HEBRU 3:10 - Zotung Bible 2016

¹⁰ Tukeiccuze kae tuh tuh-e ciihan kya ka thinria zah, ‘Mih thinlung tuh palei cceihsei zah ka laanpi kha nyh khyh hae,’ ka ci.

HEBRU 3:10 Iomraidhean Croise

GENESIS 6:6

Bawipaw nynh laephi vawlan ccungccaw a la raepaw kha a ngaesikuh, te tuh-e a raepaw nynh a thinlung kha myarya a ccisah.

The Psalms 147:20

Minphuin ccangpaw hae kya tuhcite cyih khyh; minmin nynh a phungzae kha nyh khyh hae. Bawipaw kha thehoysah oh!

The Psalms 67:2

tuhcite laephi ccungccaw hae nynh na laanpi kha a nyh cih hae zah, minphuin balyn nynh na khumnaw huhan kha a nyh cih hae.

The Psalms 78:40

Minmin nynh amaw kha ramkaw kya atu te atu dou hae zah, laesia ram kya a ngae a thyasah hae!

The Psalms 78:8

Minmin tuh mih minpaaw hae te lokuh lan khyh hae, mih minpaaw hae tuh alungkhungpaw te rawse a mang hae paw phin, thinlung atyn lei hae paw phin, Pachia tungvaw lungzinaw a hoi lei hae paw nynh thua hae.

The Psalms 95:10

Kum sung pali lungkhu khah-e minphuin kha ka hua zah, “Minmin tuh mih thinlung a cceihseipaw thua hae zah, ka laanpi kha pawlangria khyh hae,” ka ci.

ISAIAH 28:7

E hae zemah misutui keiccuze vyavya khuliakuh hae zah, ruithyapaw keiccuze tangkitangkae lante a cceih hae; ranpibawi hae te profeh hae tuh ruithyapaw niapaw keiccuze vyavya a khuliakuh hae, misutui keiccuze mih lungzo, ruithyapaw niapaw keiccuze tangkitangkae lante a cceih hae; minmin nynh a muih hae paw vizin tuh phe sei zah, mimaw nynh bya a piapya hae paw kyakhe a thy a pawkuh hae.

ISAIAH 63:10

Thuasalama minmin nynh amaw kha dou hae zah athyaapaw a Muisaw kha a ngaethyasah hae; tukeiccuze aning tuh minmin rhaw lang tang zah, amaw ccaccei nynh minmin kha rhaw a tuk hae.

JEREMIAH 4:22

“Ka ccungccaw hae tuh a ngaee hae, kae kha yn nyh khyh hae; minmin tuh angaeepaw ccaaw thua hae zah, nythyanaw hoi khyh hae. Minmin tuh ahoy leipaw kha myarya raethya hae, thuasalama ahoypaw kha pawtemou rae lan cipaw nyh khyh hae.”

HOSEA 4:12

Ka ccungccaw hae nynh thingphe kha tuanaw ngiakuh hae zah, phuring-unawpaw mih ccungngue nynh a ny ry hae paw kha a hopya hae. Pawccecize ohhuaku rynaw thinlung nynh minmin kha cciakhaesei hae zah, mih Pachia kha vuate a ohhuaku hae.

MATTHAI 20:24

Zuitu lu haw nynh tuh-e tuh he a thae hae tuh uno lu ning tungvaw mih thinria.

MARKA 3:5

Thinriate minmin kha po lekuh lan a do hae, mih lungkhungpaw elang a ngaethah zah tuh-e paw tuh, “Na kuih kha dyngtua,” a cipya. A kuih kha dyng zah phe a dan vae.

JOHAN 8:45

Byaccing kae hopya keiccu oh nae zyn khyh oh.

Romans 1:28

Minmin nynh Pachia kha a ny ry khyh hae keiccuze Pachia nynh athahpaw thinlung kalan ap hae zah minmin nynh angaekuh leipaw uccaw hae kha a cyi hae.

Romans 3:7

Pawccecize kae ka hynnaw liate Pachia byaccing nynh a phu-enaw kha houh a langsah ze, kae kha miseipaw lante pawccemou bya yn pia hae?

EFESA 4:30

Sawkhawnaw nin hanlan nanning tazeih ae khianaw oh paw, Pachia Thyaa Muisaw kha thinlungccisah nan oh.

HEBRU 3:12

Uteno hae, nanning nynh zyn leinaw thinlung ahoy leipaw kha hoite, a hiinpaw Pachia kyate na pou khyh nawlan oh raeringkuh oh.

BYAPIATU 10:16

Tetuh ramccang pachia hae kha mih kyate vua hae zah Bawipaw kha a beik hae; te Israel hae teingnaw a muih tuh a lunghoy khyh.