HEBRU 6:2 - Zotung Bible 2016

² Baptisma kong ccangpyakunaw, kuih khangnaw kong, michi thoothuinaw kong te zungzae byapianaw kong ccangpyakunaw hynh aleihpaw te bua tho vae leite piccan thuanaw kalan cceih oh sih.

HEBRU 6:2 Iomraidhean Croise

PHUNGHOTU 12:14

Thuruhpaw uccaw miakaw, ahoypaw thuasah, athahpaw thuasah, cyisahnaw miakaw kha Pachia nynh bya a pia cih.

ISAIAH 26:19

Na michi hae tuh a hiinthui cih hae, mih rhua tuh a thoothui cih. Pou laenoi kya um hae paw, nae inaw kyate thaekuh oh lah, lungtuate hlawsah oh! Na dangtui nynh laephi kha hinlalyh lan a hinsah thui hawte, laephi nynh a chih vae paw kha a hiinsah thui cih.

DANIEL 12:2

Laenoi kya a ih hae paw patae tuh oun tho cih hae, abang tuh zungzae hiinnaw te a tho cih hae zah, abang tuh maethyanaw te zungzae theihryakunaw khate a tho cih hae.

MATTHAI 28:19

Tukeiccuze la cceih oh lah minphuin hae balyn kha zuitu lang la rae oh, Paaw, Ccapaw te Thyaa Muisaw min te baptisma la pya oh.

MATTHAI 3:14

Thuasalama Johan nynh, “Kae nynh khaw nang na kya baptisma in lan ka ccan, nang nynh tou ka kalan nae cceih?” cipah zah amaw kha a khee.

MARKA 16:16

Zyn zah baptisma a inpaw tuh khum athua cih; thuasalama a zyn leipaw tuh byapianaw a ing cih.

MARKA 7:4

Kungkunaw hmin kyate a ki hae te, a re hae paw kha a sing khyh hae ze ae khyh hae; te banang hae singpaw, ang hae singpaw, sohin angphe hae singpaw, te haungnawpaw singpaw tahawpaw a zui hae paw ccangpaw patae a um ung.

MARKA 7:8

Nanning nynh Pachia kawbya kha na vua oh zah ccungccaw hae phung kha na zui oh,” a cipya hae.

LUKA 11:38

Zerya a ae mawze a kuih a singku ty khyhpaw kha Farasipaw nynh he a muih tuh a ngaeangthua.

LUKA 12:50

Baptisma in lanpaw ka hoi ung, tuh-e accing mawlaezung tuh myarya ka lungriathae!

LUKA 14:14

Minmin nynh ae sangru kho lan khyh hae, tukeiccuze hythua ccoupaw na thua cih. Miding hae thoothuinaw kya amee sangru na thua cih,” a cipya.

LUKA 3:16

Johan nynh minmin balyn kyakhe, “Kae nynh nanning kha tui te baptisma kae pya oh; thuasalama kae laeze athung huapaw lu kheit yn thua cih, tuh-e paw a phanah rui phoupya lan sanmah kae tuh ka ngaekuh khyh; aning nynh nanning kha Thyaa Muisaw te thuasah, maee te thuasah baptisma ae pya cih oh.

JOHAN 1:33

Amaw kha ka la nyh khyh, thuasalama tui te baptisma pya lan yn sawtupaw nynh kae kha, ‘Muisaw nynh yn rungbung zah a tungvaw a ccupaw kha na muih cih; tuh-e paw tuh Thyaa Muisaw te baptisma a pyatu nynh thua,’ cite yn hopya.

JOHAN 5:29

hoynaw a rae hae paw tuh hiinnaw thoothuinaw kalan, hoyleinaw a rae hae paw tuh seibyapianaw thoothuinaw kalan oun pou cih hae.

LOCCEIHTU 10:47

Peter nynh, “Aening hawte Thyaa Muisaw a muebua hae paw hynh-e ccungccaw hae nynh baptisma a in khyh nawlan hae hum nynh mou tui kha a khee kho cih?” a ci.

LOCCEIHTU 13:3

Looh-ae sung hae zah saw a sang kou hae te, tuh-e hae tungvaw kya mih kuih khang hae zah a saw hae.

LOCCEIHTU 16:15

Tuh-e nung te a innbyn hae tuh baptisma a in kou hae te, aning nynh, “Kae hynh Bawipaw a zynnung cite nae tua oh ze, ka inn lang oun cceih oh lah um hin oh,” cite oun ngia. Kaening kha thawte oun kang.

LOCCEIHTU 16:33

Aning nynh Paul te Silas kha tuh-e khuazi, tuh-e ccyh kya mawtuin cciakhae hae zah mih vaemaw kha a singpya hae; te aning te a innbyn hae balyn tuh baptisma palou a in hae.

LOCCEIHTU 17:18

Epikurian sazae hae abang te Stoik filosofa hae abang tuh Paul te a eikuh hae. Abang nynh, “E paw nynh katuakatua a ccohkupaw hynh pawmou a ho ry?” a ci hae. Mingccang hae nynh, “Aning tuh ramccang pachia hae kong a hotupaw nynh alo,” a ci hae. Pawccecize Paul nynh Jesu kong te thoothuinaw kong kha a hopya hae keiccu nynh thua.

LOCCEIHTU 2:38

Peter nynh minmin kha, “Nae seinaw ngethya athua nawlan ngaesikuh oh lah, nae balyn te Jesu Khri min te baptisma in oh; tetuh Thyaa Muisaw lasung kha na mue cih oh.

LOCCEIHTU 2:41

A bya kha a lawkuhpaw ccungccaw hae tuh baptisma a in hae; tuin nin kya ccungccaw thong thum loukaw a lungchih hae.

LOCCEIHTU 23:6

Thuasalama tuh-e hae kyaze phu kheit tuh Sadusi hae thua hae zah ccangpaw phu tuh Farasi hae nynh thua hae cipaw kha Paul nynh he a nyh tuh, “Uteno hae, kae tuh Farasipaw nynh ka thua, Farasipaw ccapaw nynh ka thua. A chih hae paw a thoothui cih hae cite ngaehoinaw kong keiccu nynh kae tuh byapia ka thua,” cite kungsi hae kyakhe thawte a sia.

LOCCEIHTU 24:15

Miding te misei parouh mawte chinaw kyate thoothuinaw a um cih cite minmin nynh a ngaehoi hae hawte kae mah Pachia kya ngaehoinaw ka hoi.

LOCCEIHTU 24:21

Minmin laku ka thadyn zah, ‘A chih hae paw thoothuinaw kong keiccu nynh kae hynh atunin nae malang byakhia ka thua,’ cite bya kaw kheit rou nynh ka sia,” cite a ho.

LOCCEIHTU 24:25

Paul nynh dingnaw kong, mawtemaw sungkunaw kong te yn thua cih paw byapianaw kong kha he a hopah hae tuh, Felik tuh rih zah, “Atu tuh la ki hin, nyalang ccyhhoy kae mue te, bua kae ko cih,” cite Paul kha a cipya.

LOCCEIHTU 26:8

Pachia nynh a chih hae paw kha a thoosah hae cipaw tuh pawccemou zyn kho um leipaw lante na tua oh?

LOCCEIHTU 4:2

locceihtu hae nynh ccungccaw hae kha ccangpah hae zah Jesu kong a honaw hae kyakhe chinaw kyate thoothuinaw kong a ho hae keiccuze tuh-e hae tuh myarya mih lungvawsaw.

LOCCEIHTU 6:6

Minmin kha locceihtu hae malang khe a nung hae, te locceihtu hae nynh sawsangpah hae zah mih kuih kha tuh-e hae tungvaw a khang hae.

Romans 2:16

Kae nynh ka hopaw thehoypaw thyhte Pachia nynh Jesu Khri liate ccungccaw balyn nynh aruh lante a tuaku hae paw kha byapianaw nin kya bya a pia cih.

1 KORIN 10:2

maeking kya te rili kyakhe mih balynte Moses kya baptisma a in hae,

1 KORIN 12:13

Pawccecize Judah thuasah, Grik thuasah, see thuasah, aluepaw ccungccaw thuasah, aening balyn tuh Muisaw ccangkheit liate pyn pynkheit lungkhu lang baptisma insah ah thua oh; ah balynte Muisaw ccangkheit kha nia lan pya ah thua oh.

2 KORIN 5:10

Pawccecize aening lu raveih nynh pyn kya ah um lya oh, ah cyi oh paw thathyhte ahoypaw thuasah, athahpaw thuasah amee mue khylan aening balyn tuh Khri kya-e byapianaw tungkhung malang ah langkuh cih oh.

FILIPI 3:21

Pawpaw balyn kha amaw zakaw nung khonawpaw thungnaw liate, anyaapaw aening pyn hynh aphu-epaw amaw pyn alo lante oun rulae cih.

KOLOSE 2:12

Baptisma innaw kya Khri ryte uubua na thua oh. Khri kha chinaw kyate a thoosahpaw Pachia thungnaw kha zynnaw liate amaw ryte na thoothui bua oh.

2 TIMOTE 2:18

Minmin nynh thoothuinaw tuh phe thang vae paw nynh thua a ci hae keiccuze byaccing kyate a cceihsei vae hae, te ccungccaw abang zynnaw kha a buleihpya hae.

HEBRU 11:35

Nopi hae nynh mih michi hae kha hiinnaw kalan thoosahthuinaw te bua a mue hae, te mingccang hae tuh ahoy huapaw thoothuinaw kha mue khylan luesahnaw kha lawku leite tuaasahnaw kha a teing hae.

HEBRU 9:10

Tuh-e tuh aepaw, niapaw, singkupaw aphuinphuin te pynsaw te asekuhpaw phunglang hae kyalya thua zah raethuinaw ccyh kyacia rou nynh mang athua.

2 PETER 3:7

Thuasalama atu a umpaw vaawlang te laephi hynh byapianaw nin te Pachia pawlangria leipaw ccungccaw hae ronaw nin kyacia maee te ro khylan tuh-e bya liate phang ccy athua.