JOEL 1:12 - Zotung Bible 2016

¹² Misu ku tuh naan zah thaeku ku tuh arou. Ccalee thae, ungcci ku te epal— loo kya-e thingku balyn tuh pong arou hae; ccungccaw hae mih lungtuanaw tuh azo ccaccing.

JOEL 1:12 Iomraidhean Croise

The Psalms 4:7

Looh te misutui patae hoi hae zah mih lungtuanaw laeze, ka thinlung kya lungtuanaw nae pyapaw tuh alehua.

The Psalms 92:12

Miding hae tuh ungcci ku hawte hoyte lethung hae zah, Lebanon e sidar ku hawte a lethung hae.

SOLOMON HLAW 2:3

Ccangvae hae lakuze ka sungsahpaw tuh tuthing hae lakuze epal ku hawte nynh thua. A mynlyh kyakhe ka haung zah myaryamaw ka lungrythuakhaekuh, a thae kha ka taangtua zah a e.

SOLOMON HLAW 4:13

Thingthae khokhu kya um hae paw na thingku taraw hae tuh ahoypaw thae athaepaw ccalee ku, nard te pykuhpaw henna,

ISAIAH 16:10

Thingthae athaenaw loo kyate lungtuanaw te lungpawnaw kha phe zo vae; misu khokhu kya hlawsah vae khyh hae, lungtua siaruanaw mah um vae khyh; misu thae nonnaw kya athae a nontu mah non vae khyh; misu thae lo ccyh lya-e siaruanaw mah zya dae vae.

ISAIAH 24:11

Misutui a um khyh keiccuze laanpi kya a sia a rua hae; lungtuanaw balyn tuh azo vae; laephi lungpawnaw tuh azo vae.

ISAIAH 24:7

Misutui tuh rou zah, misu ku tuh a thawzya, mih lungtuanaw balyn tuh ngaethyate a hawkhaekuh hae.

ISAIAH 9:3

Nang nynh minphuin kha na pungthungsah vae, mih lung houhouh na tuasah vae hae; loohrue lya-e lungtuanaw hawte thuasah, ccungccaw hae nynh luadepaw uccaw a neeku lya hae mih lungtua hawte thuasah namaw malang mih lungtua.

JEREMIAH 48:3

Horonaim khua e siaruanaw roi tuh ngaetua oh! “Ccungccaw kharouh daenaw te myarya lepaw ronaw!” a ci hae.

JEREMIAH 48:33

Moab ram hoypaw kyate lungtuanaw te lungpawnaw kha law athua vae; misu mianaw khu kyate misutui kha ka kansah vae; lungtua siaruate misu thae a nonpaw lu kheit san um vae khyh; siaruanaw tuh lungtua siaruanaw thua vae khyh.

JOEL 1:10

Loo hae tuh aroh hae, laephi tuh rawkhuite a um; pawccecize ccathae tuh aroh, misutui tuh arou, chitui mah um vae khyh.

JOEL 1:16

Aening ah muihnaw oh kya maw looh tuh phe athang khaw? Ah Pachia inn kya lungtuanaw te lungpawnaw um vae khyh khaw?

JONAH 4:7

Thuasalama awkhualan awkhua takaw khe, Pachia nynh tuh-e tui-ung ku tuh ripaw aesah zah baleih anaan.

HAGGAI 2:19

Byng kya ccacii ccangkheit san a um tou? Misu ku, thaeku ku, ccalee ku te oliv ku hae tuh athae thae loh khyh hae tou? Atunin te vae tuh hythua kae pya vae cih oh.

MALAKHI 3:11

Tungkhipaw kha ka thuihei cih zah nae laephi kyate apoupaw ccathae kha roh lan khyh; nae khokhu kya umpaw misu ku tuh athae thae leite um lan khyh, cite vaaw Bawipaw nynh a ci.

NAMBAR 13:23

Te Eshkol Ccya kya a thua hae, te tuin kya umpaw misu ange nge kheit alonahpaw aran kha bae hae zah lu ning nynh puihnawpaw te a puih hae. Ccalee thae te eboh thae kha mah a phubia hae.