HEBRU 4:13 - Zotung Bible 2016

¹³ Pachia malang thuruh khopaw raepaw uccaw pawsang um khyh, pawpaw balyn tuh amaw malang khe akhawpaw um lei lante pong alangkuh; aening nynh ahmaw konglang kha amaw kya ah phykuh cih oh.

HEBRU 4:13 Iomraidhean Croise

1 SHERIANAW 28:9

“Te nang, ka ccapaw Solomon, na paaw Pachia kha nyh lah, tuanaw ccangkheit te thinlung ccaccing te amaw rya kha lawtua; pawccecize Bawipaw nynh tuh tuanaw miakaw kha akaw-aleih muih zah, paccynpaw te tuanaw miakaw kha phe a ny. Amaw kha na ccung zetuh na muih cih; thuasalama amaw kha na vua zetuh nang kha zungzae ae vua cih.

2 SHERIANAW 16:9

Bawipaw nynh amaw kya mih thinlung hmerarih lan a um hae paw kha thawzung pya khylan laephi pynpi hynh marya a do. E na cyipaw hynh ngaeenaw ccaccing nynh thua; atu kyate rhaw na tuk vae cih,” a cipya.

2 SHERIANAW 6:30

na umnaw vaawram te la thaepah hae, mih seinaw ngaethya hae lah bawmtua hae, a zui hae paw mih laanpi thyhte mih thinlung na ny hae paw balyn kha pyaru hae, pawccecize ccungccaw thinlung kha nang rou nynh na nyh.

JOB 26:6

Sheol tuh Pachia malang khe khaleih lang zah Abaddon tuh bongnawpaw ahu hoi khyh.

JOB 34:21

“Pawccecize Pachia nynh ccungccaw ccianaw laanpi kha do zah, mih ccu a kaw hae paw balyn kha a muih.

JOB 38:17

Chinaw koikua kha langsapyaku na thua vae tou? marae zipingpaw mohnaw koikua kha na muih boi vae tou?

The Psalms 139:4

Bya kaw kheit san ka ho mawze, pou Bawipaw , ka ho lanpaw kha khaleih na ny.

The Psalms 44:21

tuh-e tuh Pachia nynh langsakuh lan khyh tou? Pawccecize Pachia nynh thinlung kya thuruhpaw kha a ny.

The Psalms 7:9

Ccungccaw hoylei hae paw kya-e hoyleinaw kha thangsah lah, miding hae kha tynsah tua hae, Pou adingpaw Pachia, nang nynh tuh thinlung te tuanaw kha phe na do mamia.

The Psalms 90:8

Kae hoyleinaw kha na malang khe na nung zah, aruh lante kae raepaw seinaw kha marya na muih vae.

PHUNGTANGBYA 15:11

Sheol te Abaddon ram tuh Bawipaw malang ccaerarih lan a lang hae, tuh-e hae laeze ccungccaw thinlung tuh alangkuh hua.

PHUNGTANGBYA 15:3

Bawipaw mit tuh hmin takyh kya um zah, ahoypaw te ahoy leipaw ccungccaw hae kha tyty a do hae.

PHUNGTANGBYA 5:21

Pawccecize ccungccaw laanpi hae tuh Bawipaw muihnaw kya um zah, Bawipaw nynh a laanpi balyn kha akaw-aleih a do.

PHUNGHOTU 12:14

Thuruhpaw uccaw miakaw, ahoypaw thuasah, athahpaw thuasah, cyisahnaw miakaw kha Pachia nynh bya a pia cih.

JEREMIAH 16:17

Pawccecize ka mit nynh mih laanpi balyn kha pong a muih; ka kyate rekuh kho khyh hae zah, mih hoyleinaw kha ka muihnaw kyate thuruh kho khyh hae.

JEREMIAH 17:10

Kae, Bawipaw tuh ccungccaw miakaw kha mih cyisahnaw thyhte, a cyi hae paw thyhte aphu-aphae pya khylan mih tuanaw kha ka syntawtua zah, mih thinlung kha akaw-aleih ka do.

JEREMIAH 23:24

Ka muih kho lei lan ciate muih leinaw kya a rekuh khopaw hummou a um? cite Bawipaw nynh a ci. Vaaw te lae kya pong ka um khyh tou? cite Bawipaw nynh a ci.

JEREMIAH 29:23

Pawccecize minmin nynh Israel hae kya hoyleinaw kha rae hae zah, mih innpaw hae zu kha a seikhae vae hae, te kaw ka pya lei hae paw hynbya kha ka min te a ho hae; kae tuh a nyhtu te ccaekia nynh ka thua, cite Bawipaw nynh a ci.

DANIEL 2:22

Akhupaw te thuruhpaw uccaw hae kha a langsaku; mohnaw kya a umpaw miakaw kha nyh zah, awnaw tuh amaw kya a um.

MATTHAI 6:4

Tuhteze nynh ryachi bawmnaw na pya oh paw kha hum nynh sanmah nyh lan khyh; te aphirute cyipaw a muihtupaw nae Paaw nynh amee kha ae pya cih oh.

JOHAN 2:24

Thuasalama Jesu nynh ccungccaw balyn kha marya a ny keiccuze minmin kha zyn khyh hae,

JOHAN 21:17

Jesu nynh, “Johan ccapaw Simon, kae hynh nae sungsah tou?” cite vae thumnaw bua a khia. Bawipaw nynh, “Kae hynh nae sungsah tou?” cite vae thum cia a khia keiccuze Peter tuh a thinlungccih zah, “Bawipaw, nang tuh pawpaw balyn marya na ny; kae sungsahpaw mah phe na ny,” a cipya. Jesu nynh, “Ka tuu hae kha looh la dang hae.

JOHAN 4:16

Jesu nynh, “La cceih, na vawpaw kha yn ko lah hynhlang yn thuakhae,” a cipya.

LOCCEIHTU 17:31

Pawccecize Pachia nynh a po vae paw ccungccapaw liate laephi hynh dingnaw te bya a pia cih nin kha phe a khyade vae. Tuh-e paw kha chinaw kyate a thoosahnaw liate ccungccaw balyn hanlan atynpaw ccaekia kha a langsah vae,” cite Paul nynh a ho.

Romans 2:16

Kae nynh ka hopaw thehoypaw thyhte Pachia nynh Jesu Khri liate ccungccaw balyn nynh aruh lante a tuaku hae paw kha byapianaw nin kya bya a pia cih.

1 KORIN 4:5

Tukeiccuze atu lya mohnaw kya thuruhpaw uccaw hae kha awnaw kalan a thuakhae cih paw te thinlung kya-e paccynkunaw hae a langsakuh cih paw Bawipaw yn thua mawlaezung, accyh azaw maw tuh pawsang byapia nan oh. Ccungccaw miakaw nynh Pachia kyate thehoysahnaw kha a ccou cih hae.

2 KORIN 5:10

Pawccecize aening lu raveih nynh pyn kya ah um lya oh, ah cyi oh paw thathyhte ahoypaw thuasah, athahpaw thuasah amee mue khylan aening balyn tuh Khri kya-e byapianaw tungkhung malang ah langkuh cih oh.

BYAPHY 2:23

A ccaaw hae kha chinaw te ka theih cih hae. Kae tuh tuanaw te thinlung a ccungtu nynh ka thua cipaw kha khriccaawbuu hae balyn nynh yn nyh cih hae; nanning milu raveih kha nae ryalaw thyhte kae pya cih oh.

1 SAMUEL 16:7

Thuasalama Bawipaw nynh Samuel kha, “A muinsan te a pynrua ahangpaw kha do nan, pawccecize amaw kha ka vua vae; pawccecize Bawipaw nynh tuh ccungccaw nynh do hawte do khyh; ccungccaw nynh tuh atolang e muinsan kha a do, thuasalama Bawipaw nynh tuh thinlung kha a do,” a cipya.