HEBRU 6:8 - Zotung Bible 2016

⁸ Thuasalama hinpaw te thabu a pousahpaw laephi tuh thane vae khyh zah, thyalawnaw kalan a naekuh vae, tuh-e athangnaw tuh maee te soi lanpaw nynh thua vae.

HEBRU 6:8 Iomraidhean Croise

GENESIS 4:11

Na kuih te na chiapaw na neitaw chii kha zu khylan a khalang a awpaw laephi kyate nang tuh atu thyalaw na thua vae.

GENESIS 5:29

Lamek nynh, “Bawipaw nynh thya a lawpaw laephi kya-e ah ryalaw te ah kuih te lawpaw ryalaw rupaw kyate hynh-e paw nynh thawdangnaw yn pya cih,” cih zah a min tuh Noah cite a phu.

2 SAMUEL 23:7

khah-e hae kha kyng nawlan sivaw ccong khyhze ccoi kha mang aho. Khah-e hae kha maee te khaleih soi athua hae.

JOB 31:40

chanvuih ku hanpaw hinpaw ku kha po sah lah, barli ku hanpaw lonua kha po vae sah,” a ci. Job bya tuh athang.

The Psalms 107:34

Ram hoypaw kya a um hae paw mih hoyleinaw keiccuze tuh-e ram tuh loi-epaw laethya ram lang a tangsah.

ISAIAH 27:4

Ka thinria vae khyh. Khah-e khokhu kya hinpaw phin a um hae ze, ro lan ka ccianua cih zah, maee te ka u cih.

JEREMIAH 17:6

Aning tuh laesia ram e thabu hawte athua cih zah, bawmnaw he yn thua te mue lan khyh. Aning tuh ramkaw e ramrou, humhung mah a um leinaw loi ram kyakhe a um cih.

JEREMIAH 44:22

Hoyleinaw na rae oh paw te anungsikuhpaw na rae oh paw kha muih zah ngaesang kho vae khyh; tukeiccuze nae ram tuh ccungccaw um leite, adaepaw, accakaepaw te thyalawpaw ram lang a tang vae, tuhcite atunin cia a um vae.

EZEKIEL 20:47

Negeb tuhpi kha hynhte hopya tua, Bawipaw bya hynh thaetua: Bawipaw PACHIA nynh hynhte a ho, Na tungvaw kya maee ka tyh cih zah, na kya umpaw thingku hinlalyhpaw miakaw te aroupaw thingku miakaw kha a u cih; aruapaw maee tuh chih lan khyh zah, alia langte palung langkhe pawpaw balyn kha khaleih a u cih.

MALAKHI 4:1

Somaee hawte asopaw nin tuh yn thua cih, a lysakuh hae paw te hoyleinaw a raetu hae balyn tuh ccatanphue athua cih hae; mih tharui te mih karan hae kha a laehypaw um lei lan ciate tuh-e nin nynh khaleih a u cih hae, cite vaaw Bawipaw nynh a ci.

MATTHAI 25:41

Te a voilang um hae paw kha mah, ‘Thyalaw athua hae paw nanning, ka kyate cceih oh lah, Satan te a vaaw hae hanlan paccynpyapaw zungzae aruapaw maee lungkhu langkhe cceih oh.

MATTHAI 3:10

Te atu mah hae tuh thingku leihpaw kya nungde athua vae; tukeiccuze ahoypaw athae thae leipaw thingku miakaw tuh nge thua zah maee lungkhu lang phung athua.

MATTHAI 7:19

Thingthae hoypaw a thae leipaw thingku miakaw tuh nge thua zah maee lungkhu lang phung athua.

MARKA 11:14

Jesu nynh thaeku ku kha, “Humhung nynh mah na thae la ae nan vae sah,” cite a cipya, tuh-e bya tuh a zuitu hae nynh phe a thae hae.

MARKA 11:21

Peter nynh liathui zah Jesu kha, “Sazae, dotua! Thya na lawpaw thaeku ku karae rou vae,” a cipya.

JOHAN 15:6

Humhung zemah ka kya atyn khyh lanze aning tuh aran hawte ccaring vua thua zah karae arou; tuhcihawpaw aran hae kha suelua hae zah maee lungkhu lang phung hae zah maee nynh pong a u.

DEUTERONOMY 29:28

Thinrianaw, thinkhykunaw te myarya lepaw bungpawnaw khate Bawipaw nynh minmin kha mih ram kyate dee hae zah, atu acyiku hawte ccangpaw ram lungkhu lang a vua hae,” cite a ho cih hae.

HEBRU 10:27

Thuasalama ri lan umpaw byapianaw yn thua lanpaw te rawsetu hae kha phe ccung lan a u cih hae paw, bungpawnaw maee rou nynh a um vae.

HEBRU 12:17

Pawccecize Esau nynh nyalangte hythuanaw rho kha he a ccou ry tuh mue kho vae khyh, hythuanaw kha mitphi te thawte a ccung zemah a paaw kya-e ngaesikunaw kha mue kho vae khyh cipaw na ny oh.

BYAPHY 20:15

Hiinnaw ccauh kya a min zei athua leipaw miakaw tuh maee tuili lungkhu lang vua athua hae.