HEBRU 9:4 - Zotung Bible 2016

⁴ Tuh-e khaan kya mynkhuhpaw unawpaw sui silawhang te sui te po lekuh lan alaeekuhpaw byakin thingkua a um, tuh-e lungkhu kyatuin manna nungnawpaw sui ang, anaw toihpaw Aaron hoitang te byakin lungphe hae a um.

HEBRU 9:4 Iomraidhean Croise

1 SIAPHARAN 7:50

sui ccite raepaw banang hae, tetakia hae, pakepi hae, mynkhuhpaw hanlan pake hae, maee-e nungnawpaw pake hae; beikinn alungkhu lang kou, hmin thyaa huaccepaw kya-e thuakaw hae elang te beikinn inn khaanpi kya-e thuakaw hae elang sui pahta hae kha a rae.

1 SIAPHARAN 8:21

Ah minpaaw hae kha Izip ram kyate a poukhae lya hae ze, Bawipaw nynh minmin ryte a raepaw a byakinnaw a umnahpaw thingkua elang hmin kha ka paccyn vae,” a ci.

1 SIAPHARAN 8:9

Israel hae nynh Izip ram kyate a pou lya hae ze, Bawipaw nynh minmin ryte byakinnaw a raenaw Horeb mua kya Moses nynh a la sangpaw lungphe phe ning laelan, thingkua lungkhu kya ccangpaw pawpaw mah um khyh.

2 SHERIANAW 5:10

Israel hae nynh Izip ram kyate a pou lya hae ze, Bawipaw nynh minmin ryte byakinnaw a raenaw Horeb mua kya Moses nynh a la sangpaw lungphe phe ning laelan, thingkua lungkhu kya ccangpaw pawpaw mah um khyh.

EXODUS 26:33

Boei bawnawpaw hae zakaw khe boei kha na zo cih, te byakin thingkua kha azokuhpaw boei alungkhu lang na teekhae cih; te boei nynh hminthyaa te hminthyaa huapaw kha a riadaw cih.

EXODUS 31:18

Pachia nynh Moses kha Sinai Mua vawlan khe bya he a hopah koute, byakinnaw lungphe phe ning, Pachia kuihdung te a zeipaw lungphe hae kha Moses kalan a pya.

EXODUS 32:15

Oute Moses nynh nulang malang san ning maw te azeikuhpaw byakin lungphe phe ning kha ccyngte maeleihkuh zah mua kyate a cceihbung vae.

EXODUS 34:29

Moses tuh Sinai Mua kyate yn rungbung. Moses nynh a kuih kya byakin lungphe phe ning kha yn ccyng zah yn rungbung lyakhe Pachia te bya a hoku hae keiccuze a mae a akpaw kha nyhkuh khyh.

EXODUS 37:25

Dong kheit sae zah dong kheit akopaw zimuin hanlan silawhang kha eri thing te a rae; tuh-e tuh asaepaw te akopaw phe lokuh zah dong ning ahang; a ki hae tuh silawhang te po kyngkuh hae.

EXODUS 39:35

byakin thingkua, puihnawpaw ccong hae te thingkua ahu kha thuasah;

EXODUS 40:3

Tuh-e beikbu lungkhu khe byakin thingkua kha na nung cih, te thingkua kha zokhawpaw boei khate na zokhaw cih.

LEVITIKAS 16:12

Bawipaw malang umpaw silawhang kyate maee-e phe beihpaw pakekhupaw kha a la cih zah, mynkhuh akhuipaw kha a kuihphe kaw ning phe beih lante ccyngte zokhawpaw boei alungkhu lang a teekhae cih.

NAMBAR 17:10

Te Bawipaw nynh Moses kha, “Rawsetu hae hanlan raeringnaw pyapaw lante Aaron hoitang kha byakinnaw malang khe bua nung; tuhteze nynh kae yn ccohnuaku hae paw kha na daesah kho cih, tuhkhyhze tuh a chihsei cih hae,” a cipya.

NAMBAR 17:5

Te ka popaw ccungccaw kya-e hoitang tuh anaw yn toih cih; tuhcite Israel hae nynh nang kha palei ae rawse hae zah ae ccohnuaku hae paw kha ka daesah cih,” a cipya.

NAMBAR 17:8

Awkhualan khe Moses nynh ccaekiakhannaw bu lungkhu lang he a tee tuh, Levi phin kya-e Aaron hoitang tuh anaw phe la toih vae, apaw lungkuhpaw mah la um vae zah apaw phe la paw vae, te avoipaw almond thae hae kha la thae hae.

DEUTERONOMY 9:11

Nin sung pali te zi sung pali athang te byakinnaw lungphe phe ning kha Bawipaw nynh yn pya.

DEUTERONOMY 9:9

Bawipaw nynh nanning ryte byakinnaw a raenawpaw lungphe hae kha law khylan mua lang he ka kaethung tuh, mua vawlan nin sung pali te zi sung pali ka um; looh mah ka ae khyh zah tui mah ka neih khyh.

BYAPHY 11:19

Vaawlang a umpaw Pachia beikinn tuh hungkuh zah, a beikinn kyakhe amaw kya-e byakin thingkua kha muih athua; te khozaw alaekuh, roi accae, kholung athyh, innrysuekuh zah myarya lepaw hya accah.

BYAPHY 8:3

Ccangpaw vaawpaw nynh yn thua zah sui pakephepaw kha ccyngkute silawhang pe khe a thadyn; bawitungkhung malang a umpaw sui silawhang vawlan khe mithyaa hae balyn kya-e sawsangnaw ryte thuakhae khylan maee te upaw mynkhuhpaw patae kha tuh-e paw tuh a pya hae.