Biblia Todo Logo
Bìoball air-loidhne

- Sanasan -




HEBRU 5:9 - Zotung Bible 2016

9 Accingpaw lang rae athua koute, amaw kaw a ngae hae paw balyn hanlan aning tuh zungzae khumnaw athotupaw lang yn tang.

Faic an caibideil Dèan lethbhreac




HEBRU 5:9
39 Iomraidhean Croise  

She takyh kya na min ka thaansah cih; tukeiccuze ccungccaw hae nynh zungzae te zungzae cia ae thehoysah cih hae.


Adingpaw thinlung kha na ry, tukeiccuze ka thinlung kya hawnaw kha yn ccangpya tua.


Lungtuanaw te lungpawnaw bya kha yn thaesah tua; tetuh nae khya vae paw ka ru hae tuh mih lungtua cih.


Laephi adianaw e ccungccaw balyn, ka kalan oun maeleihkuh oh lah, khum na thua cih oh! Pawccecize kae tuh Pachia nynh ka thua, ccangpaw Pachia um khyh.


Bawipaw nynh a hopaw tuh: “Jakob phin kha hangthung khylan te ahiinhypaw Israel hae kha langmawlya hawte bua thuasah khylan hae, ka ryalahtu lang na tang lanpaw tuh myaryamaw adihpaw ryalaw nynh thua; ka khumnaw tuh laephi adianaw cia a thua nawlan, nang kha minphuin hae hanlan awnaw lang kae rae cih,” a ci.


Nanning laku kyaze hummou Bawipaw kha rih zah, a ryalahtupaw bya kha a ngae? Mohnaw kya cceih zah awnaw a hoi leipaw nynh Bawipaw min kha doliakuh sah lah, a Pachia kya reihpekuh sah.


Nae nakaring kha oun tuakuh oh lah, ka kalan rang oh; na hiin ccaw oh ngaetua oh. Nanning ryte zungzae tynpaw byakinnaw kha ka rae cih zah, David kya ka kinpyakupaw atynpaw sungsahnaw kha kae pya cih oh.


“Cyiseinaw kha thangsah khylan, seinaw kha zosah khylan, hoyleinaw kha ngaethya khylan, zungzae tynpaw dingnaw kha thuakhae khylan, vizin te profeh kha tazeihkhia khylan te hmin thyaa huaccepaw kha chitui thuh khylan, na ccungccaw hae te athyaapaw na khuapi hanlan lonaw sung sari kha byapae athua.


Laansaw lang um hae paw tuh oun cceih cih hae zah Bawipaw beikinn saknaw kya a bawm cih hae; te vaaw Bawipaw nynh kae hynh nae kalan yn saw cipaw na nyh cih oh. Nanning nynh Bawipaw nae Pachia bya kha zuakute na zui oh zetuh, e hynh acyihkuh cih.


Tuhte a ho cciamang lyakhe a awpaw maeking nynh minmin kha pong zithin hae zah maeking kyate roi nynh, “E paw tuh ka lungry kou yn tungpaw, ka sungsahpaw ka Ccapaw nynh thua, amaw bya kha la ngae oh!” a ci.


Jesu nynh minmin kha, “Nanning la cceih oh lah tuh-e suizaw tuh, ‘Atunin te awkhualan tuh raerangsaro hae kha ka de cih hae zah ngeccih hae kha ka dansah cih hae. Tuinte nin thumnaw kya ka ryalaw ka thangsah cih,’ a ci cite la hopah oh.


Jesu nynh misutui ariapaw kha a neih koute, “Athang vae,” a ci; tukoute a lu ting zah a hy athang.


Pachia nynh chinaw kyate a thoosahpaw hiinnaw Bawipaw kha na chia oh. Tuh-e konglang te kaening tuh ccaekia hae nynh kae thua.


Mingccangpaw kya khumnaw um khyh; pawccecize vaawlui zakaw e ccungccaw hae kya aening oun khum kho lanpaw ccangpaw min um khyh,” cite a hopya hae.


Kaening tuh hynh-e uccaw hae konglang a ccaekia hae nynh kae thua; Pachia nynh amaw kaw a ngaepaw ccungccaw hae kalan a pya hae paw Thyaa Muisaw mah ccaekia nynh athuabua,” a cipya hae.


Zenta hae balyn kya amaw min hanlan zynnaw te asekuhpaw kawngaenaw a um nawlan thawccinaw te locceihtu thuanaw kha amaw liate kae mue vae.


Thuasalama ccungccaw hae balyn nynh thehoypaw kha zui khyh hae; pawccecize Isaiah nynh, “Bawipaw, kae hopaw bya kha hum nynh mou a zyn?” cite a ho.


Pawccecize Zenta hae nynh kaw a ngae nawlan hae, bya te cyisahnaw liate thuasah,


Thuasalama mimaw hanlan kyalya tua hae zah byaccing kaw kha ngae leite hoyleinaw kaw a ngae hae paw tungvaw kya Pachia bungpawnaw te thinrianaw a um cih.


Thuasalama nanning tuh vaekheit lyaze seinaw see hae na la thua oh zemah, atu tuh na mue oh paw ccangpyanaw kha nae thinlung te phe na lawku vae oh keiccuze Pachia kya thehoynaw um sah.


Pachia nynaw a rawsepaw eikunaw hae te khawtu athuapaw lysakunaw miakaw kha kae roh zah, Khri kaw kha ngaesah khylan tuanaw miakaw kha kae kyng.


Tukeiccuze ka sungsah hae paw, ka kaw zungzae na ngae oh zah, kamaw ka um lya kyalya thua leite, atu kamaw ka um khyh lya mah kaw houh na ngae oh hawte, rawri thyngku biate naemaw khumnaw elang ryalah oh;


Pachia nynh amaw a nyh lei hae paw te ah Bawipaw Jesu Khri thehoypaw a ngae lei hae paw kha a liaru cih hae.


Aening kha oun sungsah zah thawccinaw liate zungzae ngaengannaw te ahoypaw ngaehoinaw oun pyatupaw, ah Paaw Pachia te ah Bawipaw Jesu Khri amaw ccaccei nynh,


Tukeiccuze popaw ccungccaw hae nynh mah Khri Jesu kya a umpaw khumnaw kha zungzae phu-enaw ryte a muebua nawlan hae, minmin hanlan pawpaw balyn kha ka ngaesang.


Minmin balyn tuh khumnaw rho a ccou vae cih hae paw kha ryalawpya khylan sawpaw ryalawpahtu muisaw hae thua khyh hae tou?


Minmin tuh aening leite accingpaw lang rae athua khyh nawlan hae Pachia nynh ahoy huapaw uccaw kha aening hanlan oun paccynpya vae.


Abraham nynh rho lang a ccou cih paw ram langkhe ccia khylan ko he athua tuh, zynnaw liate kaw a ngae; teilang nynh ka ccia cipaw ny leite a cceih.


Aening zynnaw a thotu te a ccingsahtupaw Jesu kha riri dote ccue oh sih. Aning tuh maethyanaw kha pawlangria leite amaw malang nungpya athuapaw lungtuanaw hanlan vaelantung kya teingnaw kha ngaesang zah Pachia kya-e bawitungkhung ranglang khe a dahung vae.


Pawpaw balyn tuh amaw liate um zah amaw hanlan athuapaw Pachia nynh ccaaw hae patae kha phu-enaw kalan a cciakhaenaw kya, minmin khumnaw a thokhaetupaw kha a teingsahnaw liate accingpaw lang a tangsahpaw tuh angaekuhpaw nynh thua.


myarya alepaw khumnaw kha aening nynh pawlang ah ria khyh oh ze thuasah pawcihtemou ah lue kho cih oh? Bawipaw nynh masaty lya mawte a hopaw hynh-e khumnaw tuh ahme cite amaw bya a thae hae paw nynh aening kya ccaekia a khan hae.


miaa hae te vaetuataw hae chii liate thua vae leite, amaw a chii liate Hmin Thyaa lungkhu lang vaekheit kyalya teete, aening hanlan zungzae shawkhawnaw kha oun raepya.


Tukeiccuze Khri tuh byakinnaw thawpaw kya-e hopiatu nynh thua, tuhteze nynh Pachia nynh a ko hae paw tuh bya a kinpyaku hae paw zungzae tynpaw rho uccaw kha a ccou kho cih hae, pawccecize masaty byakinnaw zakaw kya cyiseimenaw kha shawkhaw khylan Khri tuh chinaw a ing vae.


Khri nynh ccungccaw patae seinaw kha phu khylan vaekheit kyalya a pyaku. Amaw kha ngaehoite a ngawpaw ccungccaw hae kha khum khylan aning tuh seinaw te asekuh lei lante vaeningnaw bua yn langkuh ung cih.


Nanning nynh byaccing kaw kha na ngae oh liate nae hiinnaw kha na thyaasakuh vae oh zah, uno tungvaw ahmepaw sungsahnaw kya athyaapaw thinlung khate lu kheit te lu kheit thawmawte sungsakuh oh.


Ahmepaw Pachia kha ah ny nawlan oh, Pachia Ccapaw tuh yn thua vae zah, aening kha thaethyanaw oun pya vae cipaw ah ny oh; aening tuh ahmepaw Pachia kya te a Ccapaw Jesu Khri kya nynh ah um oh. Aning tuh ahmepaw Pachia thua zah zungzae hiinnaw mah athua.


Pachia sungsahnaw kya tyn oh lah, zungzae hiinnaw hanlan ah Bawipaw Jesu Khri kya-e ngaethyaumsahnaw kha ngaehoi oh.


Lean sinn:

Sanasan


Sanasan