HEBRU 5:12 - Zotung Bible 2016

¹² Pawccecize nanning tuh atu lya ccangpahtu lang heize tang lan vae paw, thuasalama Pachia bya athotakawnaw kha bua ccangpya na ho ung oh. Looh tangpaw thua leite samatei aho ungpaw nynh na thua oh.

HEBRU 5:12 Iomraidhean Croise

2 SAMUEL 16:23

Tuh ccyh lya tuh Ahithofel nynh a pyapaw tuanaw kha Pachia bya ccaccei hawmawte a tua hae; tuhcite Ahithofel kya-e tuanaw pyanaw kha David te Absalom nynh saw a tua hae.

EZRA 7:10

Pawccecize Ezra nynh Bawipaw kawbya kha ccangku lan te zui lan thuasah, phungbya hae te phungzae hae kha Israel hae kya ccangpya lan thuasah a thinlung kha a pyaku.

The Psalms 34:11

Pou imua hae, rang oh lah, ka bya hynh ngaetua oh; Bawipaw rawrinaw kha kae ccangpah cih oh.

ISAIAH 28:13

Tukeiccuze minmin nynh a ccia hae ze, nulang khuliakute, khyate, kaangkae te, kyng athua nawlan hae, Bawipaw bya tuh minmin hanlan, “Phunglang ccangkheit vawlan ccangkheit, aring ring kheit vawlan ring kheit, ccangku lanpaw kha ccangkheit koute ccangkheit,” cite a um.

ISAIAH 55:1

Pou tui a hawpaw miakaw, tui a umnaw lang rangtua oh; phua a hoi lei hae paw, rang oh lah, rekute aetua oh! Rang oh lah, misutui te mateitui kha phua leite, amee leite reku tua oh.

MATTHAI 17:17

Jesu nynh, “Pou zynnaw hoi lei hae paw te a ccouseikuh hae paw ciihan hae, hohseciamou nae kya ka um ung cih? Hohseciamou kae ngaesangpah ung cih oh? Imuapaw kha ka kalan oun cciakhae oh,” a cipya hae.

MARKA 9:19

Jesu nynh minmin kyakhe, “Pou zynnaw a hoi leipaw ciihan, hohseciamou nae kya ka um ung cih? Hohseciamou kae ngaesangpah ung cih oh? Imuapaw kha ka kalan oun cciakhae oh,” a ci.

LOCCEIHTU 7:38

Aning tuh ramkaw kya a sueluakuh hae paw Israel hae kya thuasah, Sinai mua kya amaw kalan bya a hopahpaw vaawpaw ryte thuasah, aening ah minpaaw hae ryte thuasah a la umkheih hae paw nynh thua; aning tuh aening kalan pya lanpaw ahiinpaw bya kha a muepaw nynh thua.

Romans 3:2

Aphuinphuin te thanenaw patae a um. Masaty lan Judah hae nynh Pachia kya-e bya kha a mue hae.

1 KORIN 14:19

Thuasalama khriccaawbuu kya thae leipaw bya te bya thong haw ka ho laeze, mingccang hae kha ccangpya khylan ka thinlung te bya kaw pangaw ho kha ka ryhua.

1 KORIN 14:20

Uteno hae, nae tuanaw kya imua hae thua nan oh; ahoy leipaw kya tuh nosi hae thua oh, thuasalama tuanaw kya tuh piccan hae thua oh.

GALATI 4:3

Tuhawte aening mah imua ah thua lya oh tuh laephi a uktu muisaw hae see nynh ah thua oh.

FILIPI 3:1

Uteno hae, nyathyakou ka ho rypaw tuh, Bawipaw kya nae lungtua sah. Phe alokuhpaw kha nae kalan bua zei lanpaw hynh kae ka hanlan pawtua-ung khyh zah nae hanlan khynnaw nynh thua.

KOLOSE 3:16

Khri bya tuh nae kya phe beih lan la um sah; lu kheit te lu kheit hawnaw tynre te ccangpyakute raeringnaw pyakuh oh; nae thinlung kyakhe lungtuanaw thinlung te sam hlaw hae, thehoynaw hlaw hae te muisaw hlaw hae kha Pachia kalan sah oh.

HEBRU 10:32

Thuasalama nanning kha awsah na thua kou oh te, alepaw vawsawnaw na teing oh zah na ngaesang oh paw, langmaw e nin hae kha bua liathuitua oh.

HEBRU 5:11

Hynh-e konglang ho lanpaw patae kae hoi zemah na thaethya khyh oh keiccuze ccaesahpya lan aru.

HEBRU 5:13

Samatei kyalya a neih ungpaw ccungccaw miakaw tuh imua athua ung keiccuze dingnaw bya kha nythyanaw hoi khyh.

HEBRU 6:1

Tukeiccuze Khri konglang atakaw ccangpyakunaw hae kha cciataw te, piccan thuanaw ccangpyakunaw kalan khe cceih oh sih. Achihpaw ryalaw kyate ngaesikunaw kong, Pachia zynnaw kong,

1 PETER 2:2

ccirarihpaw muisaw samatei liate khumnaw kya na lethung nawlan oh, apuithawpaw imua hae hawte tuh-e samatei tuh peki oh,

1 PETER 4:11

Jesu Khri liate pawpaw balyn kya Pachia tuh phu-esah athua nawlan, lukhakheit nynh phung a ho ze, Pachia bya thyhte ho sah, lukhakheit nynh rya a lawpya ze, Pachia nynh a pyapaw thawzung thyhte lawpah sah. Phu-enaw te uknaw kaw tuh zungzae te zungzae cia Pachia kya a um. Amen.