HEBRU 7:9 - Zotung Bible 2016

⁹ Pumhaw pumkheit a ccoupaw Levi nynh mah Abraham kyate pumhaw pumkheit a pyabua cite ho kho athua.

HEBRU 7:9 Iomraidhean Croise

GENESIS 14:20

te na rhaw hae kha na kuih kalan ae pyatu Ahang Huaccepaw Pachia tuh thehoyte um sah!” cite hythua a pya. Te Abram nynh atyn-are kya-e pumhaw pumkheit kha amaw kalan a pya.

MATTHAI 7:8

Pawccecize a ngiapaw miakaw tuh a mue; a ccungpaw miakaw tuh a muih; thuakaw a khuapaw miakaw tuh hungpya athua cih.

Romans 5:12

Pawccemacize ccungccaw lu kheit keiccuze seinaw tuh laephi kalan yn thua zah, seinaw liate chinaw tuh yn thua, tukeiccuze ccungccaw balyn tuh marya ah sei vae oh keiccuze chinaw nynh pong oun thuanua vae.

DEUTERONOMY 26:12

Pumhaw pumkheit pya kum, kum thumnaw kum khe na pousah oh paw kya-e pumhaw pumkheit balyn kha na pya oh zah, Levi phin hae, ramccang hae, ngawraw hae te nomae hae nynh nae khua lungkhu khe phe byn lan a ae ccaw hae cite he na pya kou oh te,

HEBRU 7:10

Pawccecize Melkhizedek nynh Abraham te a tungku lya kha Levi tuh a paaw pyn lungkhu nynh a um ung.

HEBRU 7:4

E ccungccapaw tuh pawcih nynh alesae cipaw kha tuatua oh! Ciihan kyaze paaw athuapaw Abraham nynh heize amaw kha luadepaw uccaw hae kya-e pumhaw pumkheit a pya.

HEBRU 7:8

E konglang kya, a chihthyapaw ccungccaw hae nynh pumhaw pumkheit kha a ccou hae; thuasalama khuhlang tuh a hiin cite ccaekiakhanpya athuapaw nynh pumhaw pumkheit kha a ccou.