HEBRU 4:3 - Zotung Bible 2016

³ Pawccecize a zyn hae paw aening tuh tuh-e haeungnaw lungkhu lang ah tee oh. Laephi athonaw aleihpaw kyate Pachia a ryalaw hae tuh phe athang vae zemah, “Ka thinria zah, ‘Minmin tuh ka haeungnaw lungkhu lang tee lan khyh hae,’ cite bya ka kinku,” a ci hawte nynh thua.

HEBRU 4:3 Iomraidhean Croise

GENESIS 1:31

Pachia nynh a raepaw atyn-are kha myarya ahoy ccaccing cite a muih. Te zete thang zah awkhua yn thua—tuh-e tuh nin taruhnaw nin nynh thua.

The Psalms 95:11

Tukeiccuze ka thinria zah, “Minmin tuh ka haeungnaw lungkhu lang tee lan khyh hae,” cite bya ka kinku.

EXODUS 20:11

Pawccecize Bawipaw nynh vaawram, laephi, rili te tuh-e hae lungkhu a umpaw balyn kha nin taruh lungkhu rae zah nin sarinaw nin khe a haeung, tukeiccuze Bawipaw nynh sabbath nin kha hythuapya zah a thyaasah.

ISAIAH 28:12

Aning nynh minmin kha, “E hynh haeungnaw, mih riathae hae paw hanlan ngaengannaw nynh thua, e hynh thawdangnaw nynh thua,” cite a hopya hae zemah, minmin nynh thaepah khyh hae.

JEREMIAH 6:16

Bawipaw nynh hynhte a ho: Laanpi atungkunaw khe thadyn oh lah dotua oh, langmawlya e laanpi, laanpi hoypaw tuh teimou a um cite khiakuh oh lah zui oh, nae hiinnaw hanlan haeungnaw kha muihkuh oh. Thuasalama minmin nynh, “Tuh-e laanpi kha kae zui lan khyh,” a ci hae.

EZEKIEL 20:38

Kae yn dou hae paw te yn rawse hae paw kha nanning laku kyate poh ka thuaa cih hae; ramccang ccungccaw lante a umnaw hae ram kyate minmin kha ka poukhae hae zemah, Israel ram lungkhu lang tee lan khyh hae. Te kae tuh Bawipaw ka thuapaw kha na nyh cih oh.

MATTHAI 13:35

Tuh-e tuh profeh nynh, “Ka khalang ka aw cih zah tousenaw phungpaw hae kha ka ho cih, laephi tho takaw kyate thuruhpaw uccaw hae kha ka ho cih,” cite a hopaw bya accing nawlan nynh thua.

MATTHAI 25:34

Tukoute siapharan nynh a ranglang um hae paw kha, ‘Ka Paaw kya-e lungtua hae paw nanning, rang oh; laephi athonaw aleihpaw kyate nae hanlan paccynpaw peenaw rho hynh ccou oh.

EFESA 1:4

Aening tuh Pachia malang ah thyaa nawlan oh te ccaenaw um leipaw ah thua nawlan oh, laephi rae mawze aening kha Khri kya phe oun po vae.

HEBRU 3:11

Tukeiccuze ka thinria zah, ‘Minmin tuh ka haeungnaw lungkhu lang tee lan khyh hae,’ cite bya ka kinku,” a ci.

HEBRU 3:14

Pawccecize aening nynh atakaw e ah zynkunaw oh kha athangnaw cia tynkaring lan ah kyngku oh ze, aening tuh Khri a ruiban hae ah thua vae oh.

HEBRU 9:26

Tuhte a la thua lanze, laephi athotakaw te aning tuh palei a la teing vae cih; amaw te amaw silawkunaw liate seinaw kha ccaring vua khylan atu she athangnaw kya vaekheit rou nynh a langku.

1 PETER 1:20

Tuh-e Khri tuh laephi atho mawze laerui-awde ty vae paw la thua salamah hynh-e nyathyakou ccyh kyahin nanning hanlan yn langkuh.