HEBRU 6:4 - Zotung Bible 2016

⁴ Pawccecize vaekheit awsah athua vae hae paw, vaawlang e lasung a taangtua vae hae paw, te Thyaa Muisaw a ccoubua vae hae paw,

HEBRU 6:4 Iomraidhean Croise

LEVITIKAS 13:55

Ccinaw akaekuhpaw uccaw kha a suh kou hae te, ranpibawi nynh ccinaw kha a do cih. Ccinaw tuh a pazaeku khyh zemah ccinaw kaekuhpaw ccapoh rawpaw tuh azong a paleihku khyh zetuh ccinaw a pazaeku khyh zemah, tuh-e tuh thyaa khyh; tuh-e tuh maee kya na u cih, ccinaw akaekuhpaw ccapoh rawpaw tuh alungkhu kya thuasah, atolang kya thuasah, teitei a um zemah maee kya na u cih.

LEVITIKAS 14:43

Aning nynh lung hae kha lah zah inn kya-e anglae rynpaw kha phe khawte bua a bethui koute, inn kya ccinaw bua alangku lanze,

NAMBAR 24:3

a profehbya kha hynhte a ho: “Beor ccapaw Balaam kyate profehbya, a mitdaepaw ccungccapaw kyate profehbya,

MATTHAI 12:45

Tetuh aning nynh cceih zah amaw laeze houh athahhua hae paw ccangpaw muisaw lu sari kha a hoeibua hae, te minmin nynh tee hae zah tuh-e paw kya a um hae; te tuh-e ccungccapaw tuh nyalang e a cyisahnaw tuh langmaw a cyisahnaw laeze houh athahhua vae. E ahoy leipaw ciihan kya mah tuh-e hawte yn cyihkuh bua cih,” a cipya hae.

MATTHAI 5:13

“Nanning tuh laephi loi nynh na thua oh; thuasalama loi nynh a enaw kha a zo ze pawcihtemou esah thui kho athua ung cih? Pawpaw elang sanmah hoy vae lan khyh, dae vua lan zah syde lanpaw nynh hung athua vae.

JOHAN 15:6

Humhung zemah ka kya atyn khyh lanze aning tuh aran hawte ccaring vua thua zah karae arou; tuhcihawpaw aran hae kha suelua hae zah maee lungkhu lang phung hae zah maee nynh pong a u.

JOHAN 3:27

Johan nynh, “Vaawlang te pya athua khyh lanze, ccungccaw nynh pawpaw mah mue kho lan khyh.

JOHAN 4:10

Jesu nynh, “Pachia lasung hynh na la ny lanze thuasah, te, ‘Nia lanpaw tui yn pyabua,’ cite nang ae citupaw hynh hum nynh thua cipaw na ny lanze thuasah amaw hynh na ngiakuh paleih cih zah aning nynh hiinnaw tui kha ae pya cih paw lahyn,” a cipya.

JOHAN 6:32

Jesu nynh, “Byaccaccing kae hopya oh, Moses nynh vaawlang e sanlou kha ae pya khyh oh; ka Paaw nynh vaawlang e sanlou ccaccing kha ae pya oh.

LOCCEIHTU 10:45

Zenta hae kya mah Thyaa Muisaw lasung tuh bu athuabua keiccuze Peter ryte oun cceihkheih hae paw vingdungawkuh hae paw zyntu hae tuh mih ngaeangthua.

LOCCEIHTU 11:17

Bawipaw Jesu Khri kha ah zyn oh zah Pachia nynh lasung oun pya hawte minmin kha mah a pyabua hae ze, kae tahawpaw nynh Pachia kha ka khee kho cih zawtou?” cite Peter nynh a ci.

LOCCEIHTU 15:8

Thinlung a nyhpaw Pachia nynh Thyaa Muisaw kha aening oun pya hawte minmin kha mah pya hae zah minmin hanlan ccaekia a langsah.

LOCCEIHTU 8:20

Thuasalama Peter nynh, “Pachia lasung tuh phua te re kho lan cite na tuaku keiccuze na phua tuh namaw ryte roh sah!

Romans 1:11

Pawccecize nae thawzung tynsahnaw lanpaw muisaw lasung abang kha neethung khylan myarya kae muih ry oh.

2 KORIN 4:4

Pachia muinsan athuapaw Khri kya-e aphu-epaw thehoypaw awnaw tuh a zyn lei hae paw kya a aw khyh nawlan, mih thinlung kha hynh-e laephi pachia nynh phe a mohsah.

2 KORIN 4:6

Pawccecize, “Mohnaw kyate awnaw tuh phaephae aw sah,” cite a hotupaw Pachia nynh Jesu Khri mae kyakhe Pachia phu-enaw nynawpaw awnaw kha pya khylan, ah thinlung kya phaephae a awsah vae.

GALATI 3:2

Hynh-e kyalya hynh nynh nae kyate ny ka ry: Kawbya cyisahnaw liate tou Muisaw kha na mue oh? Tuhkhyhze na zyn oh zah na thaenaw oh liate tou na mue oh?

GALATI 3:5

Pachia nynh Muisaw ae pya oh zah nae kya ngaeangnaw a raepaw kha nanning nynh Kawbya na zui keiccu oh tou? Tuhkhyhze thehoypaw na thae oh zah na zyn keiccu oh tou?

EFESA 1:18

thaethya nawlan nae thinlung mit ae awsah oh zah, nanning ae konua oh paw ngaehoinaw tuh pawmou athua cipaw na ny nawlan oh thuasah, mithyaa hae nynh a ccou hae paw rho a phu-enaw tuh hohcihmou ale cipaw na ny nawlan oh thuasah,

EFESA 2:8

Pawccecize thawccinaw keiccuze zynnaw liate khum na thua vae oh, tuh-e tuh naemaw nynh na cyiku oh paw thua khyh, Pachia lasung nynh thua.

EFESA 3:7

A huhan ryalawnaw liate kae yn pyapaw Pachia thawccinaw lasung thyhte, kae tuh tuh-e thehoypaw te asekuhpaw ryalahtu lang ka tang.

EFESA 4:7

Thuasalama Khri nynh oun pyapaw lasung tounawpaw thyhte aening lu raveih nynh thawccinaw kha ah mue oh.

1 TIMOTE 4:14

Khriccaawbuu pastor hae nynh na tungvaw mih kuih a khan lya hae ze, profehbya liate phypya na thua zah na muepaw muisaw lasung kha pawlangria leite la um nan.

2 TIMOTE 2:25

amaw a rawsetu hae kha lungnenaw te a thuihei cih hae; minmin nynh byaccing a ny nawlan hae Pachia nynh ngaesikunaw kha a pya ze a pya cih hae,

2 TIMOTE 4:14

Sohinlaeetupaw, Alexanda nynh myarya lepaw vawsawnaw yn pya; Bawipaw nynh tuh-e paw tuh a ryalaw thyhte amee pyaru vae sah.

HEBRU 10:32

Thuasalama nanning kha awsah na thua kou oh te, alepaw vawsawnaw na teing oh zah na ngaesang oh paw, langmaw e nin hae kha bua liathuitua oh.

HEBRU 2:4

Tuh-e ccaekiakhantu hae ryte Pachia nynh mah muihsahnaw hae, ngaeangnaw hae te khuaruarunaw aphuinphuin khate thuasah, amaw a rynaw thyhte Thyaa Muisaw nynh a pyapaw lasung hae khate thuasah ccaekia a khan.

1 JOHAN 5:16

Chinaw kalan a phyasah leipaw seinaw a rae cciamangpaw a uno kha lukhakheit nynh a muih lanze, a hanlan saw a sangpah cih. Chinaw kalan a phyasah leipaw seinaw a raetu hae kha Pachia nynh hiinnaw a pya cih hae. Chinaw kalan a phyasahpaw seinaw a um, tuh-e seinaw hanlan sawsangpah sah cite ka ho khyh.