JOEL 1:10 - Zotung Bible 2016

¹⁰ Loo hae tuh aroh hae, laephi tuh rawkhuite a um; pawccecize ccathae tuh aroh, misutui tuh arou, chitui mah um vae khyh.

JOEL 1:10 Iomraidhean Croise

GENESIS 4:12

Laephi kya rya na law ze pawsang mah ae poupah lan khyh; nang tuh laephi kya a ccuepaw te a khiavuikuhpaw na thua cih,” a ci.

ISAIAH 15:6

Nimrim vaw tuh kan zah, lonua tuh arou, apo thawpaw lonua mah a chih, hinlalyhpaw aku kukheit sanmah um vae khyh.

ISAIAH 24:11

Misutui a um khyh keiccuze laanpi kya a sia a rua hae; lungtuanaw balyn tuh azo vae; laephi lungpawnaw tuh azo vae.

ISAIAH 24:7

Misutui tuh rou zah, misu ku tuh a thawzya, mih lungtuanaw balyn tuh ngaethyate a hawkhaekuh hae.

JEREMIAH 12:11

Minmin nynh ram rohpaw lang a rae hae; ram tuh aro keiccuze ka kalan yn rawnua. Ram pynpi mawte phe roh vae, thuasalama humhung nynh mah pawlangria khyh.

JEREMIAH 12:4

Kae ram hynh hohseciamou rawkhuite a um cih zah, ram pynpi e lonua hae tuh hohseciamou arou cih? Ram lungkhu e ccungccaw hae hoyleinaw keiccu thuasah, ccungccaw hae nynh “Ah cyi oh paw hynh Pachia nynh muih lan khyh,” cite a ho hae keiccu thuasah sarangpaw hae te pavaw hae tuh phe mih hae.

JEREMIAH 48:33

Moab ram hoypaw kyate lungtuanaw te lungpawnaw kha law athua vae; misu mianaw khu kyate misutui kha ka kansah vae; lungtua siaruate misu thae a nonpaw lu kheit san um vae khyh; siaruanaw tuh lungtua siaruanaw thua vae khyh.

HOSEA 4:3

Tukeiccuze ram tuh rawkhuite um zah, ram lungkhu um hae paw balyn tuh thawthyate a um hae; loramsaw hae, vaawlang e pavaw hae, rili kya-e ngasaw hae heize a zo hae.

HOSEA 9:2

Huimin te misutui tungnawpaw nynh minmin kha kua lan khyh hae, misutui thawpaw tuh minmin hanlan pou lan khyh.

JOEL 1:12

Misu ku tuh naan zah thaeku ku tuh arou. Ccalee thae, ungcci ku te epal— loo kya-e thingku balyn tuh pong arou hae; ccungccaw hae mih lungtuanaw tuh azo ccaccing.

JOEL 1:5

A zu a ae hae paw nanning, nae inaw kyate thokuh oh lah, rawtua oh; misutui alawe lan a neih hae paw miakaw balyn, emamiapaw misutui kha nae mung kyate thoh phia athua vae keiccuze rawkhuite um oh.

JOEL 2:19

Bawipaw nynh a ccungccaw hae kha leih hae zah: Nanning kha ccathae, misutui te chitui kae pya cih oh zah nae vueso cih; nanning kha minphuin hae laku kya nuinsepaw lang kae rae vae lan khyh oh.

LEVITIKAS 26:20

Nae thawzung tuh eenaw um leipaw lang mang athua cih: nae laephi nynh looh kha pousah lan khyh zah laephi kya-e thing hae nynh thae kha thae lan khyh hae.

HABAKKUK 3:17

Thaeku ku nynh apaw paw khyh zah, misu ku kya athae a um khyh zemah thuasah, oliv thing nynh athae thae khyh zah, loo kyate looh apou khyh zemah thuasah, tuukhia kya tuu um khyh zah, sahiin inn kya sahiin a um khyh zemah thuasah

HAGGAI 1:11

Ram te mua hae kya thuasah, ccathae, misutui thawpaw, chitui kya thuasah, laephi kyate apoupaw miakaw kya thuasah, ccungccaw hae te sarangpaw hae kya thuasah, mih ryalawnaw balyn kya thuasah khuaakannaw kha ka konua vae.

MALAKHI 2:3

Nae ciihan hae kha de ka tah cih hae zah, sahiinpaw ia athuapaw nae kya-e pyapaw uccaw khate nae mae kha kae noi cih oh, te ka malang te ccaring kae dee cih oh.