HEBRU 4:9 - Zotung Bible 2016

⁹ Tukeiccuze Pachia ccungccaw hae hanlan sabbath haeung nin tuh a um ung.

HEBRU 4:9 Iomraidhean Croise

The Psalms 47:9

Minphuin hae kya-e uktu bawi hae tuh Abraham Pachia kya-e ccungccaw hae ryte a sueluakuh hae. Pawccecize laephi huhan tuh Pachia kya-e nynh thua; aning kha myarya ahang lante hangthung athua.

EXODUS 16:30

Tukeiccuze ccungccaw hae tuh nin sarinaw nin khe a haeung hae.

ISAIAH 11:10

Tuin nin khe Jessi tharui tuh ccungccaw hae hanlan syntawnaw lante yn thadyn cih; minphuin hae nynh amaw kha akaw-aleih a khia cih hae zah, a umnaw tuh a phu-e cih.

ISAIAH 57:2

daenaw lungkhu lang a tee hae; hmerarih lan a hiin hae paw tuh mih iphae vawlan a haeung cih hae.

MATTHAI 1:21

Aning nynh ccapaw yn saah cih zah Jesu cite min na phu cih, pawccecize a ccungccaw hae kha mih seinaw kyate a khum cih hae,” a cipya.

TITU 2:14

Jesu Khri tuh hoyleinaw balyn kyate aening kha shawkhaw khylan thuasah, amaw elang ccungccaw hae kha thyaasah khylan te tuh-e ccungccaw hae nynh ahoypaw cyisahnaw kha mih lungzua nawlan thuasah amaw te amaw kha aening hanlan a pyaku.

HEBRU 11:25

Seinaw te asekuhpaw lungrythuanaw kya sosoh hoysah lanpaw laeze Pachia ccungccaw hae ryte vawsawnaw teing lanpaw kha a poku paleih.

HEBRU 3:11

Tukeiccuze ka thinria zah, ‘Minmin tuh ka haeungnaw lungkhu lang tee lan khyh hae,’ cite bya ka kinku,” a ci.

HEBRU 4:1

Tukeiccuze Pachia haeungnaw lungkhu lang teenawpaw byakinpyakupaw mang a um pite, nanning kyaze lukhakheit nynh tee leite a um khyh nawlan raeringkuh oh sih.

HEBRU 4:10

Pawccecize Pachia nynh a ryalaw hae kha thangsah zah a haeung hawte, Pachia kya-e haeungnaw lungkhu lang a teepaw ccungccaw tuh amaw a ryalaw hae kyate a haeung.

HEBRU 4:3

Pawccecize a zyn hae paw aening tuh tuh-e haeungnaw lungkhu lang ah tee oh. Laephi athonaw aleihpaw kyate Pachia a ryalaw hae tuh phe athang vae zemah, “Ka thinria zah, ‘Minmin tuh ka haeungnaw lungkhu lang tee lan khyh hae,’ cite bya ka kinku,” a ci hawte nynh thua.

HEBRU 4:8

Pawccecize Joshua nynh minmin kha haeungnaw a la pya hae ze, tuh-e koute nin ccangpaw kong kha Pachia nynh la ho vae lan khyh.

1 PETER 2:10

Langmawlya tuh Pachia ccungccaw na la thua khyh oh, thuasalama atu tuh Pachia ccungccaw nynh na thua vae oh. Langmawlya ngaethyaumsahnaw na la ccou khyh oh, thuasalama atu tuh ngaethyaumsahnaw na ccou vae oh.

BYAPHY 14:13

Vaawlang te roi nynh, “Hynh-e hynh zei: Atu ccyh kyate Bawipaw kya a chih hae paw tuh hythuanaw a ccou hae paw nynh thua,” cite yn hopyapaw kha ka thae. Muisaw nynh, “Athua ccaccing, minmin tuh mih ryalaw kyate a haeung vae cih hae, pawccecize mih ryalawnaw nynh minmin kha a zui hae!” a ci.

BYAPHY 21:4

Pachia nynh mih mit kyate mitphi balyn kha a hupah cih hae. Chinaw um vae lan khyh. Ngaethyanaw, rawnaw te ccinaw um vae lan khyh; pawccecize langmawlya e uccaw hae tuh pong azo vae hae,” cite a hopaw kha ka thae.