HEBRU 9:9 - Zotung Bible 2016

⁹ Tuh-e beikbu tuh atu ccyh hanlan muihsahnawpaw nynh thua; tuh-e beikbu kya Pachia pyapaw te silawkunaw hae paw kha pya hae zah, tuh-e nynh a beiktu hae mawtemaw nykunaw thinlung kha ccingsah kho khyh.

HEBRU 9:9 Iomraidhean Croise

Romans 5:14

Tuhzemah Adam she kyate Moses she kyacia chinaw nynh phe a uk vae; Adam nynh a raepaw seinaw te alokuh leipaw seinaw a rae hae paw kha mah chinaw nynh phe a uk hae, tuh-e Adam tuh nyalang yn thua cih paw kya-e langsahkupaw muinsan nynh athua.

GALATI 3:21

Tuhteze Kawbya nynh Pachia kya-e byakinpyakunaw kha a rawse tou? Rawse khyh! Pawccecize hiinnaw a pya khopaw Kawbya kha pya a la thua lanze, dingnaw tuh tuh-e Kawbya liate mue athua ccaccing vae cih.

HEBRU 10:11

Ranpibawi miakaw tuh mih ryalaw kya nin takyh a thadyn hae, seinaw kharouh a thyaasah kho leipaw alokuhpaw silawnaw kha palei a rae hae.

HEBRU 11:19

Pachia tuh achihpaw heize a thosathui kho cite varyng a zyn; aning nynh muihsahnaw lante a chih hae paw kyate Isak kha mah a mue.

HEBRU 5:1

Ccungccaw hae laku kyate popaw ranpibawi lupi miakaw tuh seinaw hae hanlan silawnaw te lasung hae kha Pachia kalan pya khylan, Pachia lante asekuhpaw uccaw hae kya ccungccaw hae ccelang khangpaw nynh thua.

HEBRU 7:11

Tukeiccuze ccungccaw hae tuh Levi kyate a thopaw ranpibawi thuanaw kyate kawbya kha a mue hae, minmin nynh Levi kyate a thopaw ranpibawi thuanaw liate accingpaw lang a tang kho hae ze, Aaron thuanaw thyhte thua leite, Melkhizedek thuanaw thyhte ccangpaw ranpibawi yn pou lanpaw tuh pawmou aho ung?

HEBRU 8:4

Pawccecize aning tuh laephi vawlan a la um lanze, ranpibawi la thua lan khyh, pawccecize kawbya thyhte lasung te silawpahpaw ranpibawi hae a um.

HEBRU 9:24

Pawccecize thanccingpaw pungsan athuapaw, kuih te raepaw beikinnthyaa lungkhu lang Khri tuh tee khyh; atu aening ccelang Pachia muihnaw kya langku khylan, vaawram lang nynh a tee.

1 PETER 3:21

Tuh-e tuh atu aening yn khumpaw baptisma muihsahnaw nynh thua. Tuh-e baptisma tuh pynsaw kyate athupaw singpaw kha thua khyh, Jesu Khri thoothuinaw liate ahoypaw mawtemaw nykunaw thinlung kyate Pachia kalan byakinkupaw kha nynh thua.