HEBRU 9:2 - Zotung Bible 2016

² Pawccecize beikbu kha sak hae zah, masaty khaan kya maeekhuatung, ccaboi te Nungpyapaw sanlou a um hae; tuh-e khaan tuh Hmin Thyaa a ci hae.

HEBRU 9:2 Iomraidhean Croise

EXODUS 25:23

Asaepaw dong ning, akopaw dong kheit, te dong kheit khaw kheit ahangpaw ccaboi ccangkheit kha eri thing khate na rae cih.

EXODUS 25:30

Ka malang ccaboi kyakhe Umkhaenaw Sanlou kha zungzae na nungpah cih.

EXODUS 25:31

Akaran pheipaw maee tung ccangkheit kha sui ccipaw te na rae cih. Maee tung aleihpaw te atungpi tuh deihde te raepaw athua cih; a banang hae, apaw pawnahpaw hae te apawkary hae kha atungpi ryte na raede cih hae;

EXODUS 26:1

Te meizong, sephaphuhpaw, asepaw law, nebaleihpaw laaw te kuakuhpaw boei zung hawkhate beikbu kha na sak cih, tuh-e boei hae kyakhe cherubim azuh hae kha na soi cih.

EXODUS 26:33

Boei bawnawpaw hae zakaw khe boei kha na zo cih, te byakin thingkua kha azokuhpaw boei alungkhu lang na teekhae cih; te boei nynh hminthyaa te hminthyaa huapaw kha a riadaw cih.

EXODUS 26:35

Ccaboi kha azokuhpaw boei atolang khe na nung cih zah, maeekhuatung kha beikbu alia lang, ccaboi te arawsekunaw khe na nung cih; te ccaboi kha palung langkhe na nung cih.

EXODUS 29:1

Aaron te a ccapaw hae nynh ranpibawi lante kamaw kha rya oun lawpya ccaw hae cite, minmin kha na thyaasah vae hae ze, mih tungvaw khe hynhcite na cyih cih. Ccaenaw um leipaw tangnuapaw anopaw sa kheit te tuutepaw anopaw sa ning kha na lah cih,

EXODUS 29:35

Kaw kae pya thyhte Aaron te a ccapaw hae tungvaw na cyih cih; minmin tungvaw ordain pyapaw ranpibawi ryalaw kha nin sari lungkhu po na lah cih.

EXODUS 40:2

Masaty sawpaw kya-e masaty nin kyakhe tungkunaw beikbu kha na sak cih.

EXODUS 40:4

Ccaboi kha a lungkhu lang na teekhae cih zah a uccaw hae balyn kha na paccyn cih hae; te maeekhuatung kha na teekhae cih zah maeekhua hae kha na aw cih.

MATTHAI 12:4

Pachia inn lungkhu lang tee zah kawbya nynh ranpibawi hae kyalya ae lan ua zah amaw thuasah, amaw te a umkheih hae paw thuasah ae lan a ua leipaw Nungpyapaw sanlou kha a ae hae cipaw na ria boi khyh oh tou?

MATTHAI 5:15

Humhung nynh mah maeekhua kha aw zah ke khung boi khyh, maee awnawpaw vawlan khe nung zah inn lungkhu um hae paw balyn kha awnaw a pya hae.

HEBRU 9:25

Tuhzemah ranpibawi lupi nynh amaw chii athua leipaw ryte Hmin Thyaa lungkhu lang kum takyh a tee hawte, Khri nynh amaw te amaw kha palei pyaku lan tee vae khyh.