HEBRU 8:5 - Zotung Bible 2016

⁵ Minmin tuh vaawlang e beikinnthyaa pungsan te alokuhpaw mynlyh kyakhe nynh rya a law hae. Tuh-e keiccu Moses nynh beikbu kha sak lan vae cite he a noukuh tuh, “Mua vawlan nang na kya langsahpya athuapaw pungsan thyhawte pawpaw balyn kha na rae nawlan raeringkuh,” cite Pachia nynh Moses kha raeringnaw a pya.

HEBRU 8:5 Iomraidhean Croise

1 SHERIANAW 28:12

Bawipaw inn voidu hae, po voilu lan umpaw akhaan hae, Pachia inn e sisuakhaan hae te pyapaw lasung hae nungnawpaw sisuakhaan hae, a thinlung kya a umpaw miakaw thyhte pungsan kha a pya;

1 SHERIANAW 28:19

David nynh, “E hae balyn hynh Bawipaw nynh a hopaw kha zei athua thyhte, law lanpaw rya paccynnaw miakaw kha thaethyanawpaw hawnaw yn pya vae,” a ci.

EXODUS 25:40

Mua vawlan kae muihsahpaw accinccang thyhte na rae ccaw syntawkuh.

EXODUS 25:9

Kae muihsah cih paw accinccang balyn thyhte beikbu te a lungkhu e uccaw hae kha na rae cih oh.

EXODUS 26:30

Mua vawlan kae muihsahpaw accinccang thyhte beikbu kha na sak cih.

EXODUS 27:8

Beikhang tuh alungkhu kya akhupaw kua a um lante thingphe te na rae cih. Mua vawlan muihsah na thua hawkhate tuh-e hae tuh na rae cih hae.

NAMBAR 8:4

E hynh sui kha deihping te maeekhuatung raezia nynh thua. Maeekhuatung aleihpaw kyate a haetapaw kyacia deihping te raepaw nynh thua; Bawipaw nynh Moses a langsahpyaku paw pungsan thyhte, aning nynh maeekhuatung kha a rae.

MATTHAI 2:12

Minmin tuh Herod kalan a ki vae khyh nawlan hae Pachia nynh mih maan kya raeringnaw a pya hae keiccuze laanpi ccanglang te mih ram lang a ki hae.

LOCCEIHTU 7:44

“Aening ah minpaaw hae nynh ramkaw kya a um lya hae khe, Pachia tuh kae kya a um cinawpaw ccaekia lang beikbu a la hoi hae; tuh-e beikbu tuh Pachia nynh Moses a hopya hawte, Moses nynh a muihpaw pungsan thyhte a sakpaw nynh thua.

KOLOSE 2:17

Tuh-e hae tuh yn thua cih paw uccaw hae kya-e mynlyh nynh thua hae; thuasalama accaccingpaw tuh Khri nynh thua.

HEBRU 10:1

Pawccecize kawbya tuh yn thua cih paw ahoypaw uccaw hae mynlyh thua zah uccaw hae muinsan ccaccing thua khyh, kum takyhte pyapaw alokuhpaw silawnaw liate amaw kalan a naekuh hae paw kha kharouh ccingsah kho khyh hae.

HEBRU 11:7

Noah tuh muih loh leipaw uccaw hae kong kha Pachia nynh raeringnaw a pya koute a innbyn khumnaw hanlan Pachia rawrinaw te zynnaw liate sanphalung kha a sak, tuh-e zynnaw liate laephi kha seibe zah zynnaw liate yn thuapaw dingnaw rho a ccoutu lang yn tang.

HEBRU 12:25

Nanning nynh a hotupaw bya kha na ei khyh nawlan oh raeringkuh oh; pawccecize laephi vawlan a hotupaw bya a ei hae paw tuh detahnaw kyate a lue khyh hae ze, vaawlang te a hotupaw bya kha aening nynh ah ei oh ze, pawtemou ah lue kho cih oh?

HEBRU 13:10

Beikhang ccangkheit ah hoi oh zah, tuh-e kya tuh beikbu ryalahtu hae nynh aenaw kaw hoi khyh hae.

HEBRU 9:9

Tuh-e beikbu tuh atu ccyh hanlan muihsahnawpaw nynh thua; tuh-e beikbu kya Pachia pyapaw te silawkunaw hae paw kha pya hae zah, tuh-e nynh a beiktu hae mawtemaw nykunaw thinlung kha ccingsah kho khyh.

JOSHUA 22:28

Te e hynh kaening kya thuasah, kae ciihan hae kya thuasah, hosei athua lanze, ‘Bawipaw silawhang hynh dotua oh, kae minpaaw hae nynh silaw nawlan thua leite nanning te kaening lakuze ccaekia lang la rae hae paw hynhsa athua,’ cite kae ho cih cite kae tua.

BYAPHY 15:5

Tukoute he ka do tuh, vaawlang kya ccaekiakhankunaw bu a umnaw beikinn tuh ahungkuh.