HEBRU 8:9 - Zotung Bible 2016

⁹ Izip ram kyate minmin kha kuih te ka sue hae zah ka cciakhae lya hae ze, mih minpaaw hae ryte ka raepaw byakinnaw thyhte thua vae lan khyh; pawccecize ka byakinnaw kya minmin nynh atyn khyh hae keiccuze kae mah minmin kha ka do-oih khyh hae cite Bawipaw nynh a ci.

HEBRU 8:9 Iomraidhean Croise

GENESIS 19:16

Thuasalama Lot tuh rarymamaw a um, te Bawipaw nynh Lot kha ngaethyaumsah keiccuze vaawccungccaw hae nynh amaw, a zu, te a ccanung lu ning kha mih kuih te sue hae zah khuapi atolang a poukhae kou hae te tuin kya a cciataw hae.

JOB 8:20

“Dotua, Pachia nynh ccaenaw um leipaw kha vua lan khyh, hoyleinaw a rae hae paw kha tuh bawm lan khyh hae.

The Psalms 105:43

Tuhcite a ccungccaw hae kha lungtuate a cciakhae hae, a po hae paw kha hlawsah biate a cciakhae hae.

The Psalms 77:20

Moses te Aaron kuih khate na ccungccaw hae kha tuuphu hawte na cciakhae hae.

The Psalms 78:57

mih minpaaw hae hawte maeleihkuh hae zah mih lungzi khyh; akoupaw li hawte a cceihsei hae.

EXODUS 32:8

zui lan kaw ka pya hae paw laanpi kyate arangte a maeleihkuh vae hae; vaetuataw kha raekute beik hae zah tuh-e kalan khe si a lawku hae, te ‘Pou Israel, e pachia hae tuh nang kha Izip ram kyate ae poukhaepaw na pachia hae nynh thua!’ cite a hoku hae,” a cipya.

EXODUS 34:10

Bawipaw nynh, “Byakinnaw kha ka rae. Laephi vawlan balyn kya te pawpaw minphuin kya mah rae a thua boi leipaw ngaeangnaw kha na ccungccaw balyn malang ka rae cih; na umnaw e ccungccaw balyn nynh Bawipaw ryalawnaw kha a muih cih hae; pawccecize tuh-e tuh namaw hanlan ka rae lanpaw ri lan umpaw uccaw nynh thua.

SOLOMON HLAW 8:5

A sungsahpaw kha ngeikute ramkaw kyate yn cceihthungpaw khuh hummou athua? Epal ku kaw khe nang kha kae tho. Tuin kyakhe na nung tuh nang keiccuze neitangia a teing; tuin kyakhe nang ae saahnung tuh neitangia a teing.

ISAIAH 40:11

Tuurinpaw hawte a tuuphu kha looh a dang cih; tuutaw hae kha a kuih te a dua cih hae, a by kya a pompae cih hae zah, a taw umpaw tuupinung hae kha zyazyate a cciakhae cih hae.

ISAIAH 41:13

Pawccecize kae, Bawipaw na Pachia nynh na ranglang kuih kha phang kae kyng; “Na thinphang nan sah, nang kha kae bawm cih,” cite ae hopahtupaw tuh kamaw nynh ka thua.

ISAIAH 51:18

Amaw nynh a saahku hae paw a ccaaw hae balyn laku kya aning kha a cciakhae lanpaw lu kheit san um khyh; aning nynh a do-oih hae paw a ccaaw hae laku kya aning kha a kuih te a kyng lanpaw lu kheit san um khyh.

ISAIAH 63:9

Amaw malang e vaawpaw nynh minmin kha a khum hae; a sungsahnaw te a ngaethyaumsahnaw keiccuze minmin kha a shawkhaw hae; alia vae paw ccyh balyn kya minmin kha hangthung hae zah a cciakhae hae.

JEREMIAH 31:32

Tuh-e tuh mih minpaaw hae kha Izip ram kyate mih kuih te suete ka poukhae lya hae ze, ka raepaw byakinnaw te lokuh lan khyh. Mih vawpaw hawte ka la thua zemah, minmin nynh tuh-e byakinnaw kha a ro hae, cite Bawipaw nynh a ci.

RAWNAW HLAW 4:16

Bawipaw ccaccei maw nynh minmin kha phiariphiarae a nung vae hae, minmin kha pawlangria vae lan khyh hae; ccungccaw hae nynh ranpibawi hae kha sawtua vae khyh hae, cciakhaetu hae kha maedo vae khyh hae.

EZEKIEL 16:59

Bawipaw PACHIA nynh hynhte a ho: Na cyi hawte na tungvaw ka cyih cih, nang nynh byakinnaw kha na roh zah, thyalawkute byakinkunaw kha pawlang na ria khyh;

EZEKIEL 16:8

Na pe bua ka cceih zah kae dotua; nang tuh vawpaw hoi phe na zaw vae. Ka angkiccua adung kha kae dawpah zah, na ccakaete na umpaw kha kae bongpya: Nang kae hawnawpaw byakinnaw kha namaw ryte ka rae zah, nang tuh ka kya-e lang na tang vae, cite Bawipaw PACHIA nynh a ci.

AMOS 5:22

Maee-ute silawnaw te ccathae silawnaw kha nae pya oh zemah, kae ccoupah lan khyh oh; ccawkunaw silawnaw lante nae pya oh paw athopaw nae sahiin hae kha mah lymaw ka do lan khyh.

MALAKHI 2:13

E hynh mah na cyi ung oh: Bawipaw silawhang tuh mitphi te thuasah, rawkhuinaw te hawkhaekunaw khate thuasah na bong oh, pawccecize aning nynh pyapaw uccaw kha a peki khyh, nae kuih kya-e silawnaw kha mah a lungrythua khyh zah ccou khyh.

MARKA 8:23

Jesu nynh mitmohpaw kha a kuih te kyng zah khua atolang a cciakhae; a mit kha thoi zah a tungvaw a kuih a khang koute, “Ngaw na muih vae tou?” cite a khia.

LOCCEIHTU 13:11

Atumaw, Bawipaw kuih tuh na tungvaw a ccah cih, na mitmoh cih zah ccyh sosoh khuanin na muih lan khyh,” a cipya. Vaekheihmawte a mit pong zi zah a tungvaw mohnaw a thua; a kuih te a suebua lanpaw ccungccaw kha zahkute maemae a khiakuh.

LOCCEIHTU 7:36

Aning nynh Israel ccungccaw hae kha poukhae hae zah Izip ram, Rili Se te ramkaw kyakhe kum sung pali lungkhu ngaeangnaw te muihsahnaw kha a langsahpya hae.

LOCCEIHTU 9:8

Saul tuh laekhu kyate thokuh zah a mit he dae tuh, pawpaw mah muih kho vae khyh; tukeiccuze a kuih te kyng hae zah Damaskas khua lungkhu lang a cciakhae hae.

GALATI 4:24

Hynh-e hae kong hynh tousenawpaw nynh thua: hynh-e nopi hae lu ning tuh byakin ccangning nynh thua; Hakar athuapaw byakin ccangkheit tuh Sinai mua kyate yn thua zah a ccaaw hae kha see lang a saah hae.

DEUTERONOMY 29:1

Hynh-e hae hynh Bawipaw nynh Israel hae ryte Horeb kya a raepaw byakinnaw apiaze, Israel hae ryte Moab ram kya byakinnaw rae khylan Bawipaw nynh Moses kalan kaw a pyapaw byakinnaw kya-e bya hae nynh thua.

DEUTERONOMY 29:12

tuh-e na thadyn oh paw tuh Bawipaw nae Pachia nynh nanning ryte atunin bya a kinkupaw, Bawipaw nae Pachia kya-e byakinnaw lungkhu lang tee khylan nynh thua;

DEUTERONOMY 29:25

Tuh-e ccungccaw hae nynh, “Izip ram kyate he a poukhae hae te, mih minpaaw hae Pachia, Bawipaw nynh minmin ryte a la raepaw byakinnaw kha a vua keiccu hae nynh thua.