HEBRU 9:11 - Zotung Bible 2016

¹¹ Thuasalama Khri tuh phe alangkuh vae paw ahoypaw uccaw hae kya-e ranpibawi lupi lante yn thua zah, kuih te rae leipaw, tuh-e ho rypaw tuh kuih te rae athua leipaw, hynh-e raenaw kya-e athua leipaw, lesaehua zah houh accingpaw beikbu liate,

HEBRU 9:11 Iomraidhean Croise

GENESIS 49:10

Minhoynaw kha a mue makhia tuh siapharan kawhoinaw ccoi thuasah, a ccu laku kya-e uktu hoitang thuasah Judah kyate phiakuh lan khyh, te ccungccaw hae nynh amaw kaw kha a ngae cih hae.

The Psalms 40:7

Tetuh kae nynh, “E kya mang ka um; ccauh akuekuhpaw kya ka hanlan na zeipaw mang a um.

ISAIAH 59:20

Aning tuh Shawkhawtu hawte Zion lang yn thua cih, seinaw kyate a maeleihkuhpaw Jakob ciihan hae kalan yn thua cih, cite Bawipaw nynh a ci.

JEREMIAH 33:8

Ka tungvaw a rae hae paw seinaw balyn kha ka thyaasah cih zah, mih seinaw balyn te kae yn dounaw hae kha ka ngaethya cih hae.

MALAKHI 3:1

Dotua, ka ccianaw laanpi kha paccyn khylan ka zeccuetu kha ka saw cih, na ccung oh paw Bawipaw tuh amaw beikinn langkhe palou yn thua cih. Nanning nynh nae lungrythuapaw byakinnaw zeccuetu tuh yn thua ccaccing cih, cite vaaw Bawipaw nynh a ci.

MATTHAI 11:3

Jesu kha, “Nang hynh yn thua cih paw tuh na thua tou? Tuhkhyhze mingccangpaw tou kae ngaw ung cih?” cite bya a khiasah hae.

MATTHAI 2:6

‘Judah ram umpaw Bethlehem, nang tuh Judah ram khuapi hae lakuze adih huapaw na thua khyh; pawccecize na kyate ka ccungccaw Israel hae tuurintu yn pou cih!’ a ci,” cite a hopya hae.

MARKA 14:58

“E paw nynh, ‘Kuih te sakpaw e beikinn hynh ka roh cih zah kuih te sak leipaw ccangpaw beikinn kha nin thum lungkhu ka sak cih,’ cite a hopaw kae thae,” a ci hae.

JOHAN 1:14

Bya tuh ccungccaw lang yn tang zah aening kya a um, aning tuh thawccinaw te byaccing te phe beih zah, Paaw kya-e lu kheit kyalyapaw Ccapaw phu-enaw lante a phu-enaw kha ah muih vae oh.

JOHAN 4:25

Nopinung nynh, “Khri a ci hae paw Messiah tuh yn thua vae cih cipaw ka ny; he yn thua te kaening kha pawpaw balyn pong yn hopah cih,” a cipya.

LOCCEIHTU 7:48

Tuhzemah Ahang Huaccepaw Pachia tuh kuih te raepaw beikinn kya um khyh;

2 KORIN 4:18

Tukeiccuze muih khopaw uccaw hae kha do leite muih kho leipaw uccaw hae kha nynh kae do; pawccecize muih khopaw uccaw hae tuh sosoh nynh atyn, thuasalama muih kho leipaw uccaw hae tuh zungzae atyn.

2 KORIN 5:1

Pawccecize aening ah umnaw oh paw laephi bu hynh ro athua lanze, vaawlang khua kya kuih te rae leipaw inn, zungzae atynpaw inn kha Pachia kyate ah mue cih oh cipaw ah ny oh.

KOLOSE 2:11

Khri kya-e vingdungawkunaw liate chiisaw te asekuhpaw pyn kha khahkute, kuih te rae leipaw vingdungawkunaw khate nanning mah amaw kya vingdungaw na thua oh.

HEBRU 10:1

Pawccecize kawbya tuh yn thua cih paw ahoypaw uccaw hae mynlyh thua zah uccaw hae muinsan ccaccing thua khyh, kum takyhte pyapaw alokuhpaw silawnaw liate amaw kalan a naekuh hae paw kha kharouh ccingsah kho khyh hae.

HEBRU 12:27

Hynh-e, “Tuhzemah vaekheit bua,” cipaw bya nynh a langsakupaw tuh hy kho a um leipaw uccaw hae tuh po a um cih zah, ahy khopaw uccaw hae athuapaw raepaw uccaw hae tuh nue athua cih cinawpaw nynh thua.

HEBRU 13:14

Pawccecize aening tuh hein kya po atynpaw khuapi ah hoi khyh oh, yn thua cih paw khuapi kha nynh ah ccung oh.

HEBRU 2:17

Tukeiccuze ccungccaw hae seinaw hanlan seishawnaw raepya khylan, Pachia te asekuhpaw uccaw hae kya Khri tuh thawccithyapaw te a lungzipaw Ranpibawi Lupi athua nawlan, pawpaw balyn kya a uno hae te a loku lan hae paw nynh thua.

HEBRU 3:1

Tukeiccuze vaawlang te asekuhpaw konaw kya a pabua hae paw athyaapaw uteno hae, aening nynh ccaekia ah khan oh paw Locceihtu te Ranpibawi Lupi athuapaw Jesu kong kha tuatua oh.

HEBRU 4:15

Pawccecize aening ah Ranpibawi Lupi tuh aening thawzyanaw kya thawccihthya leipaw thua khyh, aning tuh aening hawte tuhounaw aphuinphuin a ing, thuasalama seinaw rae khyh.

HEBRU 7:1

Melkhizedek tuh Salem siapharan thua zah Ahang Huaccepaw Pachia kya-e ranpibawi nynh thua; aning nynh siapharan hae chianaw kyate yn kipaw Abraham kha cciadue zah hythua a pya.

1 JOHAN 5:20

Ahmepaw Pachia kha ah ny nawlan oh, Pachia Ccapaw tuh yn thua vae zah, aening kha thaethyanaw oun pya vae cipaw ah ny oh; aening tuh ahmepaw Pachia kya te a Ccapaw Jesu Khri kya nynh ah um oh. Aning tuh ahmepaw Pachia thua zah zungzae hiinnaw mah athua.

2 JOHAN 1:7

Pawccecize ccungccaw lingtu hae patae tuh laephi vawlan oun langkuh vae hae; minmin nynh Jesu Khri tuh pynsaw lante yn thua cipaw ccaekiakhan khyh hae; khahcihawpaw ccungccaw tuh ccungccaw a lingtu te antikhri nynh thua.