HEBRU 3:6 - Zotung Bible 2016

⁶ Thuasalama Khri tuh Pachia inn kya ccapaw hawte a lungzipaw nynh thua. Aening nynh zynkunaw thuasah, ngaehoinaw kya-e lungtuanaw thuasah athangnaw cia tynkaring lan ah kyngku oh ze, aening tuh amaw a inn nynh ah thua oh.

HEBRU 3:6 Iomraidhean Croise

The Psalms 2:12

a malang bakhung oh, tuhkhyhze tuh a thinria cih zah laanpi kya na roh cih oh; pawccecize a thinrianaw tuh maee lang palou arua. Amaw kya a rekuh hae paw balyn tuh lungtua hae paw nynh thua.

EZEKIEL 46:10

Minmin a tee hae ze uktu bawi tuh a teebua cih zah, a pou hae ze a poubua cih.

MATTHAI 10:22

Kae ka min keiccuze ccungccaw balyn nynh nanning kha ae hua cih oh. Thuasalama athangnaw cia a tynpaw tuh khum athua cih.

MATTHAI 16:18

Te nang tuh Peter nynh na thua cipaw kha kae hopya; e lungtung vawlan hin ka khriccaawbuu kha ka thadynsah cih zah, Michi khua e koikua hae nynh tae kho lan khyh.

MATTHAI 24:13

Thuasalama athangnaw cia atynpaw tuh khum athua cih.

Romans 11:22

Tukeiccuze Pachia a thawccinaw te phe ccihtheihpaw a byapianaw kha tuatua; a khuliakuh hae paw tungvaw kya phe ccihtheih lang bya a pia hae, thuasalama nang tuh Pachia thawccinaw kya po na tyn ze, aning nynh thaw ae ccih cih; tuhzemah a thawccinaw kya na tyn khyh ze, nang mah thoh bae na thua cih.

Romans 12:12

Ngaehoinaw kya nae lungpaw sah; vawsawnaw kya nae lungsae sah, sawsangnaw kya tyty tyn oh.

Romans 15:13

Nanning tuh Thyaa Muisaw thungnaw liate ngaehoinaw te phe na bia nawlan oh, ngaehoinaw Pachia nynh zynnaw kyate yn thuapaw lungtuanaw te daenaw phuinccing khate ae la biasah vae oh sah.

Romans 5:2

Aening ah thadynnaw oh hynh-e thawccinaw lungkhu lang amaw zynnaw liate nynh aening naeku khonaw ah hoi oh; Pachia phu-enaw kha neethungku lan ah ngaehoi oh zah ah lungtua.

1 KORIN 3:16

Nanning tuh Pachia beikinn na thua oh paw te Pachia Muisaw nae kya a umpaw kha na nyh khyh oh tou?

1 KORIN 6:19

Nae pyn tuh Pachia kyate na mue oh paw, nae lungkhu a umpaw Thyaa Muisaw beikinn nynh thua cipaw te nanning tuh naemaw kya-e na thua khyh oh cipaw kha na nyh khyh oh tou?

2 KORIN 6:16

Pachia beikinn nynh zohtuh hae te paw nawccawnaw mou a hoi? Pawccecize Pachia nynh, “Minmin kya ka um cih zah minmin laku ka cceih cih, kae tuh mih Pachia ka thua cih zah minmin tuh ka ccungccaw hae athua cih hae,” a ci hawte, nanning tuh ahiinpaw Pachia beikinn nynh na thua oh.

GALATI 6:10

Tukeiccuze ccyhhoypaw ah mue takyh oh te, ccungccaw balyn hanlan ahoypaw rya kha lawpah oh sih lah, abyapi lante zyntu innbyn hae hanlan ahoypaw rya kha lawpah oh sih.

GALATI 6:9

Tukeiccuze ahoypaw ryalawnaw kya thawbang lungthang nan oh sih; pawccecize tuhte ah lungthang khyh zetuh rue ccyh yn zaw te ah rue cih oh.

EFESA 3:12

Khri zynnaw liate aening tuh zynkunaw te rawhoynaw khate Pachia kalan naeku khonaw kha amaw kya ah hoi oh.

KOLOSE 1:23

Na thae oh paw thehoypaw kya-e ngaehoinaw kyate nueku leite, zynnaw kya tynkaring lan na bingkuh cih oh zah po na tyn cih oh, tuh-e thehoypaw tuh vaawlui zakaw umpaw raepaw miakaw kya phy thua zah, kae, Paul tuh tuh-e thehoypaw hanlan ryalahtu nynh ka thua.

1 THESALON 5:16

Zungzae nae lungtua sah.

2 THESALON 2:16

Aening kha oun sungsah zah thawccinaw liate zungzae ngaengannaw te ahoypaw ngaehoinaw oun pyatupaw, ah Paaw Pachia te ah Bawipaw Jesu Khri amaw ccaccei nynh,

1 TIMOTE 3:15

taloi kae thua khyh ze, byaccing kya-e atungpi te abingkunaw athuapaw, a hiinpaw Pachia kya-e khriccaawbuu athuapaw Pachia innbyn kya pawtemou um lan accan cipaw na nyku nawlan nynh thua.

HEBRU 1:2

hynh-e nyathyakou ccyh kya tuh a Ccapaw kyate nynh aening kha bya oun hopya vae. Tuh-e Ccapaw tuh pawpaw balyn rhoccoutu lang khang zah, amaw liate vaaw te lae hynh mah a rae.

HEBRU 10:19

Tukeiccuze uteno hae, Jesu chii liate beikinnthyaa lungkhu lang tee lan zynkunaw ah hoi vae oh.

HEBRU 10:21

Pachia inn a uktupaw Ranpibawi Lupi ah hoi oh keiccuze,

HEBRU 10:23

Ngaehoinaw kong ccaekia ah khan oh paw kyate voikheit voikheit lang pu leite varyng kyngkuh oh sih, pawccecize bya oun kinpakuhpaw tuh a lungzipaw nynh thua.

HEBRU 10:35

Tukeiccuze myarya lepaw lasung a thuakhaepaw nae rawhoynaw kha vua nan oh.

HEBRU 11:1

Zynnaw tuh ngaehoipaw uccaw hae kha ka mue ccaccing cih cite phe riasakunaw te, muih loh leipaw uccaw hae kha a um ccaccing cite nynaw nynh thua.

HEBRU 3:14

Pawccecize aening nynh atakaw e ah zynkunaw oh kha athangnaw cia tynkaring lan ah kyngku oh ze, aening tuh Khri a ruiban hae ah thua vae oh.

HEBRU 4:11

Tukeiccuze minmin nynh kawngae leinaw keiccu a khuliaku hae hawte hum sanmah a khuliaku khyh nawlan, tuh-e haeungnaw lungkhu lang tee lan thawte zuakuh oh sih.

HEBRU 4:14

Tukeiccuze vaawlang po a khung vae paw, alesaepaw Ranpibawi Lupi, Pachia Ccapaw Jesu ah hoi oh keiccuze ah ccaekiakhannaw kha tynkaring lan kyngkuh oh sih.

HEBRU 4:16

Tukeiccuze ahoboupaw ccyh kya bawmnaw mue nawlan, ngaethyaumsahnaw te thawccinaw kha ah mue nawlan oh, thawccinaw bawitungkhung kalan khe rawhoyte cceih oh sih.

HEBRU 6:11

Nanning lu raveih nynh na ngaehoinaw oh kha phe accing nawlan, tuhcihawpaw zuakunaw kha athangnaw cia na langsaku nawlan oh kou kae ry.

HEBRU 6:18

Khynnaw ah mue vae oh paw aening nynh tuh ah malang oun nungpyapaw ngaehoinaw kha kyngku khylan, alepaw thawzung pyanaw ah hoi kho nawlan oh, hynbya a ho kho leipaw Pachia nynh arulaekuh kho leipaw uccaw ccangning kya hynhte a cyi.

HEBRU 7:19

pawccecize kawbya nynh pawsang ccingsah khyh; voihaw lante, ahoy huapaw ngaehoinaw kha thuakhae athua, tuh-e ngaehoinaw liate aening tuh Pachia kalan ah naekuh oh.

1 PETER 1:8

Amaw kha na muih lei oh pite na sungsah oh; atu amaw kha na muih khyh oh zemah na zyn oh; ho kho um leipaw te aphu-epaw lungtuapaw khate nae lungpaw.

1 PETER 2:5

Nanning mah ahiinpaw lung hae hawte muisaw lante sakpaw inn nynh na thua oh, Jesu Khri liate Pachia kalan douccahpaw, muisaw lante silawkunaw rae khylan athyaapaw ranpibawi nynh na thua oh.

1 PETER 4:17

Pawccecize Pachia innbyn kyate byapianaw kha masaty tho lan accyh azaw vae; tuh-e tuh aening kyate masaty atho lanze, Pachia kya-e thehoypaw a ngae lei hae paw kya-e athangnaw tuh pawcihte athua cih?

BYAPHY 2:18

“Thiatira khua kya umpaw khriccaawbuu kya-e vaawpaw kalan hynhte zei: Maeesoi alopaw mit a hoitupaw, thyaararihpaw sohin alopaw ccu a hoitupaw Pachia Ccapaw nynh hynhte a ho.

BYAPHY 2:25

Na hoi oh paw kha kamaw kae thua cia varyng kyngkuh oh.

BYAPHY 2:26

Taetu athuapaw te athangnaw cia ka ryalaw a lahpaw tuh, minphuin hae tungvaw kawhoinaw kha ka pya cih;

BYAPHY 3:11

Kae tuh arangte kae thua vae cih. Hum nynh sanmah na bawilukhung kha ae luade khyh nawlan, na hoi vae paw kha varyng kyngkuh.