HEBRU 8:10 - Zotung Bible 2016

¹⁰ Tuh-e nin hae koute Israel phin kya ka rae lanpaw byakinnaw tuh hynhte nynh athua: Ka kawbya hae kha mih lungkhu kya ka nung cih zah, mih thinlung kya ka zei cih; te kae tuh mih Pachia ka thua cih zah, minmin tuh ka ccungccaw hae athua cih hae.

HEBRU 8:10 Iomraidhean Croise

EXODUS 24:4

Te Moses nynh Bawipaw bya balyn kha a zei. Aning nynh awkhua takaw khe tho zah mua leihpaw khe silawhang kha a rae, Israel phin haw lae ning hanlan lungbing haw lae ning kha a bing.

EXODUS 24:7

Oute byakin ccauh kha lah zah ccungccaw hae a thaenaw hae khe a ria; te minmin nynh, “Bawipaw nynh a hopaw balyn kha kae cyih cih zah kaw kae ngae cih,” a ci hae.

EXODUS 34:1

Bawipaw nynh Moses kha, “Langmaw e lungphe hae hawte lungphe phe ning kha awtua, na koipaw langmaw e lungphe hae vawlan umpaw bya hae kha khah-e lungphe hae vawlan khe ka zei cih.

EXODUS 34:27

Bawipaw nynh Moses kha, “E bya hae hynh zei hae; e bya hae thyhte nang te Israel hae ryte byakinnaw kha ka rae vae,” a cipya.

SOLOMON HLAW 2:16

Ka sungsahpaw tuh ka kya-e thua zah, kae tuh a kya-e nynh ka thua; a tuuphu kha lili paw hae laku khe a paeesaku hae.

JEREMIAH 24:7

Bawipaw ka thuanaw kha nynaw thinlung ka pya cih hae; minmin tuh ka ccungccaw athua cih hae zah, kae tuh mih Pachia ka thua cih, pawccecize mih thinlung balyn te ka kalan oun kithui cih hae.

JEREMIAH 31:1

Bawipaw nynh a hopaw tuh: Tuin ccyh vae ze, kae tuh Israel phin hae balyn Pachia ka thua cih zah, minmin tuh ka ccungccaw athua cih hae.

JEREMIAH 31:33

Tuh-e nin hae koute Israel phin kya ka rae lanpaw byakinnaw tuh hynhte nynh athua: Ka phunglang kha mih lungkhu kya ka nung cih zah, mih thinlung kya ka zei cih; te kae tuh mih Pachia ka thua cih zah, minmin tuh ka ccungccaw hae athua cih hae.

JEREMIAH 32:38

Minmin tuh ka ccungccaw hae athua cih hae zah, kae tuh mih Pachia ka thua cih.

JEREMIAH 32:40

Minmin hanlan hoynaw raepyapaw kha papin ka umtaw khyh nawlan, minmin kya zungzae tynpaw byakinnaw kha ka rae cih; ka kyate a maeku khyh nawlan hae, kamaw rawrinaw kha mih thinlung kya ka sang cih.

EZEKIEL 37:27

Ka umnaw hmin tuh minmin kya a um cih; kae tuh mih Pachia ka thua cih zah, minmin tuh ka ccungccaw hae athua cih hae.

EZEKIEL 39:22

Tuin nin te tho zah malang vae tuh, Israel hae nynh kae tuh Bawipaw mih Pachia ka thuapaw kha a nyh vae cih hae.

HOSEA 1:10

Tuhzemah Israel hae tuh toutae leipaw te riatae leipaw rili laesia hawte athua cih hae; “Nanning tuh ka ccungccaw hae na thua khyh oh,” cite hopya athuanaw hae hmin kya mawkhe, “Ahiinpaw Pachia ccaaw hae,” cite hopya athua cih hae.

HOSEA 2:23

te aning kha laephi kya kamaw hanlan ccacii lang ka tukuh cih. Te Lo-ruhamah kha ngaethya ka umsah cih, Lo-ammi kha, “Nang tuh ka ccungccaw nynh na thua,” cite ka hopah cih zah, aning nynh, “Nang tuh ka Pachia nynh na thua,” cite a ho cih, a ci.

ZEKHARIAH 13:9

Te pum thum pum kheit tuh maee lungkhu ka nung cih hae zah, ngun kha thyaasah hawte ka thyaasah cih hae, sui kha syntawtua hawte ka syntawtua cih hae. Minmin nynh ka min kha yn ko cih hae zah ka oi cih hae. Kae nynh, “Minmin tuh ka ccungccaw hae nynh thua hae,” cite ka ho cih zah, minmin nynh, “Bawipaw tuh kae Pachia nynh thua,” cite a ho cih hae.

ZEKHARIAH 8:8

Jerusalem kya um khylan ka cciakhae cih hae. Lungzinaw te dingnaw liate minmin tuh ka ccungccaw hae athua cih hae zah kae tuh mih Pachia ka thua cih.

MATTHAI 22:32

‘Kae tuh Abraham Pachia, Isak Pachia te Jakob Pachia nynh ka thua,’ a ci. Pachia tuh a chih hae paw Pachia thua khyh, a hiin hae paw Pachia nynh thua,” cite a hopya hae.

Romans 11:27

“Mih seinaw hae kha he ka lawpah hae te, hynh-e hynh minmin ryte ka raepaw ka byakinnaw nynh thua,” cite azeiku hawte nynh thua.

1 KORIN 6:16

Ohhuanung te a kyngkuhpaw tuh tuh-e nung te pyn pynkheit nynh athua hae cipaw na nyh khyh oh tou? Pawccecize Pachia nynh, “Minmin lu ning tuh ngesaw kheit lang a tang cih hae,” a ci.

2 KORIN 3:3

nanning tuh Khri kya-e ccaw, kaening nynh kae phupaw nynh na thua oh cipaw ccaerarih lan alang; tuh-e ccaw tuh ccatui te zeipaw thua leite, a hiinpaw Pachia Muisaw te zeipaw nynh thua, lungphe kya zeipaw thua leite, ccungccaw thinlung lungphe kya zeipaw nynh thua.

DEUTERONOMY 30:6

Tuhpiaze, nanning hiin khylan Bawipaw nae Pachia kha nae thinlung balyn te, nae tuanaw balyn te na sungsah oh ccaw cite, Bawipaw nae Pachia nynh nae thinlung te nae ciihan hae thinlung vingdung kha a aw cih.

TITU 2:14

Jesu Khri tuh hoyleinaw balyn kyate aening kha shawkhaw khylan thuasah, amaw elang ccungccaw hae kha thyaasah khylan te tuh-e ccungccaw hae nynh ahoypaw cyisahnaw kha mih lungzua nawlan thuasah amaw te amaw kha aening hanlan a pyaku.

HEBRU 11:16

Thuasalama minmin nynh ahoy huapaw ram kha a ngae hae, tuh-e ram tuh vaawram nynh thua. Tukeiccuze mih Pachia cite koku lanpaw kha Pachia tuh a maethah khyh; pawccecize Pachia nynh minmin hanlan khuapi kha a paccynpya vae hae.

JAMES 1:18

Aening tuh amaw nynh a rae hae paw balyn kyaze masaty athae ah thua nawlan oh, amaw a rynaw thyhte byaccing kya-e bya khate aening kha oun rae.

JAMES 1:21

Tukeiccuze nungsikunaw balyn te paepae luipaw hoyleinaw kha vua oh lah, nae muisaw a khum khopaw, nae lungkhu kya sang athuapaw Pachia bya kha lungnenaw te lawkuh oh.

1 PETER 1:23

Pawccecize arohthyapaw ccacii te thua leite, arohthya leipaw, ahiinpaw te zungzae atynpaw Pachia bya liate nynh na puithui oh.

1 PETER 2:9

Thuasalama nanning tuh mohnaw kyate ngaeang lan umpaw amaw kya-e awnaw lungkhu lang ae kotu oh paw a hoynaw kha siakhae khylan popaw ccungccaw, bawi phin ranpibawi ciihan, athyaapaw minphuin, Pachia ccungccaw nynh na thua oh.