Biblia Todo Logo
Bìoball air-loidhne

- Sanasan -




HEBRU 6:10 - Zotung Bible 2016

10 Pawccecize Pachia nynh nae ryalaw kha thuasah, mithyaa hae hanlan rya na lawpya vae oh paw te rya na lawpya ung oh paw kya amaw min hanlan na langsaku oh paw sungsahnaw kha thuasah kharouh ning lan ciate Pachia tuh a ding leipaw thua khyh.

Faic an caibideil Dèan lethbhreac




HEBRU 6:10
48 Iomraidhean Croise  

Sabbath nin kha thyaasah khylan Levi phin hae nynh mimaw te mimaw thyaasakute oun cceih hae zah koikua hae kha a ngaw nawlan hae kaw ka pya hae. Pou ka Pachia, e kong keiccuze kae hynh yn ning nan, atynpaw na sungsahnaw tuh ale thyhte kae hynh ngaethya beih yn umsah.


accyh khyapaw kya silawnaw lanpaw thing ahlu te thaety hanlan kha ka pya hae. Pou ka Pachia, hoynaw ka ccou nawlan yn ning nan.


Pou ka Pachia, e ccungccaw hae hanlan ka cyipaw balyn hynh ka hoynaw elang beih yn ningpah nan.


Si na lawnawpaw balyn kha ae liathuipah sah lah, Maee-ute si na lawnawpaw hae kha ae ccoupah vae sah.


Tukeiccuze Pachia tuh ccaaw puisahtu hae tungvaw a hoy; te Israel hae tuh pungzae hae zah thawzung myarya a hoi hae.


Ryachi hae kha a tuaa a sah hae paw tuh minmin a Raetupaw kha a sarya hae paw nynh thua, thuasalama ryachi hae kha thaw a ccih hae paw tuh a Raetupaw kha saw a tua hae paw nynh thua.


A ryachipaw tungvaw thawccinaw a hoipaw tuh Bawipaw kha uccaw a koiisakuhpaw thua zah, Bawipaw nynh phe ccing lan a sang cih.


Na looh kha tui vawlan vuatua, nin patae aro te na muethui cih.


Hoynaw hynh hoyleinaw tetou liaru athua cih? Minmin nynh ka hiinnaw kha uu nawlan laekarung a thae vae hae. Minmin tungvaw na thinrianaw kha adae nawlan te minmin hanlan hoynaw byaho khylan na malang ka thadynpaw kha liathuitua.


Bawipaw nynh hynhte a ho: Na rawpaw hynh ngae ccavae lah, na mitphi lua nan vae sah; pawccecize na ryalaw mee lasung a um, minmin tuh rhaw hae ram kyate a ki cih hae;


byaccaccing kae hopya oh, humhung zemah hynh-e hae kyaze adih huapaw kha ka zuitu athua keiccuze tuikyaa banang nang kheit a pyapaw tuh a ryalaw mee shung lan khyh,” a cipya hae.


Minmin nynh, ‘Hum nynh sanmah oun paw khyh hae keiccu,’ a ci hae. Aning nynh, ‘Nanning mah misu khokhu lang la cceih oh lah accan thyhte na mue cih oh,’ a cipya hae.


Tuhawte talent ccangning a muepaw nynh mah ccangpaw talent ccangning amia a mue.


Byaccaccing kae hopya oh: Khri ccungccaw na thua oh keiccuze ka min liate nia lanpaw tui banang nang kheit ae pya oh paw tuh a ryalaw mee shung lan khyh.


Byaccaccing kae hopya oh, humhung zemah ka sawpaw ccungccaw kha leh a khanpaw tuh kae kha leh yn khanpaw nynh thua; kae kha leh yn khanpaw ccungccaw tuh kae yn sawtupaw kha leh a khanpaw nynh thua,” a cipya hae.


‘Kornelias, na sawsangnaw tuh thaepya thua zah ryachi hae na bawmnawpaw tuh Pachia malang nypya athua vae.


Vaawpaw kha riri he a do tuh rih zah, “Bawipaw, pawmou?” cite a khia. Vaawpaw nynh, “Na sawsangnaw te ryachi hae na bawmnaw tuh Pachia malang khe liathuinaw lante phe a thua vae.


Zuitu hae nynh mawmaw lu raveih taeningnaw thyhte Judea ram kya um hae paw zyntu hae kalan bawmnaw kybua lan hae cite bya a paeku hae.


Mithyaa hae kha mih hobounaw kya la bawmbua oh; mikhia hae kha kou hoy lan la do-oih oh.


Mithyaa hae elang ryalawpyanaw te asekuh lante nae kalan ccaw zei lanpaw tuh ka hanlan ho khyh.


Uteno hae, nanning tuh luenaw kalan ko na thua vae oh, thuasalama tuh-e nae luenaw tuh pynsaw rynaw ccyhhoypaw hanlan mang nan oh, sungsakunaw liate lu kheit te lu kheit ryalawpakuh oh.


Pawccecize Jesu Khri kya tuh vingdungawkunaw thuasah, vingdungawku leinaw thuasah pawsang thane khyh; sungsakunaw liate ryalahpaw zynnaw rou nynh athane.


Tukeiccuze ccyhhoypaw ah mue takyh oh te, ccungccaw balyn hanlan ahoypaw rya kha lawpah oh sih lah, abyapi lante zyntu innbyn hae hanlan ahoypaw rya kha lawpah oh sih.


Lungpi athuapaw Pachia, a ryalawnaw tuh ccing zah, a laanpi hae balyn tuh akyh. Alungzipaw Pachia, a hyn leipaw, ahmepaw te a dingpaw nynh thua;


Na cyi oh paw miakaw kha bya na ho oh zemah, ryalaw na law oh zemah Bawipaw Jesu min liate pawpaw balyn kha cyih oh lah, amaw liate Paaw Pachia kalan lungtuabya ho oh.


Ah Paaw Pachia malang nae zynnaw te asekuhpaw nae ryalawnaw, sungsakunaw hoite na zuakunaw oh te ah Bawipaw Jesu Khri kya atynpaw nae ngaehoinaw kha tyty kae liathui.


Minmin nynh ahoypaw ryalaw kya a hoirum nawlan hae, a hysahpaw athua nawlan hae te neethungbua lan a paccynku nawlan hae ahoypaw ryalaw lan kawpya hae.


Atu te vae tuh dingnaw bawilukhung kha kamaw hanlan nungpya athua vae. Tuh-e tuh adingpaw byapiatu, Bawipaw nynh tuh-e Nin kya kae kha yn pya cih. Kamaw kyalya thua leite amaw yn langku lanpaw a ngaehoi hae paw balyn kha mah a pya cih hae.


Thuasalama nanning kha awsah na thua kou oh te, alepaw vawsawnaw na teing oh zah na ngaesang oh paw, langmaw e nin hae kha bua liathuitua oh.


Ahoypaw cyi lanpaw te neethungbua lanpaw kha la ning nan oh; pawccecize tuhcihawpaw silawnaw hae kya Pachia tuh a lungrythua.


Aening nynh ah seinaw kha ah phyku oh ze, Pachia tuh a lungzipaw te a dingpaw athua keiccuze ah seinaw kha oun ngaethya cih zah dingleinaw balyn kyate oun thyaasah cih.


Lean sinn:

Sanasan


Sanasan