HEBRU 9:5 - Zotung Bible 2016

⁵ Tuh-e byakin thingkua vawlan phu-enaw kya-e cherub hae nynh ngaethyaumsahnaw tungkhung kha phang a dawkhaw hae, tuh-e kong tuh atu phe ccing lan ah ho kho loh khyh oh.

HEBRU 9:5 Iomraidhean Croise

2 SIAPHARAN 19:15

Hezekiah nynh Bawipaw kalan sawsang zah a hopaw tuh: “Pou vaaw Bawipaw , cherubim vawlan a haungpaw, Israel Pachia, nang tuh Pachia nynh na thua, laephi vaw e peenaw balyn kyaze nang rou nynh Pachia na thua; vaaw te lae kha na rae.

1 SHERIANAW 28:11

Tetuh David nynh a ccapaw Solomon kha beikinn tee takawnaw akhaan, a inn hae, sisuakhaan hae, palung khaan hae, alungkhu lang e akhaan hae te byakin thingkua ahu nungnaw lanpaw akhaan pungsan asoikuhpaw kha a pya;

The Psalms 80:1

Josef phin kha tuuphu hawte a cciakhaepaw, Pou Israel Tuurintu, beih yn ngaepya tua! Cherubim vawlan bawitungkhung kya a haungpaw,

The Psalms 99:1

Bawipaw tuh siapharan nynh thua, ccungccaw hae tuh thyngkuh hae sah! Aning tuh cherubim vawlan bawitungkhung kyakhe a haung; laephi tuh hy sah!

LEVITIKAS 16:13

mynkhuh kya-e akhuhpaw ahu nynh byakin thingkua vawlan umpaw ahu kha phang a bong ccaw cite, mynkhuh kha Bawipaw malang umpaw maee kyakhe a phung cih, tuhkhyhze tuh aning tuh a chih cih.

LEVITIKAS 16:2

Bawipaw nynh Moses kha hynhte a hopya: Na upaw Aaron nynh beikinnthyaa lungkhu lang, zokhawpaw boei a lungkhu lang, byakin thingkua vawlan umpaw ahu malang khe hohtuh ccyh zemah a tee khyh nawlan hopah, tuhkhyhze tuh a chih cih; pawccecize ahu vawlan maeking kyakhe ka langkuh cih.

NAMBAR 7:89

Moses nynh Bawipaw te byahoku khylan tungkunaw bu lungkhu lang he a tee te, byakin thingkua vawlan umpaw thawccinaw haungnaw luki, cherubim ccangning laku kyate amaw kalan a hopyapaw roi kha a thae; Tuhcite amaw kha a hopya.

Romans 9:4

Tuh-e hae tuh Israel hae thua hae zah, ccaaw thuanaw, phu-enaw, byakinnaw hae, kawbya pyanaw, Pachia beiknaw, byakinpyakupaw hae te a sekuh hae paw nynh thua.

EFESA 3:10

tuhte muihsah a rynawpaw tuh Pachia hawnaw aphuinphuin kha vaawlang e uktu hae kalan te kawhoitu hae kalan khriccaawbuu liate atu nysah bua athua nawlan nynh thua.

HEBRU 4:16

Tukeiccuze ahoboupaw ccyh kya bawmnaw mue nawlan, ngaethyaumsahnaw te thawccinaw kha ah mue nawlan oh, thawccinaw bawitungkhung kalan khe rawhoyte cceih oh sih.

1 PETER 1:12

Profeh hae nynh rya a law hae paw tuh mimaw hanlan thua leite, nanning hanlan nynh thua cipaw kha mih kalan phypya athua; vaawlang te saw athuapaw Thyaa Muisaw liate nae kalan thehoy bya a ho hae paw kha mangte, tuh-e uccaw hae tuh atu nanning kya hopya athua vae. Vaaw hae nynh tuh-e uccaw hae tuh riri do lan a ry hae.

1 SAMUEL 4:4

Tukeiccuze Shiloh khua langkhe ccungccaw saw hae zah, cherubim laku kya umpaw vaaw Bawipaw byakin thingkua tuh tuin kyate a cciakhae hae. Eli ccapaw hae lu ning Hofni te Finehas tuh Pachia byakin thingkua ryte a um hae.