HEBRU 4:12 - Zotung Bible 2016

¹² Pawccecize Pachia Bya tuh ahiinpaw, athungpaw te kyn ning te ahepaw thaloi laeze ahe huapaw thua zah, hiinnaw te muisaw, kintui te ru atungkunaw hae phianaw cia heize a thuing khopaw nynh thua; thinlung kya-e tuanaw te paccynkunaw kha mah aphiathyapaw nynh thua.

HEBRU 4:12 Iomraidhean Croise

The Psalms 110:2

Bawipaw nynh na lesaenaw hoitang tuh Zion kyate a saw. Na rhaw hae ngaelung kyakhe uktua.

The Psalms 119:130

Na kawbya kha ccaerarih lan phynaw nynh awnaw kha a pya; tuh-e nynh tuanaw a zya hae paw kha nythyanaw a pya hae.

The Psalms 139:2

Ka haung ze thuasah, ka thoku ze thuasah phe nae ny; ka tuanaw kha asawnaw kyate phe na ny.

The Psalms 149:6

Mih khalang te Pachia thehoysahnaw roi kha thawte saw hae sah lah, mih kuih kyakhe kyng ning ahepaw thaloi kha ccyngkuh hae sah,

The Psalms 45:3

Pou athungpaw siapharan, na phu-enaw te na lesaenaw na thaloi kha na phae kya saeku tua.

PHUNGTANGBYA 5:4

thuasalama athangnaw kya tuh ekhahpaw hawte khah zah, kyng ning mawte ahepaw thaloi hawte ahe.

PHUNGHOTU 12:11

A haw hae paw bya tuh ahepaw ccungngue te nynh aloku, a suelua hae paw bya hae tuh tynkaring lan khiadepaw thingkhia hawte thua zah, aening balyn oun do-oihtu tuurinpaw nynh a pya hae paw nynh thua.

ISAIAH 11:4

ryachi hae kha dingnaw te bya a piapah cih hae zah, laephi vaw e a nyaa hae paw kha ahmete bya a paepah cih hae, a mung kya-e a bya ccungngue khate laephi kha a bua cih zah, a khalang kya-e hy khate ccungccaw hoylei hae paw kha a theih cih hae.

ISAIAH 49:2

Ka khalang kha thaloi ahepaw hawte yn rae zah, a kuih mynlyh kyakhe yn thuruh; a akpaw the lang yn rae zah, a the bawng lungkhu khe yn thuruh.

ISAIAH 55:11

tuhawte nynh ka khalang kyate a poupaw ka bya tuh athua cih; alakaw lante kamaw kalan yn ki lan khyh, ka eenaw kha a ccingsah cih zah, ka sawnuathepaw kha a ccingsah cih.

JEREMIAH 17:10

Kae, Bawipaw tuh ccungccaw miakaw kha mih cyisahnaw thyhte, a cyi hae paw thyhte aphu-aphae pya khylan mih tuanaw kha ka syntawtua zah, mih thinlung kha akaw-aleih ka do.

JEREMIAH 23:29

Ka bya tuh maee te lokuh khyh tou? Lung kha zoihtatyh lan a koisahpaw khynlyng te lokuh khyh tou?

LUKA 8:11

“Tousenaw phungpaw tuh hynhte nynh thua: Ccacii tuh Pachia bya nynh thua.

JOHAN 12:48

Kae kha yn vua zah ka bya a lawkuh leipaw tuh bya a pia cih paw a um; ka hopaw ka bya nynh amaw kha nyathya nin kya bya a pia cih.

JOHAN 6:51

Kae tuh vaawlang te yn rungbungpaw ahiinpaw sanlou nynh ka thua. Humhung zemah e sanlou a aepaw tuh zungzae a hiin cih; kae nynh laephi hiinnaw hanlan ka pya lanpaw sanlou tuh ka saw nynh thua,” cite a hopya hae.

LOCCEIHTU 2:37

Hynh-e bya hynh he a thae hae tuh, mih thinlung myarya tung zah Peter te ccangpaw locceihtu hae kha, “Uteno hae, pawmou kae cyih cih?” cite a khia hae.

LOCCEIHTU 4:31

Saw a sang kou hae te, a sueluakunaw hae inn tuh ahy; te minmin balyn tuh Thyaa Muisaw te beih hae zah Pachia bya kha rawhoyte a ho hae.

LOCCEIHTU 5:33

Tuh-e bya a thae hae tuh, mih bungpaw zah minmin kha chia lan a ry hae.

LOCCEIHTU 7:38

Aning tuh ramkaw kya a sueluakuh hae paw Israel hae kya thuasah, Sinai mua kya amaw kalan bya a hopahpaw vaawpaw ryte thuasah, aening ah minpaaw hae ryte thuasah a la umkheih hae paw nynh thua; aning tuh aening kalan pya lanpaw ahiinpaw bya kha a muepaw nynh thua.

Romans 1:16

Pawccecize kae tuh thehoypaw hanlan ka maethah khyh; pawccecize thehoypaw tuh a zynpaw ccungccaw miakaw hanlan khumnaw mue nawlan Pachia thungnaw nynh thua, masaty lan Judah hae hanlan thua zah tukoute Grik hae hanlan mah athuabua.

1 KORIN 1:24

Thuasalama ko hae paw Judah hae te Grik hae parouh hanlan Khri tuh Pachia thungnaw te Pachia hawnaw nynh thua.

2 KORIN 2:17

Pawccecize kaening tuh ccungccaw patae hawte Pachia bya kha amia lang a zuakuh hae paw kae thua khyh; thuasalama Pachia kyate sawpaw ccungccaw hae lante Pachia malang thadynte Khri kya thinlung ccaccingte kae ho.

2 KORIN 4:2

Aruh lante kae cyipaw maethya lan umpaw uccaw hae kha kae vua vae; thyaruhnaw te hiin leite, Pachia bya kha ccungccaw ling nawlan kae mang khyh; byaccing kha ccaerarih lan langsakunaw liate Pachia malang khe ccungccaw miakaw thinlung kya thehoysah lan umpaw ozia khate nynh kae hiin.

EFESA 5:13

Thuasalama pawpaw balyn tuh awnaw liate langsah he athua te ccaerarih lan muih kho athua, pawccecize pawpaw balyn a langsah thyapaw tuh awnaw nynh thua.

EFESA 5:26

Khri nynh tuhte a cyipaw tuh, khriccaawbuu kha Pachia bya athuapaw tui te singpyanaw liate a thyaa ccaw cite ccikan khylan,

EFESA 6:17

Khumnaw athuapaw sivawlukhung te Pachia bya athuapaw Muisaw thaloi kha ccyngkuh oh.

1 THESALON 2:13

Kaening kyate na thae oh paw Pachia bya na lawku lya oh kha ccungccaw bya lante lawku leite, ahme ccaccingpaw Pachia bya lante na lawku oh, tuh-e bya tuh nanning zyntu hae lungkhu kya rya a lah; tuh-e hanlan Pachia kalan apaekuh lei lan lungtuabya kae ho.

1 THESALON 5:23

Daenaw Pachia amaw ccaccei nynh nanning kha marya ae la thyaasah vae oh sah; ah Bawipaw Jesu Khri yn thua te, nae muisaw, nae thinlung te nae pyn kha abalynte ccaenaw um lei lan ae la nung vae oh sah.

HEBRU 13:7

Nae kya Pachia bya ae la hopah oh paw, nanning ae la cciakhae oh paw kha la ning nan oh. Mih hiinzia nynh a poukhaepaw kha tua biate, mih zynnaw kha thydokuh oh.

HEBRU 6:5

te Pachia bya ahoynaw te yn thua vae cih paw she kya-e thungnaw hae kha a taangtua vae hae paw,

JAMES 1:18

Aening tuh amaw nynh a rae hae paw balyn kyaze masaty athae ah thua nawlan oh, amaw a rynaw thyhte byaccing kya-e bya khate aening kha oun rae.

1 PETER 1:23

Pawccecize arohthyapaw ccacii te thua leite, arohthya leipaw, ahiinpaw te zungzae atynpaw Pachia bya liate nynh na puithui oh.

BYAPHY 1:16

A ranglang kuih kya awsi ccangsari a ccyng; a khalang lungkhu te kyn ning mawte ahepaw thaloi a pou; a maesue tuh thawzung phe beih lante apawpaw khuanin hawte nynh thua.

BYAPHY 19:15

Minphuin hae kha detah nawlan ahepaw thaloi tuh a khalang lungkhu te a pou. Aning nynh minmin kha sivaw hoitang te a uk cih hae; Athung huaccepaw Pachia thinrianaw te asekuhpaw bungpawnaw misu mianaw khu kha aning nynh a syde cih.

BYAPHY 19:21

Tuhlaepaw kha marang tungvaw a ccikuhpaw a khalang lungkhu te yn poupaw thaloi khate chia athua hae; te pavaw hae balyn nynh mih ngesaw kha phe byn lan a ae hae.

BYAPHY 2:16

Tukeiccuze ngaesikuh, na ngaesiku khyh ze, na kalan arangte kae thua cih zah ka khalang kya-e thaloi khate minmin kha rhaw ka tuk cih hae.

BYAPHY 2:23

A ccaaw hae kha chinaw te ka theih cih hae. Kae tuh tuanaw te thinlung a ccungtu nynh ka thua cipaw kha khriccaawbuu hae balyn nynh yn nyh cih hae; nanning milu raveih kha nae ryalaw thyhte kae pya cih oh.

BYAPHY 20:4

Tuinte bawitungkhung hae te tuh-e vawlan a haung hae paw kha ka muih, minmin tuh byapianaw kaw a mue hae. Sarepaw te sarepaw azuh kha a beik lei hae paw, mih terui kya khyhze mih kuih kya sarepaw syntawnaw a hoi lei hae paw te Jesu ccaekia lang a tang keiccu te Pachia bya keiccuze mih lu pae hae paw mih muisaw hae kha ka muih; minmin tuh oun hiin hae zah Khri ryte kum thong kheit a uk hae.

BYAPIATU 3:16

Ehud nynh dong kheit sae zah kyn ning ahepaw thaloi kha raekuh zah, a ranglang phae kya a boeining kaw khe a heedeku.