HEBRU 4:2 - Zotung Bible 2016

² Pawccecize thehoypaw tuh minmin kalan mah hopya athua hawte, aening kalan hopya athua vae; thuasalama a thaetu hae nynh zynnaw te a lawku khyh hae keiccuze ho athuapaw bya tuh minmin hanlan thane khyh.

HEBRU 4:2 Iomraidhean Croise

LOCCEIHTU 13:46

Paul te Barnabas nynh rawhoyte houh ho hae zah, “Pachia bya hynh nanning kha masaty hopya lan accanpaw nynh thua; thuasalama nanning nynh tuh-e bya tuh na vua oh zah zungzae hiinnaw tuh kae ngaekuh khyh cite bya na piaku oh keiccuze kaening tuh atu Zenta hae kalan kae maekuh vae cih.

LOCCEIHTU 3:26

Nanning milu raveih nynh nae hoyleinaw kyate na paleihkuh oh zah hythuanaw na ccou nawlan oh, Pachia nynh a Ccapaw Jesu kha thoosah zah masaty nae kalan yn saw,” cite Peter nynh a hopya hae.

Romans 2:25

Nang nynh Kawbya kha na zui ze, vingdungawkupaw tuh athane ccaccing; thuasalama nang tuh Kawbya kha na ro ze, na vingdungawkupaw tuh vingdungawku leipaw lang nynh phe a tang.

Romans 3:3

Minmin abang nynh mih lungzi khyh ze pawtemou athua cih? Mih lungzi leinaw nynh Pachia kya-e lungzinaw kha a roh kho cih tou?

1 KORIN 13:3

Ka hoipaw balyn kha ming hae ka pya hae zemah thuasah, ka pyn hynh maee te uku lan ciate ka pyaku zemah thuasah sungsakunaw ka hoi khyh ze, tuh-e nynh ka hanlan pawsang thane khyh.

GALATI 3:2

Hynh-e kyalya hynh nynh nae kyate ny ka ry: Kawbya cyisahnaw liate tou Muisaw kha na mue oh? Tuhkhyhze na zyn oh zah na thaenaw oh liate tou na mue oh?

GALATI 3:8

Pachia nynh Zenta hae kha zynnaw liate thyaaccousah cih hae cite Ccathyaa nynh muihty zah Abraham kyakhe, “Nang na liate Zenta hae balyn tuh hythua a ccou cih hae,” cite thehoypaw kha a hopya ty vae.

GALATI 4:13

Ka pynsaw acci keiccuze nae kalan thehoypaw masaty ka ho cipaw kha na ny oh.

DEUTERONOMY 1:32

Thuasalama ryahmin na tahkunaw lan oh paw hmin kha ccung khylan, na zui lan oh paw laanpi kha langsahpya khylan, khuazi ze maee te thuasah, khuadae ze maeking te thuasah nae malang ae cciapah oh paw, Bawipaw nae Pachia nynh hynhte ae cyipah oh zahmah amaw kha na zyn khyh oh,” a cipya hae.

1 THESALON 1:5

Pawccecize kaening kya-e thehoypaw tuh bya kyalya te thua leite, thungnaw te Thyaa Muisaw te ny ccaccingnaw te nynh yn thua; nae kya kae um lyaze kaening tuh nanning hanlan pawcihawpaw ccungccaw hae nynh kae thua cipaw kha na ny oh.

1 THESALON 2:13

Kaening kyate na thae oh paw Pachia bya na lawku lya oh kha ccungccaw bya lante lawku leite, ahme ccaccingpaw Pachia bya lante na lawku oh, tuh-e bya tuh nanning zyntu hae lungkhu kya rya a lah; tuh-e hanlan Pachia kalan apaekuh lei lan lungtuabya kae ho.

1 TIMOTE 4:8

Pawccecize pynsaw te asekuhpaw ccangkupaw tuh ccapyh nynh athane, thuasalama Pachia te asekuhpaw hiinnaw tuh pawpaw balyn kya athane, pawccecize tuh-e tuh atu e hiinshe te yn thua cih paw hiinshe hanlan athane cih cite byakinkunaw a um.

HEBRU 11:6

Zynnaw leite Pachia lungrytung lanpaw tuh thua kho khyh; pawccecize Pachia kalan yn naekuhpaw ccungccaw nynh tuh Pachia a um cipaw te amaw a ccung hae paw kha amee a pya hae cipaw kha a zyn hahe cih.

HEBRU 3:12

Uteno hae, nanning nynh zyn leinaw thinlung ahoy leipaw kha hoite, a hiinpaw Pachia kyate na pou khyh nawlan oh raeringkuh oh.

HEBRU 4:6

Tukeiccuze, ccungccaw abang hanlan tuh-e haeungnaw lungkhu lang tee khonaw phang a um, masaty thehoypaw hopya athua hae paw minmin tuh kawngae leinaw keiccuze tee khyh hae.

JAMES 1:21

Tukeiccuze nungsikunaw balyn te paepae luipaw hoyleinaw kha vua oh lah, nae muisaw a khum khopaw, nae lungkhu kya sang athuapaw Pachia bya kha lungnenaw te lawkuh oh.

1 PETER 1:12

Profeh hae nynh rya a law hae paw tuh mimaw hanlan thua leite, nanning hanlan nynh thua cipaw kha mih kalan phypya athua; vaawlang te saw athuapaw Thyaa Muisaw liate nae kalan thehoy bya a ho hae paw kha mangte, tuh-e uccaw hae tuh atu nanning kya hopya athua vae. Vaaw hae nynh tuh-e uccaw hae tuh riri do lan a ry hae.