miakaw tuh luesah athua cih hae.

HOSEA 4:1

Pou Israel ccungccaw hae, Bawipaw bya hynh ngaetua oh; pawccecize Bawipaw tuh ram kya um hae paw tungvaw kya seisahnaw bya a hoi. E ram kya lungzinaw, sungsakunaw um leite, Pachia nynaw um khyh.

HOSEA 5:1

Pou ranpibawi hae, e hynh thaetua oh! Pou Israel hae, e hynh pekitua oh! Pou siapharan hae, ngaetua oh! Nanning tuh byapianaw na teing cih oh; pawccecize nanning tuh Mizpah kya syapaw kaang, Tabor mua vawlan rawkhawpaw miabu,

JOEL 1:14

Looh-aesung ccyh kha thaesah oh, athyaapaw pumkunaw kha rae oh. Piccan hae te ram lungkhu a um hae paw balyn kha Bawipaw nae Pachia inn lang suelua oh lah, Bawipaw kalan siatua oh.

JOEL 2:2

tuh-e nin tuh mohnaw te mae-uinaw nin, maeking azi nin te marae zipingpaw mohnaw nin nynh thua! Mankakungpaw tuh mua hae vawlan a pazaeku hawte, lung hae zah athungpaw rhawkaw hae tuh oun cceih hae; tuhcihawpaw tuh langmawlya mah um boi khyh zah, malang ccyh kya mah um boi vae lan khyh.

AMOS 3:1

Izip ram kyate minphuin pynpi te ka poukhae hae paw, pou Israel ccungccaw hae, Bawipaw nynh nanning ae honua oh paw e bya hynh ngaetua oh:

AMOS 4:1

Ryachi hae kha tuaasah hae zah, a nyaa hae paw kha a nangde hae paw, mih vawpaw hae kha, “Nia lanpaw oun pya!” a cih hae paw, Samaria Mua vawlan e Bashan vaetuapi hae, e bya hynh ngaetua oh.

AMOS 5:1

Pou Israel hae, hynh-e kae hopya oh paw rawkhuinaw bya hynh ngaetua oh:

MIKAH 1:2

Ccungccaw hae, nae balynte thaetua oh; Pou laephi te a lungkhu kya um hae paw balyn, ngaetua oh; Bawipaw PACHIA nynh a beikinn thyaapaw kyate nanning kha rawsete ccaekia lang tang vae sah.

MIKAH 3:1

Te kae nynh ka ho: Nanning Jakob ciihan cciakhaetu hae te Israel ciihan uktu hae, ngaetua oh! Dingnaw kha na ny lan oh ccan khyh tou?—

MIKAH 3:9

Byading kha hua hae zah dingnaw balyn kha a paleih hae paw, Jakob ciihan uktu hae nanning te Israel ciihan lupi hae nanning, e bya hynh ngaetua oh!

MATTHAI 13:9

Thaenaw nakaring a hoipaw tuh thae sah!” a ci.

MATTHAI 24:21

Pawccecize laephi athotakaw te atu cia a la um boi leipaw, nyalang mah a um vae cih leipaw myarya ccihpaw teingnaw tuh yn thua cih.

BYAPHY 2:7

Muisaw nynh khriccaawbuu hae kalan a hopaw kha nakaring a hoipaw ccungccaw tuh thae sah. A taetupaw tuh Pachia kya-e paradis kya umpaw hiinnaw thingthae kha aenaw kaw ka pya cih.