HEBRU 9:22 - Zotung Bible 2016

²² Kawbya thyhte pawpaw balyn chii liate vya thang lan thyaasah athua, chii luanaw um leite seingaethyanaw um khyh.

HEBRU 9:22 Iomraidhean Croise

EZEKIEL 43:18

Te aning nynh kae kha yn hopah zah: Ccungccapaw, Bawipaw PACHIA nynh hynhte a ho: E hae hynh silawhang hanlan phungzae hae nynh thua: Maee-ute silawnawpaw kha a vawlan pyanaw hanlan te sachii kha hei khylan silawhang kha he na rae nin khe,

LEVITIKAS 14:14

Ranpibawi nynh cyiseinaw silawnaw kya-e chii abang kha a lah cih zah thyaasah athua cih paw ccungccaw a ranglang nakua alia lang, a ranglang kuihpi te a ranglang ccupi kyakhe a noi cih.

LEVITIKAS 14:25

Ranpibawi nynh cyiseinaw silawnaw tuutaw kha a theih cih zah achii abang kha a lah cih, te thyaasah athua cih paw ccungccaw a ranglang nakua alia lang, a ranglang kuihpi te a ranglang ccupi kyakhe a noi cih.

LEVITIKAS 14:6

A hiinpaw pavaw kha sidar thing, law asepaw te hyssop thing ryte a lah cih zah, vadungtui vawlan chia a thuapaw pavaw chii kyakhe tuh-e hae tuh ahiinpaw pavaw ryte moh a dung cih.

LEVITIKAS 17:11

Pawccecize pynsaw hiinnaw tuh chii kya nynh a um; te nae hiinnaw hanlan silawhang vawlan khe seingaethyanaw rae nawlan chii kha kae pya vae oh; pawccecize chii tuh hiinnaw hanlan seingaethyanaw a raepaw chii nynh thua.

LEVITIKAS 4:20

Seishawnaw silawnawpaw tangnuapaw a cyi hawkhate tangnuapaw kha a cyih cih; phe lokuh lante a cyih cih. Ranpibawi nynh minmin hanlan seingaethyanaw kha a rae cih zah minmin tuh ngaethya athua vae cih hae.

LEVITIKAS 4:26

Ccawkunaw silawnawpaw atho hawkhate a tho balyn kha silawhang vawlan khe a u cih. Ou tuhte ranpibawi nynh a seinaw hanlan seingaethyanaw a raepah cih zah ngaethya athua cih.

LEVITIKAS 4:35

Ccawkunaw silawnawpaw kya-e tuu atho kha law athua hawte atho balyn kha a lah cih, te ranpibawi nynh Bawipaw kalan maee te silawnaw ryte silawhang vawlan khe a u cih. Tukeiccuze tuh-e ccungccaw nynh a cyiseipaw seinaw hanlan ranpibawi nynh seingaethyanaw kha a raepah cih zah ngaethya athua cih.

LEVITIKAS 5:10

Te sa ningnaw kha aphung thyhte maee-ute silawnaw kha a rae cih. Ou tuhte seinaw a la raepaw hanlan ranpibawi nynh seingaethyanaw a raepah cih zah ngaethya athua cih.

LEVITIKAS 5:11

Thuasalama valaele sa ning khyhze vahu sa ning kha a taening khyh lanze, a raepaw seinaw hanlan vaekhui ephah pum haw pum kheit kha seithyaanaw silawnaw hanlan a ccyng cih; vaekhui vawlan khe chitui bu lan khyh, frankinsen mah pyde lan khyh, pawccecize tuh-e tuh seithyaanaw silawnaw nynh thua.

LEVITIKAS 5:12

Tuh-e tuh ranpibawi kalan a cciakhae cih zah ranpibawi nynh Bawipaw kalan abalynte pyapaw nynh thua cipaw langsaku nawlan, kuihphe hu kheit kha a lah cih zah Bawipaw kalan maee te silawnaw ryte silawhang vawlan khe a u cih; tuh-e tuh seithyaanaw silawnaw nynh thua.

LEVITIKAS 5:18

Aning nynh sahiin phu kya-e douccahpaw tuutepaw sa kheit khyhze amee alokuhpaw kha cyiseinaw silawnaw lante ranpibawi kalan a thuakhae cih; te tuaku ty leite a cyipaw tuh-e cyiseinaw hanlan ranpibawi nynh seingaethyanaw a raepah cih zah, aning tuh ngaethya athua cih.

LEVITIKAS 6:7

Aning elang ranpibawi nynh Bawipaw malang khe seingaethyanaw kha a raepah cih, te a cyiseinaw miakaw kha ngaethya athua vae cih.