HEBRU 5:1 - Zotung Bible 2016

¹ Ccungccaw hae laku kyate popaw ranpibawi lupi miakaw tuh seinaw hae hanlan silawnaw te lasung hae kha Pachia kalan pya khylan, Pachia lante asekuhpaw uccaw hae kya ccungccaw hae ccelang khangpaw nynh thua.

HEBRU 5:1 Iomraidhean Croise

LEVITIKAS 8:2

“Aaron te a ccapaw hae kha cciakhae hae lah boeining, thuhkupaw chitui, seishawnaw silawnawpaw tangnuapaw, tuutepaw sa ning te ransi phing leipaw sanlou bawng kha mah cciakhae bia;

LEVITIKAS 9:7

Oute Moses nynh Aaron kha, “Beikhang kalan naekuh lah seithyaanaw silawnaw te maee-ute silawnaw khate silawtua, namaw te ccungccaw hae hanlan seingaethyanaw kha raetua; te ccungccaw hae nynh oun ccyng hae paw ahlu khate silaw lah minmin hanlan seingaethyanaw kha raetua; Bawipaw nynh kawpya thyhte cyitua,” a cipya.

Romans 15:17

Tukeiccuze Pachia hanlan rya ka lawnaw kya Jesu Khri liate ka pookunaw lanpaw a um.

1 KORIN 15:3

Pawccecize ka muepaw abyapi huapaw kha nae kalan kae hopya pathy oh, tuh-e tuh: Ccathyaa kya azeiku thyhte Khri tuh aening seinaw hanlan a chih,

HEBRU 10:11

Ranpibawi miakaw tuh mih ryalaw kya nin takyh a thadyn hae, seinaw kharouh a thyaasah kho leipaw alokuhpaw silawnaw kha palei a rae hae.

HEBRU 10:12

Thuasalama Khri tuh seinaw elang silawnaw ccangkheit kha zungzae hanlan a pya koute, Pachia ranglang khe a dahung vae.

HEBRU 11:4

Abel nynh zynnaw liate Kain silawnaw laeze ahoy huapaw silawnaw kha Pachia kalan a pya. Tuh-e zynnaw liate aning tuh miding lante ccou athua, pawccecize a lasung kha Pachia nynh a ccoupya; aning tuh a chi vae zemah tuh-e zynnaw liate bya a ho ung.

HEBRU 2:17

Tukeiccuze ccungccaw hae seinaw hanlan seishawnaw raepya khylan, Pachia te asekuhpaw uccaw hae kya Khri tuh thawccithyapaw te a lungzipaw Ranpibawi Lupi athua nawlan, pawpaw balyn kya a uno hae te a loku lan hae paw nynh thua.

HEBRU 7:27

Tuh-e ranpibawi lupi hae hawte, masaty amaw seinaw hanlan, te ccungccaw hae seinaw hanlan nin takyh silawnaw rae ho vae khyh, pawccecize amaw a pyn a pyaku lyakhe zungzae hanlan vaekheit te phe a ccingsah vae.

HEBRU 8:3

Pawccecize ranpibawi lupi miakaw tuh lasung hae te silawnawpaw khate silawpya khylan khangpaw nynh thua. Tukeiccuze hynh-e paw mah silaw nawlan ccangkhakheit a hoi aho.

HEBRU 8:4

Pawccecize aning tuh laephi vawlan a la um lanze, ranpibawi la thua lan khyh, pawccecize kawbya thyhte lasung te silawpahpaw ranpibawi hae a um.

HEBRU 9:9

Tuh-e beikbu tuh atu ccyh hanlan muihsahnawpaw nynh thua; tuh-e beikbu kya Pachia pyapaw te silawkunaw hae paw kha pya hae zah, tuh-e nynh a beiktu hae mawtemaw nykunaw thinlung kha ccingsah kho khyh.