HEBRU 5:4 - Zotung Bible 2016

⁴ Hynh-e sawtuanaw hynh hum nynh sanmah amaw hanlan lawkuh kho khyh, Aaron a ko hawte Pachia nynh a kopaw ccungccaw rou nynh sawtuanaw kha a lawkuh.

HEBRU 5:4 Iomraidhean Croise

1 SHERIANAW 23:13

Amram ccapaw hae tuh: Aaron te Moses. Aaron te a ccapaw hae nynh Bawipaw malang khe zungzaete mynkhuhpaw ute, amaw rya kha lawte, amaw min te hythua pyanaw kha zungzae a ho nawlan hae, athyaa huaccepaw uccaw hae kha thyaasah khylan taekhiate nung athua hae.

2 SHERIANAW 26:18

minmin nynh Siapharan Uzziah kha kang hae zah, “Uzziah, nang nynh Bawipaw kalan mynkhuhpaw kha na u lanpaw thua khyh, mynkhuhpaw a utu lang thyaasah athua hae paw Aaron ciihan ranpibawi hae nynh mynkhuhpaw kha a u cih hae. Beikinnthyaa kyate poutua; phe na cyisei vae, e hynh nynh Bawipaw Pachia kyate sawtuanaw kha ae thuakhaepah lan khyh,” a cipya hae.

EZRA 7:5

Bukki tuh Abishua ccapaw, Abishua tuh Finehas ccapaw, Finehas tuh Eleazar ccapaw, Eleazar tuh ranpibawi lepaw Aaron ccapaw nynh thua—

EXODUS 28:1

Oute na upaw Aaron kha a ccaaw hae Nadab te Abihu, Eleazar te Ithamar ryte ranpibawi lante kamaw kha ryalawpya khylan Israel hae laku kyate na kalan ko hae.

LEVITIKAS 8:2

“Aaron te a ccapaw hae kha cciakhae hae lah boeining, thuhkupaw chitui, seishawnaw silawnawpaw tangnuapaw, tuutepaw sa ning te ransi phing leipaw sanlou bawng kha mah cciakhae bia;

NAMBAR 16:10

Nang te na uno Levi phin hae balyn kha amaw kalan naeku khylan Bawipaw nynh ae ua vae oh; tuhzemah ranpibawi lang tangnaw kha mah bua na ccung ung oh!

NAMBAR 16:35

Te Bawipaw kyate maee yn pou zah mynkhuhpaw a pya cciamang hae paw ccungccaw za ning sung pangaw kha phe ccung lan a u hae.

NAMBAR 16:40

Aaron ciihan athua leipaw atolang e ccungccaw nynh mynkhuhpaw pya khylan Bawipaw malang naekuh zah Korah te a phu hae hawte athua khyh nawlan Bawipaw nynh Moses kyate Eleazar kalan a hopya thyhte tuh-e pakephepaw hae tuh Israel hae hanlan raeringnaw pyatu nynh thua hae.

NAMBAR 16:5

Oute Moses nynh Korah te a phu hae kha, “Hummou Bawipaw ccungccaw athua, hummou athyaa cipaw te hummou Bawipaw kalan naeku lan ua athua cipaw kha Bawipaw nynh awkhua khe oun nysah cih; Bawipaw nynh a po cih paw ccungccaw kha amaw kalan naeku lan a ua cih.

NAMBAR 16:7

awkhualan pakephepaw hae kha lawkuh oh lah avawlan khe maee khang oh, te Bawipaw malang pakephepaw kyakhe mynkhuhpaw kha nung oh; Bawipaw nynh a popaw tuh athyaapaw ccungccaw athua cih. Levi phin hae nanning, myaryamaw na lawe vae oh!” a cipya hae.

NAMBAR 18:7

Thuasalama nang te na ccapaw hae nynh silawhang te zokhawpaw boei anulang te asekuhpaw nae ranpibawi ryalaw balyn kha zuakute na lah cih oh. Nae ranpibawi thuanaw kha lasung lang kae pya oh; atolang e humhung zemah a pe lang a naekuhpaw tuh chia athua cih,” a cipya.

NAMBAR 3:3

e hae tuh ranpibawi lante ordain pya thua hae zah, chitui thuh athuapaw ranpibawi hae, Aaron ccapaw hae min nynh thua.

JOHAN 3:27

Johan nynh, “Vaawlang te pya athua khyh lanze, ccungccaw nynh pawpaw mah mue kho lan khyh.