HEBRU 7:11 - Zotung Bible 2016

¹¹ Tukeiccuze ccungccaw hae tuh Levi kyate a thopaw ranpibawi thuanaw kyate kawbya kha a mue hae, minmin nynh Levi kyate a thopaw ranpibawi thuanaw liate accingpaw lang a tang kho hae ze, Aaron thuanaw thyhte thua leite, Melkhizedek thuanaw thyhte ccangpaw ranpibawi yn pou lanpaw tuh pawmou aho ung?

HEBRU 7:11 Iomraidhean Croise

GALATI 2:21

Pachia thawccinaw kha ka vua khyh; pawccecize thyaaccounaw tuh Kawbya liate athua lanze, Khri tuh alakaw lan nynh a chihan vae.

GALATI 4:3

Tuhawte aening mah imua ah thua lya oh tuh laephi a uktu muisaw hae see nynh ah thua oh.

GALATI 4:9

Thuasalama atu tuh Pachia kha na ny vae oh, tuhkhyhze mah Pachia nynh phe ae ny vae oh; pawccemou a thawzya zah anyaapaw muisaw hae kalan bua na ki ry oh? Pawccemou tuh-e hae see lang bua na tang ry oh?

HEBRU 5:10

Melkhizedek thuanaw thyhte Ranpibawi Lupi lante Pachia nynh a ko vae paw nynh thua.

HEBRU 5:6

Ccathyaa ccangpaw kyakhe, “Nang tuh Melkhizedek thuanaw thyhte zungzae ranpibawi nynh na thua,” cite mah a ho.

HEBRU 6:20

Melkhizedek thuanaw thyhte zungzae Ranpibawi Lupi athuapaw Jesu, aening hanlan Zeccuetupaw tuh tuh-e kalan phe a tee vae.

HEBRU 7:10

Pawccecize Melkhizedek nynh Abraham te a tungku lya kha Levi tuh a paaw pyn lungkhu nynh a um ung.

HEBRU 7:12

Pawccecize ranpibawi thuanaw tuh rulae athua keiccuze kawbya mah rulae aho vae.

HEBRU 7:13

Pawccecize e uccaw hae nynh a honuathepaw ccungccaw tuh ccangpaw phin nynh thua. Tuh-e phin kyate hum nynh sanmah silawhang kya ryalawpah boi khyh.

HEBRU 7:15

Melkhizedek tahawpaw ccangpaw ranpibawi alangku lanze, tuh-e tuh houh ariapaw nynh thua.

HEBRU 7:21

Thuasalama Jesu tuh, “Bawipaw nynh, ‘Nang hynh Melkhizedek tahawpaw zungzae ranpibawi nynh na thua,’ cite byakinkuh zah a hopya keiccuze a tuanaw paleihkuh vae lan khyh,” cite a hopahtupaw liate ranpibawi lang yn tangpaw nynh thua.

HEBRU 8:7

Pawccecize masaty e byakinnaw tuh seimenaw a la um khyh lanze, vaeningnaw byakinnaw kha ccung la thua vae lan khyh.

HEBRU 9:6

Tuh-e uccaw hae tuh tuhcite paccyn he athua te, ranpibawi hae nynh mih rya kha law khylan, beikbu masaty akhaan lungkhu langkhe leih a tee hae.