HEBRU 7:2 - Zotung Bible 2016

² Abraham nynh mah amaw kha luadepaw uccaw hae balyn kya-e pumhaw pumkheit kha a pya. Masaty a min asuilan tuh, “dingnaw siapharan” nynh thua, tukoute Salem Siapharan mah athua, tuh-e tuh “daenaw siapharan” cipaw nynh thua.

HEBRU 7:2 Iomraidhean Croise

GENESIS 28:22

lungbing lang ka bingpaw e lung hynh Pachia inn lang a tang cih; te nae pyapaw balyn kya-e pumhaw pumkheit kha kae pya ccaccing cih,” a ci.

2 SAMUEL 23:3

Israel Pachia nynh a ho vae, Israel lungpi nynh yn hopya vae: Ccungccaw hae kha dingnaw te uk hae zah, Pachia rawrite a uktupaw tuh,

2 SAMUEL 8:15

Tuhcite David nynh Israel ram pynpi kha a uk; David nynh a ccungccaw hae balyn kha byading te ngingnaw te a uk hae.

1 SHERIANAW 22:9

Dotua, ccapaw lu kheit na saah cih; aning tuh daenaw ccungccaw athua cih. A pepan e a rhaw hae balyn kyate daenaw ka pya cih; pawccecize a min tuh Solomon athua cih zah, a she lungkhu kya Israel hae kha daenaw te ccawkunaw ka pya cih hae.

The Psalms 72:7

A she lungkhu kya dingnaw tuh lethung sah lah, sawpaw a zo makhia daenaw um sah.

LEVITIKAS 27:32

Vaetua phu kya-e thuasah, tuuphu kya-e thuasah a rintu hoitang zakaw kya a cceihpaw pumhaw pumkheit miakaw tuh Bawipaw elang athyaapaw athua cih.

MIKAH 5:5

aning tuh daenaw ccungccaw athua cih. Assiria hae tuh ah ram lungkhu lang oun tee hae zah, ah laephi kha he oun sy hae ze, tuurin lu sari te uktu lu tarya kha minmin dou khylan saw lan hae.

NAMBAR 18:21

“Levi phin hae nynh tungkunaw bu kya-e ryalaw kha a law keiccu hae ze, Israel hae kya-e pumhaw pumkheit miakaw kha mih ryalaw hanlan rho lang ka pya vae hae.

MATTHAI 1:23

“Dotua, liaccady nynh ccaaw yn poi cih zah ccapaw yn saah cih, a min tuh Immanuel yn cikuh cih,” (asuilan tuh, “Pachia kae kya a um,” cipaw nynh thua).

LUKA 2:14

“Ahang huapaw vaawlang kya Pachia tuh phu-esah thua sah, a sungsah hae paw a umnaw hae lae vawlan hin daenaw um sah!” a ci hae.

Romans 3:26

atu vae tuh Pachia nynh amaw a dingnaw kha langsaku khylan te Jesu a zynpaw miakaw tuh thyaaccousah athuanaw kong kha langsaku khylan tuhcite a cyi.

HEBRU 7:1

Melkhizedek tuh Salem siapharan thua zah Ahang Huaccepaw Pachia kya-e ranpibawi nynh thua; aning nynh siapharan hae chianaw kyate yn kipaw Abraham kha cciadue zah hythua a pya.

HEBRU 7:3

Aning tuh paaw hoi khyh, nung hoi khyh, thokeinaw hoi khyh, hiinnaw atho ccyh te athangnaw mah hoi khyh, Pachia Ccapaw hawte thua zah po atynpaw ranpibawi nynh thua.

1 SAMUEL 8:15

Nae ccathae te nae misu khokhu kya-e pumhaw pumkheit kha a lah cih zah a kuihkaw e bawi hae te a ryalahtu hae kha a pya cih hae.

1 SAMUEL 8:17

Nae tuuphu hae kya-e pumhaw pumkheit kha a lah cih zah, nanning tuh a see hae lang na tang cih oh.