HEBRU 9:21 - Zotung Bible 2016

²¹ Tuhawte beikbu te Pachia beiknaw kya mangpaw uccaw hae balyn kha mah chii te pong a thei.

HEBRU 9:21 Iomraidhean Croise

EXODUS 24:6

Moses nynh chii angankuh kha lah zah pakepi kya a nung, te chii angankuh kha silawhang vawlan a hei.

EXODUS 29:12

tuh-e tangnuapaw chii abang kha na lah cih zah silawhang a ki hae kyakhe na kuihdung te na noi cih, te alaepaw chii balyn kha silawhang aleihpaw khe na bu cih.

EXODUS 29:20

te tuh-e tuutepaw kha na theih cih, a chii abang kha na lah cih zah Aaron te a ccapaw hae mih ranglang nakua kha thuasah, mih ranglang kuihpi te mih ranglang ccupi kha thuasah na noi cih hae, te alaepaw chii khate silawhang kha po voilu lan na thei cih.

EXODUS 29:36

Seingaethyanaw hanlan tangnuapaw sa kheit khate seithyaanaw silawnaw kha nin takyh na rae cih. Tuhcite silawhang elang seithyaanaw silawnaw kha mah na rae cih, silawhang elang seingaethyanaw he na rae vae ze, khah-e kha thyaasah khylan chitui na thuh cih.

EXODUS 40:9

Oute thuhkupaw chitui kha na lah cih zah beikbu te a lungkhu umpaw balyn kha na thuh cih, beikbu te a ccinccang balyn kha na thyaasah cih, ou tuhte beikbu tuh athyaapaw lang a tang cih.

LEVITIKAS 8:15

te tangnuapaw kha a chia. Moses nynh a chii kha lah zah a kuihdung te silawhang a ki hae kyakhe thuh zah silawhang kha a thyaasah; oute silawhang a ccusy kyakhe a chii kha a bu. Tuhcite silawhang vawlan seingaethyanaw rae khylan silawhang kha a thyaasah.

LEVITIKAS 8:19

te tuutepaw kha a chia. Moses nynh a chii kha silawhang po voilu lan a hei.

LEVITIKAS 9:18

Ccungccaw hae hanlan ccawkunaw silawnawpaw lante tangnuapaw te tuutepaw kha a chia. Aaron ccapaw hae nynh a chii kha amaw kalan pya hae zah Aaron nynh silawhang po voilu lan a hei,