HEBRU 9:12 - Zotung Bible 2016

¹² miaa hae te vaetuataw hae chii liate thua vae leite, amaw a chii liate Hmin Thyaa lungkhu lang vaekheit kyalya teete, aening hanlan zungzae shawkhawnaw kha oun raepya.

HEBRU 9:12 Iomraidhean Croise

DANIEL 9:24

“Cyiseinaw kha thangsah khylan, seinaw kha zosah khylan, hoyleinaw kha ngaethya khylan, zungzae tynpaw dingnaw kha thuakhae khylan, vizin te profeh kha tazeihkhia khylan te hmin thyaa huaccepaw kha chitui thuh khylan, na ccungccaw hae te athyaapaw na khuapi hanlan lonaw sung sari kha byapae athua.

LEVITIKAS 16:15

Ccungccaw hae hanlan athuapaw seishawnaw silawnawpaw miaa kha a theih cih zah a chii kha zokhawpaw boei alungkhu langkhe a teekhae cih, te tangnuapaw chii khate a la cyi hawte tuh-e miaa a chii khate thingkua ahu vawlan te a malang khe a hei cih.

LEVITIKAS 4:3

Chitui thuh a thuapaw ranpibawi nynh sei zah ccungccaw hae tungvaw seimenaw a thuakhae lanze, tuh-e seinaw hanlan douccahpaw vaetua phu kya-e anopaw tangnuapaw kha Bawipaw kalan seithyaanaw silawnaw lante a pya cih.

LEVITIKAS 8:2

“Aaron te a ccapaw hae kha cciakhae hae lah boeining, thuhkupaw chitui, seishawnaw silawnawpaw tangnuapaw, tuutepaw sa ning te ransi phing leipaw sanlou bawng kha mah cciakhae bia;

LEVITIKAS 9:15

Tukoute Aaron nynh ccungccaw hae kya-e ahlu kha a pya. Ccungccaw hae hanlan seishawnaw silawnawpaw miaa kha lah zah a chia, tuh-e tuh masaty e hawte seithyaanaw silawnaw lante a pya.

ZEKHARIAH 3:9

Joshua malang ka nungpaw lung kha dotua oh, khah-e lung ccangkheit kya mitmae ccangsari a um, khah-e lung vawlan khe karynte ccaw ka zei cih, e ram a seimenaw kha nin kheit lungkhu ka vuapah cih, cite vaaw Bawipaw nynh a ci.

MARKA 3:29

Thuasalama Thyaa Muisaw kha saryanaw bya a hopaw miakaw tuh seingaethyanaw papin mue lan khyh, pawccecize zungzae tynpaw seinaw a raepaw nynh thua,” a ci.

LUKA 1:68

“Israel Pachia Bawipaw tuh thehoysah oh sih, pawccecize a ccungccaw hae kha bawm hae zah a shawkhaw hae.

LOCCEIHTU 20:28

Tukeiccuze naemaw te naemaw kha raeringkute do-oihkuh oh lah, Pachia nynh a Ccapaw chii te a repaw Pachia khriccaawbuu kha do-oih khylan Thyaa Muisaw nynh nanning kha do-oihtu lang ae khangnua oh paw tuuphu hae balyn kha mah raeringte do-oih oh.

EFESA 1:7

Khri chiise liate shawkhawnaw athuapaw aening seinaw ngaethyanaw kha myarya lepaw Pachia thawccinaw thyhte Ccapaw liate ah mue oh,

KOLOSE 1:14

Ccapaw liate seingaethyanaw athuapaw shawkhawnaw kha ah mue oh.

1 THESALON 1:10

yn thua lanpaw thinrianaw kyate aening kha yn luesahtupaw Jesu, Pachia nynh chinaw kyate a thoosahpaw, vaawlang kyate yn thua cih paw a Ccapaw ngaw lanpaw kha thuasah a ho hae.

TITU 2:14

Jesu Khri tuh hoyleinaw balyn kyate aening kha shawkhaw khylan thuasah, amaw elang ccungccaw hae kha thyaasah khylan te tuh-e ccungccaw hae nynh ahoypaw cyisahnaw kha mih lungzua nawlan thuasah amaw te amaw kha aening hanlan a pyaku.

HEBRU 1:3

Tuh-e Ccapaw tuh Pachia phu-enaw awnawpaw te Pachia thuanaw muinsan langsakunawpaw nynh thua. Athungpaw a bya liate pawpaw balyn kha po a tynsah. Aening seinaw hae kha amaw ccaccei nynh he oun thyaasahpah koute ahangnaw kya Lesaenaw ranglang khe a dahung vae.

HEBRU 10:19

Tukeiccuze uteno hae, Jesu chii liate beikinnthyaa lungkhu lang tee lan zynkunaw ah hoi vae oh.

HEBRU 10:4

Pawccecize tangnuapaw hae te miaa hae chii nynh seinaw po lawpya lanpaw tuh thua kho khyh.

HEBRU 13:12

Tukeiccuze Jesu mah amaw a chii te ccungccaw hae kha thyaasah khylan koikua atolang khe a teing.

HEBRU 5:9

Accingpaw lang rae athua koute, amaw kaw a ngae hae paw balyn hanlan aning tuh zungzae khumnaw athotupaw lang yn tang.

HEBRU 7:27

Tuh-e ranpibawi lupi hae hawte, masaty amaw seinaw hanlan, te ccungccaw hae seinaw hanlan nin takyh silawnaw rae ho vae khyh, pawccecize amaw a pyn a pyaku lyakhe zungzae hanlan vaekheit te phe a ccingsah vae.

HEBRU 9:13

Pawccecize tangnuapaw hae te miaa hae chii, te maee te upaw vaetua tohlaw buhhaw hae khate a thyaa lei hae paw kha theipaw nynh pynsaw ccikanku nawlan a thyaasah kho lanze,

HEBRU 9:14

zungzae tynpaw Muisaw liate Pachia kya ccaenaw um leipaw, amaw te amaw a pyakuhpaw, Khri chii nynh a chihpaw ryalaw kyate a hiinpaw Pachia ryalawpya khylan naemaw nykunaw thinlung kha pawcihmou houh a thyaasah kho cih!

HEBRU 9:15

Tukeiccuze Khri tuh byakinnaw thawpaw kya-e hopiatu nynh thua, tuhteze nynh Pachia nynh a ko hae paw tuh bya a kinpyaku hae paw zungzae tynpaw rho uccaw kha a ccou kho cih hae, pawccecize masaty byakinnaw zakaw kya cyiseimenaw kha shawkhaw khylan Khri tuh chinaw a ing vae.

HEBRU 9:19

Pawccecize Moses nynh kawbya ccauh kya-e kawbya miakaw kha ccungccaw hae balyn kalan a hopah kou hae te, tui pykuhpaw vaetuataw chii te miaa chii kha lah zah sekakungpaw tuuming te hyssop khate ccauh te ccungccaw hae balyn kha thei hae zah,

HEBRU 9:28

Khri nynh ccungccaw patae seinaw kha phu khylan vaekheit kyalya a pyaku. Amaw kha ngaehoite a ngawpaw ccungccaw hae kha khum khylan aning tuh seinaw te asekuh lei lante vaeningnaw bua yn langkuh ung cih.

HEBRU 9:7

Thuasalama ccangningnaw akhaan lungkhu lang tuh ranpibawi lupi rou nynh chii ryte kum kheit ze vaekheit kyalya a tee. Amaw hanlan te ccungccaw hae nynh nyku leite a rae hae paw seinaw hanlan tuh-e chii te aning nynh si a law.

BYAPHY 1:5

a lungzipaw ccaekia a thuapaw, a chih hae paw kyate masaty yn puipaw te laephi siapharan hae uktu bawi athuapaw Jesu Khri kyate thuasah thawccinaw te daenaw tuh nae tungvaw la um sah. Aening kha oun sungsah zah a chiise te aening seinaw balyn kha oun luesahpaw,

BYAPHY 5:9

Minmin nynh hlaw thawpaw kha sah hae zah, “Nang tuh ccakue kha law lan te ccakue kya-e tazeih hae kha kia lan na ngaekuh, pawccecize nang tuh chia na thua zah na chiise liate phin miakaw, bya miakaw, minphuin miakaw te ram miakaw kya-e ccungccaw hae kha Pachia hanlan na shawkhaw hae.