HEBRU 9:1 - Zotung Bible 2016

¹ Masaty byakinnaw nynh heize Pachia beiknaw phung hae te laephi vaw e beikinnthyaa kha a hoi.

HEBRU 9:1 Iomraidhean Croise

EXODUS 25:8

Te minmin laku ka um ccaw, beikinnthyaa ccangkheit kha yn raepah hae sah.

EZEKIEL 43:11

A cyi hae paw balyn keiccuze mih mae he thah te, beikinn pungsan te beikinn uccaw hae, teenaw te pounaw thuakaw hae, beikinn accinccang balyn, a phungzae balyn te beikinn saknaw paccynnaw miakaw te aphunglang balyn kha na nysah cih hae; beikinn saknaw paccynnaw te a phungzae balyn kha minmin nynh muihthyate a zuithya nawlan hae, mih muihnaw khe na zeipah cih hae.

LEVITIKAS 18:30

Tukeiccu nae malang rae a la thuapaw hynh-e anungsikuhpaw ccangkhakheit kha na rae khyh nawlan oh te tuh-e hae khate naemaw te naemaw kha na thusahku khyh nawlan oh, kaw kae pya oh paw kha na zui cih oh: kae tuh Bawipaw nae Pachia nynh ka thua.

LEVITIKAS 22:9

Minmin nynh seinaw kya a ccaw khyh nawlan hae, te beikinnthyaa kha a thethyasah keiccu hae ze, tuin kya a chi khyh nawlan hae, kaw ka pya hae paw kha a zui cih hae: Kae tuh Bawipaw nynh ka thua; kae nynh minmin kha ka thyaasah hae.

NAMBAR 9:12

Tuh-e tuh awkhua cia laesah lan khyh hae, a ru kha mah khya lan khyh hae; kawtaw poi kha a upadi balyn thyhte minmin nynh a tua cih hae.

LUKA 1:6

Minmin lu ning tuh Bawipaw kawbya hae te phung hae balyn kha ccaenaw um lei lan a zui hae paw thua zah Pachia malang parouh mawte a ding hae paw nynh thua.

Romans 9:4

Tuh-e hae tuh Israel hae thua hae zah, ccaaw thuanaw, phu-enaw, byakinnaw hae, kawbya pyanaw, Pachia beiknaw, byakinpyakupaw hae te a sekuh hae paw nynh thua.

KOLOSE 2:8

Khri ccangpyanaw thyhte thua leite, ccungccaw phung thyhte zui zah vaawlui te laephi uktu muisaw hae thyhte a zuipaw laephi thyahawnaw te accakaepaw lingkunaw khate hum nynh sanmah ae ro khyh nawlan oh la raeringkuh oh.

HEBRU 8:13

“Byakin Thawpaw” a cipaw kya masaty byakinnaw kha arynpaw lang a tangsah vae. Ryn zah apuepaw uccaw tuh aro mawze azo cih.

HEBRU 8:2

Aning tuh ccungccaw nynh sak leipaw, Bawipaw nynh a sakpaw beikbu ccaccing athuapaw beikinnthyaa kya Pachia ryalahtu nynh thua.

HEBRU 8:7

Pawccecize masaty e byakinnaw tuh seimenaw a la um khyh lanze, vaeningnaw byakinnaw kha ccung la thua vae lan khyh.

HEBRU 9:24

Pawccecize thanccingpaw pungsan athuapaw, kuih te raepaw beikinnthyaa lungkhu lang Khri tuh tee khyh; atu aening ccelang Pachia muihnaw kya langku khylan, vaawram lang nynh a tee.