HEBRU 8:11 - Zotung Bible 2016

¹¹ ‘Bawipaw kha nytua,’ cite lu kheit te lu kheit ccangpyakute hopakuh vae lan khyh hae, pawccecize adih huaccepaw kyate ale huaccepaw kyacia mih balynte kae kha yn nyh vae cih hae.

HEBRU 8:11 Iomraidhean Croise

1 SHERIANAW 28:9

“Te nang, ka ccapaw Solomon, na paaw Pachia kha nyh lah, tuanaw ccangkheit te thinlung ccaccing te amaw rya kha lawtua; pawccecize Bawipaw nynh tuh tuanaw miakaw kha akaw-aleih muih zah, paccynpaw te tuanaw miakaw kha phe a ny. Amaw kha na ccung zetuh na muih cih; thuasalama amaw kha na vua zetuh nang kha zungzae ae vua cih.

2 SHERIANAW 30:22

Bawipaw ryalawnaw kya mih thyanaw ahoypaw a langsah hae paw Levi phin hae balyn kha Hezekiah nynh thawpyanaw bya a hopya hae. Tuhcite ccungccaw hae nynh poi kya-e looh kha nin sari lungkhu ae hae zah, Bawipaw mih minpaaw hae Pachia kalan khe ccawkunaw silawnaw kha raete the a hoysah hae.

EZRA 7:25

“Nang, Ezra nynh na hoipaw Pachia pyapaw hawnaw thyhte, na Pachia kawbya a thaethya hae paw Vaw Khuraw lang ram e ccungccaw balyn kha bya a pia cih hae paw uktu bawi hae te byapiatu hae kha rya na khang cih hae; tuh-e kawbya a nyh lei hae paw kha na ccangpah cih hae.

ISAIAH 2:3

Ccungccaw patae nynh oun thua cih hae zah, “Rang oh, Bawipaw mua, Jakob Pachia inn lang cceihthung oh sih; a laanpi kha oun ccangpah cih zah, aening nynh amaw ccunoh kha ah zui cih oh,” cite oun ho cih hae. Pawccecize Zion kyate ccangpyanaw yn pou cih zah, Jerusalem kyate Bawipaw bya yn langkuh cih.

ISAIAH 54:13

Na ccaaw hae balyn kha Bawipaw nynh a ccangpah cih hae zah, na ccaaw hae tuh myarya a hoirum cih hae.

JEREMIAH 24:7

Bawipaw ka thuanaw kha nynaw thinlung ka pya cih hae; minmin tuh ka ccungccaw athua cih hae zah, kae tuh mih Pachia ka thua cih, pawccecize mih thinlung balyn te ka kalan oun kithui cih hae.

JEREMIAH 31:34

Minmin nynh, “Bawipaw kha nytua,” cite lu kheit te lu kheit ccangpyakute hopakuh vae lan khyh hae, pawccecize adih huaccepaw kyate ale huaccepaw kyacia mih balynte kae kha yn nyh vae cih hae; mih hoyleinaw kha ka ngaethya cih hae zah, mih seinaw kha ka liathui vae lan khyh, cite Bawipaw nynh a ci.

JEREMIAH 42:1

Oute rhawkaw cciakhaetu bawi hae balyn, Kareah ccapaw Johanan, Hoshaiah ccapaw Azariah te adih ale ccungccaw balyn nynh

JEREMIAH 42:8

Tetuh Jeremiah nynh Kareah ccapaw Johanan te a kya um buapaw rhawkaw cciakhaetu bawi hae balyn te adih ale ccungccaw balyn kha pum hae zah,

JEREMIAH 44:12

Izip ram kya um khylan ccia lan cite byapaekuh hae paw Judah phin a laehy hae paw kha ka cciakhae cih hae zah, mih balynte a chih cih hae; Izip ram kya a khuliakuh cih hae; thaloi te ccakanccinaw khate a chih cih hae; adih huapaw kyate ale huapaw kyacia thaloi te ccakanccinaw khate a chih cih hae; anungsikuhpaw te ri lan umpaw lang a tang cih hae zah, thyalawnawpaw te saryanawpaw lang a tang cih hae.

JEREMIAH 6:13

Minmin tuh adih huapaw kyate ale huapaw kyacia ahme leipaw muenaw hanlan mih balyn mawte a karankuh hae; profeh kyate ranpibawi kyacia mih balyn mawte a hyn a hu hae.

EZEKIEL 34:30

Kae, Bawipaw mih Pachia tuh minmin ryte ka um zah, Israel hae tuh ka ccungccaw hae nynh thua hae cipaw minmin nynh a nyh cih hae, cite Bawipaw PACHIA nynh a ci.

HABAKKUK 2:14

Thuasalama rili tuh tui te phe abia hawte, laephi tuh Bawipaw phu-enaw nythyanaw khate phe abeih cih.

JOHAN 6:45

‘Minmin balyn tuh Pachia nynh a ccangpya hae paw athua cih hae,’ cite profeh hae ccauh kya azeikuh. Paaw kya-e kha thae zah a ccangkuhpaw miakaw tuh ka kalan oun cceih hae.

LOCCEIHTU 8:10

Adih huapaw kyate ale huapaw kyacia mih balyn te, “E ccungccapaw tuh Pachia kya-e thungnaw lepaw nynh thua,” ci hae zah a bya kha hoyte a ngaepya hae.

1 JOHAN 2:27

Thuasalama Athyaapaw kyate na mue oh paw chitui thuhnaw tuh nae kya atynpaw thua zah, nanning tuh lukhakheit nynh ccangpyaku na ho vae khyh oh. Tuh-e chitui thuhnaw nynh pawpaw balyn kha nanning ae ccangpya oh, tuh-e tuh akyhpaw thua zah hynpaw thua khyh; tuh-e nynh ae ccangpya oh thyhawte nanning nynh amaw kya na tyn cih oh.

1 JOHAN 5:20

Ahmepaw Pachia kha ah ny nawlan oh, Pachia Ccapaw tuh yn thua vae zah, aening kha thaethyanaw oun pya vae cipaw ah ny oh; aening tuh ahmepaw Pachia kya te a Ccapaw Jesu Khri kya nynh ah um oh. Aning tuh ahmepaw Pachia thua zah zungzae hiinnaw mah athua.