HEBRU 3:9 - Zotung Bible 2016

⁹ Rya ka lawpaw balyn kha nae minpaaw hae nynh kum sung pali cia mang a muih hae pite kae kha yn syntawtua hae.

HEBRU 3:9 Iomraidhean Croise

The Psalms 95:9

nae minpaaw hae nynh yn syntawtua hae zah, ka ryalaw mang a muih vae hae pite, yn syntawtua hae.

EXODUS 19:4

Izip hae tungvaw ka la cyipaw te nanning kha mosipi sake te kae hang oh zah kamaw kalan kae hoei oh paw kha phe na muih vae oh.

EXODUS 20:22

Bawipaw nynh Moses kha hopah zah, Israel hae kyakhe hynhte na hopah cih hae: “Vaawlang te nanning kalan bya ka hopaw kha phe na muih vae oh,

AMOS 2:10

Amor hae ram kha ccou khylan, Izip ram kyate kae poukhae oh zah, ramkaw kya kum sung pali kae cciakhae oh.

NAMBAR 14:33

Te nae ccaaw hae tuh ramkaw kya kum sung pali lungkhu tuurintu hae athua cih hae zah, nyathya achihpaw nae pyn hae tuh ramkaw kya a hueku makhia hae, nae zyn leinaw keiccuze minmin tuh a teing cih hae.

LUKA 7:22

Jesu nynh minmin kha, “La cceih oh lah na muih oh paw te na thae oh paw kha Johan la hopah oh: Mitmoh hae nynh ngawmuih hae zah ccukhou hae nynh a cceih kho vae hae, vaethyakae hae paw a dan hae, nawpan hae nynh nawthae hae zah michi hae tuh thoosah athua hae, ryachi hae kalan thehoypaw tuh hopya athua.

LOCCEIHTU 13:8

Thuasalama mitleihthyapaw Elimas (tuh-e tuh a min kha Grik bya te leihpaw nynh thua) nynh locceihtu hae kha rawse hae zah mangki bawipaw kha zynnaw kyate paleihsaku lan a zuaku.

LOCCEIHTU 7:36

Aning nynh Israel ccungccaw hae kha poukhae hae zah Izip ram, Rili Se te ramkaw kyakhe kum sung pali lungkhu ngaeangnaw te muihsahnaw kha a langsahpya hae.

DEUTERONOMY 11:7

pawccecize Bawipaw nynh a cyipaw ryalaw lepaw miakaw kha nae mit ccaccei nynh a muih vae.

DEUTERONOMY 29:2

Moses nynh Israel hae balyn kha pum hae zah hynhte a hopya hae: Bawipaw nynh Izip ram nae mitmuihnaw kya Faro tungvaw thuasah, a see hae balyn kya thuasah, a ram balyn kya thuasah,

DEUTERONOMY 4:3

Baalpeor te asekuh lante Bawipaw nynh pawtemou a cyi cipaw, Baalpeor a zuipaw miakaw kha nanning laku kyate Bawipaw nae Pachia nynh pawtemou a ro hae cipaw kha naemaw ccaccei nynh phe na muih vae oh,

DEUTERONOMY 4:9

Nae she balyn kya nae mit nynh a muihpaw uccaw hae kha na ning khyh nawlan oh te nae tuanaw kyate azo khyh nawlan, naemaw te naemaw raeringkute ccykekuh oh; tuh-e hae tuh nae ccaaw hae te nae mintaw hae kha nysah oh—

DEUTERONOMY 8:2

A kawbya kha na zui oh tou, na zui khyh oh tou cipaw te nae thinlung kya umpaw kha ny nawlan syntawtuate nanning zakawsangsahku thya khylan Bawipaw nae Pachia nynh ramkaw kya kum sung pali lungkhu ae cciakhaenaw oh asawpaw laanpi kha liathui oh.

DEUTERONOMY 8:4

Hynh-e kum sung pali lungkhu nae boeining pue khyh zah nae ccu mah phin khyh.

JOSHUA 23:3

te Bawipaw nae Pachia nynh e minphuin hae kyaze nae hanlan a raepaw kha na muih vae oh; pawccecize nanning hanlan rhaw ae tukpah oh paw tuh Bawipaw nae Pachia nynh thua.

JOSHUA 24:7

Te Bawipaw kha he a ko hae te, Izip ccungccaw hae te nae laku kya mohnaw a nung, te rili kha mih tungvaw lang ka luasah thin hae zah, tui pong ka vusah hae; nae mit nynh Izip tungvaw ka cyipaw kha a muih; te ramkaw kya khaw cia na la um oh.

JOSHUA 5:6

Pawccecize Izip ram kyate a pou hae paw minphuin pynpi, rhawkaw hae tuh Bawipaw bya kha ngae khyh hae zah a chi mawlaezung hae, Israel hae tuh ramkaw kya kum sung pali a cceih hae. Bawipaw nynh minpaaw hae kyaze kae pya cih oh cite bya a kinpyaku hae paw ram, mateitui te khoilutui aluanaw ram kha minmin nynh muih lei lante Bawipaw nynh thya a law hae.