HEBRU 4:8 - Zotung Bible 2016

⁸ Pawccecize Joshua nynh minmin kha haeungnaw a la pya hae ze, tuh-e koute nin ccangpaw kong kha Pachia nynh la ho vae lan khyh.

HEBRU 4:8 Iomraidhean Croise

1 SHERIANAW 7:27

Elishama ccapaw Nun, Nun ccapaw Joshua.

The Psalms 105:44

Minphuin ccangpaw hae ram kha minmin kalan pya hae zah, minmin nynh tuh-e hae hoirumnaw kha a hoi hae paw uccaw lang a lawku hae,

The Psalms 78:55

Mih malang te minphuin hae kha a dee hae; ram kha Israel minphuin hae kalan nee hae zah, tuin kya mih bu kyakhe khua a sah hae.

LOCCEIHTU 7:45

Pachia nynh mih malang te a deepya hae paw ccangpaw minphuin hae ram kha ah minpaaw hae nynh he a ccou hae te, tuh-e beikbu tuh Joshua ryte a teekhae hae. Tuh-e beikbu tuh David she kyacia tuin kya po a um.

DEUTERONOMY 12:9

pawccecize Bawipaw nae Pachia nynh ae pya cih oh paw haeungnaw te rho lungkhu lang na tee loh khyh oh.

DEUTERONOMY 25:19

Tukeiccuze nae rhaw hae balyn kuih kyate Bawipaw nae Pachia nynh rho lang ccou khylan ae pya cih oh paw ram kya Bawipaw nae Pachia nynh haeungnaw he ae pya oh te, Amalek liathuinaw kha vaawlui zakaw kyate phe na thee cih oh; tuh-e tuh la ning nan oh.

HEBRU 1:1

Langmaw lyaze profeh hae kyate ah minpaaw hae kya aphuinphuin te avae patae bya a hopaw Pachia nynh,

HEBRU 4:9

Tukeiccuze Pachia ccungccaw hae hanlan sabbath haeung nin tuh a um ung.

JOSHUA 1:15

Nae uno hae nynh mah Bawipaw nae Pachia nynh a pya hae paw ram kha ccou hae zah, naemaw hawte Bawipaw nynh haeungnaw a pya mawlaezung hae na bawm cih oh. Tukoute Bawipaw ryalahtu Moses nynh ae pya oh paw Jordan khuraw, nithua lang umpaw naemaw ram lang na kithui cih oh zah na ccou cih oh,” a cipya hae.

JOSHUA 11:23

Tuhcite Bawipaw nynh Moses a la hopyapaw balyn thyhte, Joshua nynh ram pynpi tuh a law; Joshua nynh Israel hae kha mih phin raveihte rho lang nee hae zah a pya hae. Te ram tuh rhawtuk adae vae.

JOSHUA 22:4

Atu tuh Bawipaw nae Pachia nynh nae uno hae kha bya a kinpyaku hae hawte haeungnaw a pya vae hae; tukeiccuze ki oh lah, Bawipaw ryalahtu Moses nynh Jordan vaw khuraw lang e ae pya oh paw nae hanpaw umnaw ram kya nae inn lang cciatua oh.

JOSHUA 23:1

Ccyh khaw cia aro koute Israel hae kha mih pepan e rhaw hae kyate Bawipaw nynh haeungnaw a pya hae, Joshua tuh a kum yn tang zah myarya a taw te,