HEBRU 8:13 - Zotung Bible 2016

¹³ “Byakin Thawpaw” a cipaw kya masaty byakinnaw kha arynpaw lang a tangsah vae. Ryn zah apuepaw uccaw tuh aro mawze azo cih.

HEBRU 8:13 Iomraidhean Croise

ISAIAH 51:6

Vaawlui khuh dotua oh lah, akaw lang e laephi kha mah dotua oh; vaawlui tuh maeekhuh hawte a zo cih zah, laephi tuh boeining hawte a pue cih, laephi vawlan a um hae paw tuh maseih hawte a chih cih hae; thuasalama ka khumnaw tuh zungzae atyn cih zah, ka kya-e luenaw tuh thang boi vae lan khyh.

MATTHAI 24:35

Vaaw te laephi tuh azo cih, thuasalama ka bya tuh zo lan khyh.

LUKA 22:20

Tuhawte zerya a ae kou hae te, banang kha mah lah zah, “E banang tuh nanning hanlan ka laepaw ka chiise kya ka tynsahpaw byakin thawpaw nynh thua.

1 KORIN 13:8

Sungsakunaw tuh thang boi khyh. Thuasalama profehbya ho khonaw a um zemah a zo cih; bya aphuinphuin hothyanaw a um zemah adae cih; nynaw a um zemah a zo cih.

2 KORIN 3:6

byakin thaw kya-e ryalahtu hae lang tang khylan Pachia nynh kaening kha cyi khonaw oun pya vae; tuh-e byakin thaw tuh zeipaw kawbya kya-e thua leite, Muisaw kya-e nynh thua; pawccecize zeipaw kawbya nynh tuh hiinnaw kha a chia, thuasalama Muisaw nynh tuh hiinnaw kha a pya.

2 KORIN 5:17

Tukeiccuze humhung zemah Khri kya a um lanze, aning tuh rae thawpaw ccungccaw nynh thua; arynpaw uccaw miakaw tuh marya zo zah, pawpaw balyn tuh athawpaw lang a tang vae.

HEBRU 1:11

Minmin tuh aroh cih hae, thuasalama nang tuh na tyn zungzae; boeining nynh apue hawte tuh-e hae tuh apue cih hae;

HEBRU 12:24

byakinnaw thawpaw kya-e hopiatu Jesu kalan te Abel chiise nynh a hopaw uccaw laeze ahoy huapaw uccaw kong a hopaw theipaw chiise kalan na thua vae oh.

HEBRU 7:22

Tuh-e byakinkunaw liate Jesu tuh ahoy huapaw byakinnaw kya-e aamahkhan lang yn tang.

HEBRU 8:6

Thuasalama Jesu tuh ahoy huapaw byakinpyakunaw kya thadynsah thua zah ahoy huapaw byakinnaw kya-e hopiatu mah athua keiccuze atu aning tuh ahoy huaccepaw ryalaw kha phe a mue vae.

HEBRU 8:8

Pawccecize ccungccaw hae kya Pachia nynh seimenaw muihpah hae zah a hopaw tuh: “Israel phin te Judah phin hae ryte byakinnaw thawpaw kae rae ccyh tuh solei yn thua cih;

HEBRU 9:15

Tukeiccuze Khri tuh byakinnaw thawpaw kya-e hopiatu nynh thua, tuhteze nynh Pachia nynh a ko hae paw tuh bya a kinpyaku hae paw zungzae tynpaw rho uccaw kha a ccou kho cih hae, pawccecize masaty byakinnaw zakaw kya cyiseimenaw kha shawkhaw khylan Khri tuh chinaw a ing vae.