HEBRU 3:5 - Zotung Bible 2016

⁵ Moses tuh nyalang ho athua cih paw uccaw hae kha ccaekiakhan khylan Pachia inn balyn kya ryalahtu lu kheit hawte a lungzipaw nynh thua.

HEBRU 3:5 Iomraidhean Croise

NEHEMIAH 9:14

athyaapaw na sabbath kha na nysah hae zah kawbya hae, phunglang hae te phungbya kha na ryalahtu Moses kyate na pya hae.

The Psalms 105:26

Aning nynh a seepaw Moses te a po vae paw Aaron kha a saw hae.

EXODUS 14:31

Bawipaw nynh Izip hae kha rawsete ryalaw lepaw a lawpaw kha Israel hae nynh a muih hae. Tukeiccuze ccungccaw hae nynh Bawipaw kha rih hae zah Bawipaw tungvaw te a ryalahtu Moses tungvaw zynnaw a hoi hae.

EXODUS 40:16

Bawipaw nynh kaw a pya thyhte Moses nynh atyn-are kha pong a cyi.

NAMBAR 12:7

Ka ryalahtupaw Moses kya tuh tuhte thua khyh; aning tuh ka innbyn balyn kya a lungzipaw nynh thua.

MATTHAI 24:45

“Tuhte athua lanze inn hoitupaw nynh a inn kya-e ccungccaw hae kha a uktu lang te accyh azaw vae ze looh a pyatu lang a nungpaw a lungzipaw te a hawpaw see tuh hummou athua?

MATTHAI 25:21

A bawipaw nynh tuh-e paw tuh, ‘Ahoy, a lungzipaw see hoypaw, uccaw beihtarawpaw kya na lungzi keiccuze uccaw patae a rintu lang kae nung cih, na bawipaw kya-e lungtuanaw lungkhu lang teebua,’ a cipya.

LUKA 12:42

Bawipaw nynh, “Accyh zaw vae ze mih hanpaw looh neesah lan te a see hae a uktu lang cite a bawipaw nynh a khang lanpaw a lungzipaw te a hawpaw synriatu tuh hummou athua?

LUKA 24:27

Moses kyate tho zah Profeh hae balyn nynh amaw konglang a zei hae paw Ccathyaa balyn kha minmin kya ccaerarih lan a hopya hae.

LUKA 24:44

Tukoute Jesu nynh, “Moses kawbya ccauh kya thuasah, profeh hae ccauh kya thuasah, Sam ccauh kya thuasah kae ka kong a zei hae paw miakaw tuh marya accing cih cite nanning ryte ka um lyaze kae hopya oh paw bya tuh hynh-e hae hynh nynh thua,” a cipya hae.

JOHAN 5:39

“Ccathyaa kya zungzae hiinnaw kae mue cih cite na tua oh zah Ccathyaa kha thawte na ccung oh; Ccathyaa tuh kamaw konglang ccaekia a khanpaw nynh thua.

LOCCEIHTU 28:23

Minmin nynh Paul te tungkunaw nin kha khya hae zah, tuin nin khe ccungccaw patae tuh Paul a ryanaw kalan oun thua hae. Paul nynh awkhua te zete cia Pachia peenaw kong kha ccaekiakhanpah hae zah, Jesu konglang kha minmin nynh a thaethya nawlan hae, Moses Kawbya ccauh kya-e te Profeh hae ccauh kya-e kha a hopya hae.

LOCCEIHTU 7:37

‘Pachia nynh nae uno hae kyate kamaw alopaw Profeh lu kheit kha nae hanlan yn pousah cih, amaw bya kha na ngae cih oh,’ cite Israel hae kya a hotupaw tuh hynh-e Moses nynh thua.

Romans 3:21

Thuasalama atu tuh Kawbya te asekuh leipaw Pachia kya-e dingnaw kha yn langkuh vae; tuh-e kong tuh Kawbya te Profeh hae bya nynh ccaekia a khan hae.

1 KORIN 4:2

Tuhpiaze synriatu tuh zyn lan umpaw athua cih.

DEUTERONOMY 3:24

“Pou Bawipaw Pachia, na lesaenaw te na thungnaw kha na seepaw kya langsahpya lanpaw kha tho kyalya nynh na tho ung; vaawlui kya te laephi vawlan umpaw pawcihawpaw pachia nynh mou nang na raepaw hawte cyisahnaw te thungnaw kha a rae kho?

DEUTERONOMY 34:5

Tetuh Bawipaw seepaw Moses tuh Bawipaw nynh kaw a pyanaw Moab ram khe a chih.

1 TIMOTE 1:12

Thawzung yn pyatu ah Bawipaw Khri Jesu kha ka thehoysah, pawccecize kae hynh a ryalaw lan yn khang zah a lungzipaw lang yn riabua.

HEBRU 1:1

Langmaw lyaze profeh hae kyate ah minpaaw hae kya aphuinphuin te avae patae bya a hopaw Pachia nynh,

HEBRU 3:2

Moses tuh Pachia inn balyn kya a lungzi hawte, Jesu mah amaw a khangtupaw kya a lungzipaw nynh thua.

HEBRU 3:4

Pawccecize inn miakaw tuh ccungccaw lukhakheit nynh a sakpaw nynh thua, thuasalama pawpaw balyn a saktupaw tuh Pachia nynh thua.

HEBRU 8:5

Minmin tuh vaawlang e beikinnthyaa pungsan te alokuhpaw mynlyh kyakhe nynh rya a law hae. Tuh-e keiccu Moses nynh beikbu kha sak lan vae cite he a noukuh tuh, “Mua vawlan nang na kya langsahpya athuapaw pungsan thyhawte pawpaw balyn kha na rae nawlan raeringkuh,” cite Pachia nynh Moses kha raeringnaw a pya.

HEBRU 9:24

Pawccecize thanccingpaw pungsan athuapaw, kuih te raepaw beikinnthyaa lungkhu lang Khri tuh tee khyh; atu aening ccelang Pachia muihnaw kya langku khylan, vaawram lang nynh a tee.

JOSHUA 1:15

Nae uno hae nynh mah Bawipaw nae Pachia nynh a pya hae paw ram kha ccou hae zah, naemaw hawte Bawipaw nynh haeungnaw a pya mawlaezung hae na bawm cih oh. Tukoute Bawipaw ryalahtu Moses nynh ae pya oh paw Jordan khuraw, nithua lang umpaw naemaw ram lang na kithui cih oh zah na ccou cih oh,” a cipya hae.

JOSHUA 1:2

“Ka ryalahtu Moses tuh a chih vae; nang te hynh-e ccungccaw hae balyn nynh Jordan vaw kha zua oh; minmin, Israel hae ka pya cih hae paw ram lungkhu lang tee oh.

JOSHUA 1:7

Ka ryalahtu Moses nynh kaw ae pyapaw phungbya thyhte raeringkute cyi lan na thawsaesakuh lah, myarya na rawthungsakuh; na ccianaw miakaw kya na laan na sui a ua nawlan, na voi na rang lang maekuh nan.

JOSHUA 8:31

Bawipaw ryalahtu Moses nynh Israel hae kha kawpya hae zah, Moses kawbya ccauh kyaze, “a awkuh leipaw, sivawhaelua mah mangnua leipaw lung te raepaw silawhang,” cite azeiku thyhte a rae hae; tuh-e vawlan khe maee-ute silawnaw kha Bawipaw kalan rae hae zah, ccawkunaw silawnaw kha a rae hae.

JOSHUA 8:33

Ranpibawi hae nynh Israel hae kha hythua a pya cih hae, cite Bawipaw ryalahtu Moses nynh masaty lyaze kaw a pya hae thyhte, Israel hae balyn, ramccungccaw te ramccang ccungccaw hae tuh mih piccan hae, mih bawi hae te mih byapiatu hae ryte Bawipaw byakin thingkua puihtu Levi phin ranpibawi hae malang khe byakin thingkua te ahawiliakuh lante, ccungccaw angankuh tuh Gerizim Mua malang, tuhlaepaw angankuh tuh Ebal Mua malang khe a thadyn hae.

BYAPHY 15:3

Minmin nynh Pachia ryalahtu Moses hlaw te Tuutaw hlaw kha sah hae zah, “Athung huaccepaw Bawipaw Pachia, na ryalaw hae tuh lesae zah ngaeang lan a um! Minphuin hae Siapharan, na laanpi hae tuh ding zah ahme!