HEBRU 3:12 - Zotung Bible 2016

¹² Uteno hae, nanning nynh zyn leinaw thinlung ahoy leipaw kha hoite, a hiinpaw Pachia kyate na pou khyh nawlan oh raeringkuh oh.

HEBRU 3:12 Iomraidhean Croise

GENESIS 8:21

Te Bawipaw nynh lungrythuasah paw amynkhuhpaw kha he a thae tuh, Bawipaw nynh, “Ccungccaw keiccuze laephi hynh mazi thya bua ka law vae lan khyh, pawccecize ccungccaw thinlung tuh a di lya mawte hoy khyh; vaekheit ka la cyi vae hawkhate ahiinpaw ahysuepaw miakaw kha kharouh bua ka roh vae lan khyh.

JOB 21:14

Ccungccaw hoylei hae paw nynh Pachia kha, ‘Kae makhaete oun cciataw! Na laanpi kha ny kae ry khyh.

JOB 22:17

Minmin nynh Pachia kha, ‘Kae makhaete oun cciataw, Athunghuapaw nynh kaening hynh pawmou oun cyih kho cih?’ a cipya hae.

The Psalms 18:21

Pawccecize Bawipaw laanpi kha ka zui zah, ka Pachia kyate seinaw raete ka phiakuh khyh.

PHUNGTANGBYA 1:32

Pawccecize tuanaw a zya hae paw tuh laanpi a me keiccu hae ze chih hae zah, mingaee hae tuh a sawphahkunaw hae kha nynh mimaw kha a ro hae;

ISAIAH 59:13

cyiseimenaw, Bawipaw kha vuanaw, ah Pachia zuinaw kyate ccanglang maekunaw, tuaasahnaw byahonaw, rawsenaw byahonaw te hynbya kha ccykekute tuh-e tuh thinlung kyate honaw kha nynh thua.

JEREMIAH 11:8

Tuhzemah minmin nynh zui khyh hae, mih nakaring tuakuh khyh hae, mih balynte ahoy leipaw mih rynaw thyhte lungkhungte a ccia hae. Tukeiccuze zui lan kaw ka pya hae zah a zui lei hae paw e byakinnaw bya balyn hynh mih tungvaw ka ccawsah.

JEREMIAH 16:12

te nanning nynh nae minpaaw hae laeze athahhua lante na um oh zah, alungkhungpaw te ahoy leipaw nae rynaw kha zuite, ka bya ngae lan na ei oh keiccu nynh thua.

JEREMIAH 17:5

Bawipaw nynh hynhte a ho: Ccungccaw basi kha doliakuh zah ccungccaw basi kha a thawzung lang nungkute Bawipaw kyate a thinlung a maeleihkuhpaw tuh thyalaw athua hae.

JEREMIAH 17:9

Thinlung tuh pawpaw balyn laeze a thyaruhhua; thinlung tuh a ccouseikuh, hum nynh mou thinlung kha a nyhthya kho cih?

JEREMIAH 18:12

Thuasalama minmin nynh, “Ccungkianaw um khyh! Aening nynh ah paccynku oh paw kha ah zui cih oh zah, aening lu kheit cci nynh ahoy leipaw te alungkhungpaw ah rynaw thyhte ah cyih cih oh,” a ci hae.

JEREMIAH 2:13

Pawccecize ka ccungccaw hae nynh hoyleinaw phuin ning kha a rae vae hae: hiinnaw tuidy ka thuapaw kae kha yn vua hae zah, tui a ynkuh kho leipaw, azupaw tuikua kha a thaeku vae hae.

JEREMIAH 3:17

Tuin ccyh vae tuh Jerusalem kha Bawipaw bawitungkhung cite a ko cih hae, minphuin balyn tuh Jerusalem kya Bawipaw malang khe a sueluakuh cih hae zah, ahoy leipaw mimaw rynaw kha lungkhungte zui vae lan khyh hae.

JEREMIAH 7:24

Tuhzemah minmin nynh kawngae khyh hae, mih nakaring mah tuakuh khyh hae, ahoy leipaw mih rynaw te mih lungkhungnaw khate mih tuakunaw kyakhe cceih hae zah, malang laeze nulang kha a dohua paleih hae.

EZEKIEL 14:5

tuhteze nynh mih zohtuh hae liate ka kyate asawkuh hae paw balyn, Israel hae thinlung kha ka kyng kho cih.

HOSEA 1:2

Bawipaw nynh Hosea kyate masaty bya he a ho te, Bawipaw nynh Hosea kha, “Cceih lah, ohhuanung kha zu lang dykute ohhuakunaw ccaaw hae kha saahku tua, pawccecize e ram nynh Bawipaw kha vua zah myarya lepaw ohhuakunaw kha a rae vae,” a cipya.

MATTHAI 16:16

Simon Peter nynh, “Nang tuh a hiinpaw Pachia Ccapaw Messiah nynh na thua,” a ci.

MATTHAI 24:4

Jesu nynh, “Humhung nynh mah ae ling khyh nawlan oh la raeringkuh oh.

MARKA 13:23

Tukeiccuze la raeringkuh oh; pawpaw balyn kha pong kae hopya vae oh.

MARKA 13:33

Accyh tuh hohtuh cipaw na ny khyh oh keiccuze raeringkuh oh lah paccynkute la um oh.

MARKA 13:9

“Thuasalama nanning tuh la raeringkuh oh; pawccecize minmin nynh nanning kha kungsi hae kalan ae ap cih oh; sinakok hae kya ae bua cih oh. Kae ka keiccuze uktu hae te siapharan hae malang na thadyn cih oh zah, minmin kyakhe ka ccaekia lang na tang cih oh.

LUKA 21:8

Jesu nynh, “Nanning kha ae ling khyh nawlan oh la raeringkuh oh, pawccecize ccungccaw patae nynh ka min te oun thua cih hae zah, ‘Kae tuh amaw nynh ka thua! Accyh a anae vae!’ oun ci cih hae; minmin nulang la zuikuh nan oh.

Romans 11:21

Pawccecize Pachia nynh a um typaw aran hae kha heize a haang khyh ze, nang mah ae haanglae lan khyh.

1 KORIN 10:12

Tukeiccuze ka thadyn cite a tuakuhpaw nynh tuh a khuliaku khyh nawlan raeringkuh sah.

KOLOSE 2:8

Khri ccangpyanaw thyhte thua leite, ccungccaw phung thyhte zui zah vaawlui te laephi uktu muisaw hae thyhte a zuipaw laephi thyahawnaw te accakaepaw lingkunaw khate hum nynh sanmah ae ro khyh nawlan oh la raeringkuh oh.

1 THESALON 1:9

Pawccecize kaening nynh nae kalan pawcihte nynh kae tee cipaw kaening kong kha tuin ram kya-e ccungccaw hae nynh a ho hae, te a hiinpaw te ahmepaw Pachia kha ryalawpya khylan zohtuh hae kyate Pachia kalan pawcihte nynh na paleihku oh cipaw kha thuasah,

HEBRU 10:31

Ahiinpaw Pachia kuih lungkhu lang ccaw lanpaw tuh ri lan umpaw nynh thua.

HEBRU 10:38

Adingpaw ka ccungccaw tuh zynnaw liate a hiin cih; thuasalama lukhakheit nynh nulang a sihku lanze ka muisaw tuh tuh-e paw kya a lungrythua lan khyh,” a ci.

HEBRU 12:15

Pachia thawccinaw kha hum nynh san mue leite a um khyh nawlan, akhahpaw tharui kyate yn popaw nynh nanning kha vawsaw ae pya khyh nawlan oh raeringkuh oh; tuh-e nynh ccungccaw patae kha a nungsisaku hae.

HEBRU 12:22

Thuasalama nanning tuh Zion mua lang, ahiinpaw Pachia khuapi athuapaw vaaw Jerusalem lang, riatae lei vaaw hae lungpawte a tungkunaw hae kalan,

HEBRU 12:25

Nanning nynh a hotupaw bya kha na ei khyh nawlan oh raeringkuh oh; pawccecize laephi vawlan a hotupaw bya a ei hae paw tuh detahnaw kyate a lue khyh hae ze, vaawlang te a hotupaw bya kha aening nynh ah ei oh ze, pawtemou ah lue kho cih oh?

HEBRU 3:1

Tukeiccuze vaawlang te asekuhpaw konaw kya a pabua hae paw athyaapaw uteno hae, aening nynh ccaekia ah khan oh paw Locceihtu te Ranpibawi Lupi athuapaw Jesu kong kha tuatua oh.

HEBRU 3:10

Tukeiccuze kae tuh tuh-e ciihan kya ka thinria zah, ‘Mih thinlung tuh palei cceihsei zah ka laanpi kha nyh khyh hae,’ ka ci.

HEBRU 3:19

Tukeiccuze zyn leinaw keiccuze minmin tuh tee kho khyh hae cipaw ah muih oh.

HEBRU 9:14

zungzae tynpaw Muisaw liate Pachia kya ccaenaw um leipaw, amaw te amaw a pyakuhpaw, Khri chii nynh a chihpaw ryalaw kyate a hiinpaw Pachia ryalawpya khylan naemaw nykunaw thinlung kha pawcihmou houh a thyaasah kho cih!