HEBRU 7:8 - Zotung Bible 2016

⁸ E konglang kya, a chihthyapaw ccungccaw hae nynh pumhaw pumkheit kha a ccou hae; thuasalama khuhlang tuh a hiin cite ccaekiakhanpya athuapaw nynh pumhaw pumkheit kha a ccou.

HEBRU 7:8 Iomraidhean Croise

JOHAN 14:19

Sosoh acih koute laephi nynh yn muih vae lan khyh, thuasalama nanning nynh tuh nae muih cih oh, kae tuh ka hiin keiccuze nanning mah na hiinbua cih oh.

JOHAN 14:6

Jesu nynh, “Kae tuh laanpi, byaccing te hiinnaw nynh ka thua. Kae ka kyate holeite tuh hum sanmah Paaw kalan thua kho khyh.

HEBRU 3:16

Pawccecize mang a thae hae pite amaw a dou hae paw tuh hum hae mou? Moses nynh Izip ram kyate a cciakhae hae paw balyn kha thua khyh hae tou?

HEBRU 5:6

Ccathyaa ccangpaw kyakhe, “Nang tuh Melkhizedek thuanaw thyhte zungzae ranpibawi nynh na thua,” cite mah a ho.

HEBRU 6:20

Melkhizedek thuanaw thyhte zungzae Ranpibawi Lupi athuapaw Jesu, aening hanlan Zeccuetupaw tuh tuh-e kalan phe a tee vae.

HEBRU 7:23

Ranpibawi hae tuh a chi hae keiccuze tuh-e ryalaw kya po tyn kho vae khyh hae zah milu lante patae a cih hae.

HEBRU 7:7

Anyaa huapaw kha alesae huapaw nynh hythua a pya cipaw tuh eiku lanpaw um khyh.

HEBRU 7:9

Pumhaw pumkheit a ccoupaw Levi nynh mah Abraham kyate pumhaw pumkheit a pyabua cite ho kho athua.

HEBRU 9:27

Ccungccaw hae hanlan vaekheit chi lanpaw tuh laerui-awdepaw thua zah tuh-e koute byapianaw a um hawte,

BYAPHY 1:18

a hiinpaw mah ka thua; kae tuh ka la chih, thuasalama dotua, kae tuh zungzae te zungzae cia po a hiinpaw nynh ka thua, Chinaw toh te Michi khua toh kha ka hoi.