HEBRU 9:13 - Zotung Bible 2016

¹³ Pawccecize tangnuapaw hae te miaa hae chii, te maee te upaw vaetua tohlaw buhhaw hae khate a thyaa lei hae paw kha theipaw nynh pynsaw ccikanku nawlan a thyaasah kho lanze,

HEBRU 9:13 Iomraidhean Croise

2 SHERIANAW 30:19

“Pachia, Bawipaw mih minpaaw hae Pachia kha mih thinlung ccaccing te ccung lan a paccynkuh hae paw tuh beikinnthyaa kya-e thyaasahkunaw phung thyhte a thyaa khyh hae zemah ahoypaw Bawipaw nynh mih balynte ngaethya vae hae sah,” a ci.

The Psalms 51:7

Hyssop khate yn thyaasah lah, ka thyaa cih; yn sing lah, vuiraw laeze ka rawhua cih.

EZEKIEL 36:25

Nanning kha tui ccipaw te kae hei cih oh zah nae nungsikunaw balyn kyate na thyaa cih oh, nae zohtuh balyn kyate kae thyaasah cih oh.

EZEKIEL 44:26

Mithyaapaw lang a tang koute amaw hanlan nin sari a riapah cih hae.

NAMBAR 8:7

Minmin kha thyaasah khylan mih tungvaw khe hynhcite na cyih cih: thyaanawpaw tui khate mih tungvaw na hei cih hae, minmin nynh mih pyn kya-e ming balyn kha a ngokuh cih hae zah mih boeining kha a sukuh cih hae, tuhcite thyaasakuh hae sah.

LOCCEIHTU 15:9

Zynnaw liate Pachia nynh mih thinlung kha thyaasah hae zah, aening te minmin laku laesahnaw umsah khyh.

HEBRU 10:29

Pachia Ccapaw kha a ccu kaw syde zah, amaw a thyaasahpaw byakinnaw chiise kha athyaa leipaw uccaw lang ria zah, thawccinaw Muisaw kha a saryapaw ccungccaw tuh pawcih alepaw detahnaw mou mue lan accan cite na tua oh?

HEBRU 10:4

Pawccecize tangnuapaw hae te miaa hae chii nynh seinaw po lawpya lanpaw tuh thua kho khyh.

HEBRU 9:19

Pawccecize Moses nynh kawbya ccauh kya-e kawbya miakaw kha ccungccaw hae balyn kalan a hopah kou hae te, tui pykuhpaw vaetuataw chii te miaa chii kha lah zah sekakungpaw tuuming te hyssop khate ccauh te ccungccaw hae balyn kha thei hae zah,

1 PETER 1:22

Nanning nynh byaccing kaw kha na ngae oh liate nae hiinnaw kha na thyaasakuh vae oh zah, uno tungvaw ahmepaw sungsahnaw kya athyaapaw thinlung khate lu kheit te lu kheit thawmawte sungsakuh oh.