HEBRU 9:7 - Zotung Bible 2016

⁷ Thuasalama ccangningnaw akhaan lungkhu lang tuh ranpibawi lupi rou nynh chii ryte kum kheit ze vaekheit kyalya a tee. Amaw hanlan te ccungccaw hae nynh nyku leite a rae hae paw seinaw hanlan tuh-e chii te aning nynh si a law.

HEBRU 9:7 Iomraidhean Croise

2 SAMUEL 6:7

Bawipaw tuh Uzzah tungvaw myarya a thinria; thingkua kalan a kuih a dyng keiccuze Pachia nynh detah zah, Pachia thingkua pe khe a chih.

2 SHERIANAW 33:9

Manasseh nynh Judah hae te Jerusalem khuaccaaw hae kha a cciakhaesei hae keiccuze Israel ccungccaw hae malang te Bawipaw nynh a ro hae paw minphuin hae nynh a la cyi hae paw laeze hoyleinaw kha houh lung lan a rae hae.

The Psalms 19:12

Hummou amaw a cyiseinaw kha a muihkuh kho? Alangkuh leipaw cyiseinaw kyate kae kha yn thyaasah.

The Psalms 95:10

Kum sung pali lungkhu khah-e minphuin kha ka hua zah, “Minmin tuh mih thinlung a cceihseipaw thua hae zah, ka laanpi kha pawlangria khyh hae,” ka ci.

EXODUS 30:10

Aaron nynh aki hae vawlan khe seingaethyanaw silawnaw kha kum kheit vaekheit a rae cih. Aaron nynh seingaethyanaw elang seishawnaw silawnawpaw sahiin chii khate kum kheit vaekheit e silawhang hanlan seingaethyanaw kha a rae cih, nae she takyh kya, hynh-e hynh na rae cih oh. Tuh-e tuh Bawipaw hanlan athyaa huaccepaw nynh thua.

ISAIAH 28:7

E hae zemah misutui keiccuze vyavya khuliakuh hae zah, ruithyapaw keiccuze tangkitangkae lante a cceih hae; ranpibawi hae te profeh hae tuh ruithyapaw niapaw keiccuze vyavya a khuliakuh hae, misutui keiccuze mih lungzo, ruithyapaw niapaw keiccuze tangkitangkae lante a cceih hae; minmin nynh a muih hae paw vizin tuh phe sei zah, mimaw nynh bya a piapya hae paw kyakhe a thy a pawkuh hae.

ISAIAH 29:14

tukeiccuze e ccungccaw hae kya siiku lan umpaw te ngaeangthua lan umpaw uccaw hae kha bua ka rae cih. Minmin kya-e a haw hae paw hawnaw tuh aroh cih zah, a nyhthya hae paw kya-e nythyanaw tuh thuruh athua cih,” a ci.

ISAIAH 3:12

Imua hae nynh ka ccungccaw hae kha a tuaa a sah hae, nopi hae nynh minmin kha a uk hae. Pou ka ccungccaw hae, nanning ae cciakhae oh paw nynh nanning kha ae cciakhaesei oh zah na ccianaw oh paw laanpi kha ae ropya oh.

ISAIAH 9:16

e ccungccaw hae a cciakhaetu hae nynh minmin kha cciakhaesei hae zah, ccungccaw hae kha mih lungnuasah hae.

HOSEA 4:12

Ka ccungccaw hae nynh thingphe kha tuanaw ngiakuh hae zah, phuring-unawpaw mih ccungngue nynh a ny ry hae paw kha a hopya hae. Pawccecize ohhuaku rynaw thinlung nynh minmin kha cciakhaesei hae zah, mih Pachia kha vuate a ohhuaku hae.

LEVITIKAS 16:34

E hynh nae hanlan zungzae tynpaw phungbya athua cih, Israel ccungccaw hae mih seinaw balyn hanlan kum kheit ze vaekheit seingaethyanaw rae athua cih. Te Bawipaw nynh kaw a pya thyhte Moses nynh a cyi.

LEVITIKAS 5:18

Aning nynh sahiin phu kya-e douccahpaw tuutepaw sa kheit khyhze amee alokuhpaw kha cyiseinaw silawnaw lante ranpibawi kalan a thuakhae cih; te tuaku ty leite a cyipaw tuh-e cyiseinaw hanlan ranpibawi nynh seingaethyanaw a raepah cih zah, aning tuh ngaethya athua cih.

AMOS 2:14

Arangte a ccue khopaw nynh ccue man lan khyh zah, a thawsaepaw nynh a thawzung kha thua man lan khyh. A thungpaw nynh a hiinnaw kha khumkuh lan khyh;

NAMBAR 15:25

Ranpibawi nynh Israel zapi balyn hanlan seingaethyanaw kha a raepah cih hae zah minmin tuh ngaethya athua cih hae; tuh-e tuh tuaku ty leite a cyiseipaw athua keiccuze mih Bawipaw kalan maee te silawnaw, te Bawipaw malang mih seithyaanaw silawnaw kha mih cyiseinaw hanlan oun ccyng hae paw nynh thua.

EFESA 4:18

Minmin kya nythyanaw kharouh a um khyh keiccu, mih thinlung mitmoh keiccu, mih thaethyanaw tuh karae amoh, Pachia kya-e hiinnaw kyate phe a phiakuh vae hae.

HEBRU 10:3

Thuasalama tuh-e silawnaw kya tuh seinaw bua liathuinaw kum takyhte a um.

HEBRU 6:19

Tuh-e ngaehoinaw tuh phe ariapaw te atynpaw thinlung kya-e sivawhinpi hawte ah hoi oh zah, hminthyaa kya zokhawpaw boei lungkhu lang po a tee.

HEBRU 7:27

Tuh-e ranpibawi lupi hae hawte, masaty amaw seinaw hanlan, te ccungccaw hae seinaw hanlan nin takyh silawnaw rae ho vae khyh, pawccecize amaw a pyn a pyaku lyakhe zungzae hanlan vaekheit te phe a ccingsah vae.

HEBRU 9:3

Ccangningnaw zokhawpaw boei nulang khe Athyaa Huaccepaw Hmin a ci hae paw khaan a um.