HEBRU 4:11 - Zotung Bible 2016

¹¹ Tukeiccuze minmin nynh kawngae leinaw keiccu a khuliaku hae hawte hum sanmah a khuliaku khyh nawlan, tuh-e haeungnaw lungkhu lang tee lan thawte zuakuh oh sih.

HEBRU 4:11 Iomraidhean Croise

MATTHAI 11:12

Baptisma pyatu Johan ccyh kyate tho zah atu cia vaawlang peenaw tuh doukunaw teing zah a doutu hae nynh nangsete a lawkude hae.

MATTHAI 7:13

“Abypaw sakoih kyate tee oh; pawccecize ronaw kalan ccianawpaw sakoih tuh ko zah laanpi tuh azoi; tuin kya a teepaw ccungccaw hae tuh patae acih hae.

LUKA 13:24

“Abypaw koikua kyate tee lan zuakuh oh; pawccecize, kae hopya oh, ccungccaw patae nynh tuh-e kya tee lan oun zuakuh cih hae zah tee kho lan khyh hae.

LUKA 16:16

“Kawbya te profeh hae ccauh tuh baptisma pyatu Johan kyacia hanlan nynh thua. Johan ccyh kyate vae tuh Pachia peenaw thehoypaw kha ho thua vae zah ccungccaw miakaw nynh tuh-e peenaw lungkhu lang thawte a tee vae hae.

JOHAN 6:27

Arohthyapaw looh hanlan ryalah nan oh, Ccungccaw Ccapaw nynh nanning ae pya cih oh paw zungzae hiinnaw hanlan atynpaw looh elang ryalah oh; pawccecize Paaw Pachia nynh amaw kha tazeih phe khia vae paw nynh thua,” a ci.

LOCCEIHTU 26:19

“Tukeiccuze siapharanpaw Akrippa, vaawlang te yn thuapaw tuh-e vizin ka muihpaw tuh ka ei kho khyh.

EFESA 2:2

tuh-e seinaw hae kyakhe na la hiin oh zah hynh-e laephi laanpi hynh na la zui oh, khivae kya-e thungnaw a uktu, kawngae lei hae paw kya atu ryalahpaw muisaw nulang zuikute na la hiin oh.

EFESA 5:6

Accakaepaw bya hae khate hum nynh san ae la ling nan oh sah; pawccecize khahcihawpaw uccaw hae keiccuze Pachia thinrianaw tuh kawngae lei hae paw tungvaw a ccah.

FILIPI 2:12

Tukeiccuze ka sungsah hae paw, ka kaw zungzae na ngae oh zah, kamaw ka um lya kyalya thua leite, atu kamaw ka um khyh lya mah kaw houh na ngae oh hawte, rawri thyngku biate naemaw khumnaw elang ryalah oh;

KOLOSE 3:6

Tuhcihawpaw uccaw hae keiccu nynh Pachia thinrianaw tuh kawngae lei hae paw tungvaw kya a thua.

TITU 1:16

Minmin nynh Pachia kae nyh cite ho hae salamah mih cyisahnaw te Pachia kha a vua hae; pawccecize minmin tuh luathua-ae-ui lan um hae paw, kawngae lei hae paw te ahoypaw ryalaw miakaw kya ccungkia lei hae paw nynh thua.

TITU 3:3

Pawccecize langmawlya tuh aening mah mingaee hae, kawngae lei hae paw, a cceihsei hae paw, ryduaanaw aphuinphuin te hoysahnaw hae see nynh ah la thua oh, ahoy leipaw te eiungnaw kya hiinte, ming hae nynh a hua hae paw te lu kheit te lu kheit a huakuh hae paw nynh ah la thua oh.

HEBRU 3:12

Uteno hae, nanning nynh zyn leinaw thinlung ahoy leipaw kha hoite, a hiinpaw Pachia kyate na pou khyh nawlan oh raeringkuh oh.

HEBRU 3:18

A haeungnaw lungkhu lang minmin tuh tee lan khyh hae cite Pachia nynh hum hae mou bya a kinnuaku hae? Kawngae lei hae paw kha thua khyh tou?

HEBRU 4:6

Tukeiccuze, ccungccaw abang hanlan tuh-e haeungnaw lungkhu lang tee khonaw phang a um, masaty thehoypaw hopya athua hae paw minmin tuh kawngae leinaw keiccuze tee khyh hae.

HEBRU 6:11

Nanning lu raveih nynh na ngaehoinaw oh kha phe accing nawlan, tuhcihawpaw zuakunaw kha athangnaw cia na langsaku nawlan oh kou kae ry.

JOSHUA 7:3

Te Joshua kalan ki hae zah, “Ccungccaw balynte cciathung ho lan khyh; milu thong ning thong thum loukaw maw te cceih hae sah lah, Ai kha la tuk hae sah. Minmin tuh eih azya hae keiccuze ccungccaw balynte mih thawbangsah nan hae,” cite a hopya hae.

2 PETER 2:6

Sodom te Gomorrah khuapi hae kha detah hae zah buhhaw lang tangsahte a ro hae, Pachia rawri leite a hiin cih hae paw hanlan dosuinku lante a rae.