HEBRU 2:9 - Zotung Bible 2016

⁹ Thuasalama Pachia thawccinaw liate ccungccaw miakaw hanlan chinaw taangtua khylan, vaaw hae laeze ccapyh anehua lante rae athuapaw Jesu kha aening nynh ah muih oh. Chinaw a teing keiccuze aning tuh phu-enaw te sawtuanaw lukhung kha khungsah athua.

HEBRU 2:9 Iomraidhean Croise

GENESIS 3:15

Nang te nopinung laku thuasah, na ciihan te a ciihan laku thuasah rawsekunaw ka nung cih; aning nynh na lu kha ae tude cih zah nang nynh a ccukhung kha na tuh cih,” a ci.

ISAIAH 11:1

Jessi ccungmuing kyate thingno thawpaw yn toih cih zah, a tharui kyate akaran tuh yn lethung cih.

ISAIAH 7:14

Tukeiccuze Bawipaw amaw ccaccei nynh nanning kha muihsahnaw ae pya cih oh. Dotua oh, liaccady nynh ccaawpoi zah ccapaw a saah cih, a min tuh Immanuel cite a phu cih hae.

MATTHAI 16:28

Byaccaccing kae hopya oh, Ccungccaw Ccapaw nynh a peenaw te yn thuapaw kha a muih hae cia a chih cih lei hae paw abang tuh hein kya a thadyn hae,” cite a hopya hae.

MATTHAI 6:28

Tukeiccuze pawccemou boeining elang nae lungriathae? Ramkaw e lili haetapaw ku hae kha pawcihte nynh a lethung hae cipaw tuatua oh; minmin tuh ryalah khyh hae, laaw mah sukuh khyh hae.

MARKA 9:1

Jesu nynh minmin kha, “Byaccaccing kae hopya oh, thungnaw ryte yn thuapaw Pachia peenaw kha a muih hae cia a chih cih lei hae paw ccungccaw abang hein kya a thadyn hae,” a cipya hae.

LUKA 9:27

Thuasalama byaccaccing kae hopya oh, Pachia peenaw kha a muih hae cia a chih cih lei hae paw ccungccaw abang tuh hein kya a thadyn hae,” cite a hopya hae.

JOHAN 1:29

Awkhualan khe Johan nynh a kalan yn cceihpaw Jesu kha muih zah, “Laephi seinaw a cciakhaepaw Pachia Tuutaw khuh dotua oh!

JOHAN 10:17

Ka hiinnaw kha ka pyakuh zah ka hiinnaw kha bua ka lawkuh cih keiccuze ka Paaw nynh kae kha yn sungsah.

JOHAN 12:32

Kae tuh laephi kyate saethung ka thua te, ccungccaw hae balyn kha ka kalan ka suebua cih hae,” a ci.

JOHAN 3:16

“Pawccecize Pachia nynh laephi hynh eih a sungsah keiccuze a Ccapaw lu kheit kyalyapaw kha oun pya; tukeiccuze amaw a zynpaw miakaw tuh chih vae lan khyh zah zungzae hiinnaw a hoi cih.

JOHAN 8:51

Byaccaccing kae hopya oh, humhung zemah ka bya a zuipaw tuh chinaw tung boi vae lan khyh,” a ci.

JOHAN 8:52

Judah hae nynh Jesu kha, “Nang tuh raerangsaro bahkuhpaw cipaw atu kae ny. Abraham tuh a chih, profeh hae mah a chih hae; nang nynh, ‘Humhung zemah ka bya a zuipaw tuh chinaw tung boi vae lan khyh,’ na ci.

LOCCEIHTU 2:33

Tukeiccuze aning tuh Pachia ranglang khe hangthung thua vae zah, byakinpyakupaw Thyaa Muisaw kha Paaw kyate a mue vae; atu na muih oh zah na thae oh paw hynh-e Thyaa Muisaw hynh ah tungvaw kya phe oun bu vae.

LOCCEIHTU 3:13

Abraham, Isak te Jakob Pachia, ah minpaaw hae Pachia nynh a Ccapaw Jesu kha a phu-esah vae; nanning nynh tuh-e Jesu tuh Pilat kuih kalan na pya oh zah, Pilat nynh luesah lan he a noukuh tuh nanning nynh luesah lan phe na ei oh.

Romans 5:18

Tukeiccuze ccungccaw lu kheit seinaw nynh ccungccaw balyn kha byapianaw kalan oun thuakhae hawte, ccungccaw lu kheit dingnaw nynh ccungccaw balyn kha hiinnaw te asekuhpaw thyaaccounaw kalan oun thuakhae.

Romans 5:8

Thuasalama aening tuh misei hae ah thua cciamang lya oh khe, Khri nynh aening hanlan oun chipyapaw tuh Pachia nynh aening kha pawcih nynh oun sungsah cipaw a langsakunawpaw nynh thua.

Romans 8:3

Pawccecize pynsaw keiccuze a thawzyapaw Kawbya nynh a cyi kho leipaw kha Pachia nynh a cyi. A seipaw pynsaw muinsan lante seinaw hanlan a Ccapaw kha yn saw zah, pynsaw kya umpaw seinaw kha sei a be.

Romans 8:32

A Ccapaw heize haang leite aening balyn hanlan oun pyatupaw Pachia nynh Ccapaw ryte pawpaw balyn kha alakawte oun pya lan khyh tou?

2 KORIN 5:15

A hiin hae paw nynh mimaw hanlan hiin vae leite, mih hanlan chih zah bua a thoothuipaw hanlan a hiin ccaw hae cite nynh aning tuh ccungccaw balyn hanlan a chi.

2 KORIN 5:21

Pawccecize Pachia nynh seinaw a hoi leipaw kha aening keiccuze seinaw a hoipaw lang a tangsah, tuhteze nynh aening tuh tuh-e paw kya Pachia miding lang ah tang kho cih oh.

GALATI 4:4

Thuasalama accyh ccingnaw he yn thua te, nopinung vue kya poisah zah Kawbya zakaw yn puisahpaw a Ccapaw kha Pachia nynh yn saw.

1 TIMOTE 2:6

Aning nynh ccungccaw balyn shawkhaw nawlan amaw kha a pyaku, —tuh-e tuh accyh azawpaw kya ccaekia a khanpaw nynh thua.

HEBRU 1:9

Dingnaw kha na sungsah zah hoyleinaw kha na hua; Tukeiccuze pou Pachia, na Pachia nynh na ruiban hae laeze ae hangthung zah lungtuanaw chitui ae thuh vae,” a ci.

HEBRU 10:5

Tukeiccuze laephi kalan Khri yn thua lyaze aning nynh, “Silawnaw te pyapaw uccaw kha na rypaw thua khyh, thuasalama kamaw hanlan pyn kha phe nae paccynpya vae.

HEBRU 11:5

Enok tuh chinaw a tung vae khyh ccaw cite zynnaw liate lawthung athua. Pachia nynh amaw kha a lawthung vae keiccuze aning tuh muih lan um vae khyh. Pawccecize lawthung athua maw, “Aning tuh Pachia lungry a tung,” cipaw ccaekia kha a hoi.

HEBRU 12:2

Aening zynnaw a thotu te a ccingsahtupaw Jesu kha riri dote ccue oh sih. Aning tuh maethyanaw kha pawlangria leite amaw malang nungpya athuapaw lungtuanaw hanlan vaelantung kya teingnaw kha ngaesang zah Pachia kya-e bawitungkhung ranglang khe a dahung vae.

HEBRU 2:7

Amaw kha vaaw hae laeze ccapyh anehua lante na rae; phu-enaw te sawtuanaw kha na khungsakuh zah,

HEBRU 7:25

Amaw liate Pachia kalan oun cceih hae paw kha aning nynh zungzae a khum kho hae, pawccecize aning tuh minmin hanlan ngiapyanaw rae khylan zungzae a hiin keiccu nynh thua.

HEBRU 8:3

Pawccecize ranpibawi lupi miakaw tuh lasung hae te silawnawpaw khate silawpya khylan khangpaw nynh thua. Tukeiccuze hynh-e paw mah silaw nawlan ccangkhakheit a hoi aho.

1 PETER 1:21

Khri kha chinaw kyate thoosah zah phu-enaw a pyatupaw Pachia kha Khri liate na zyn oh. Tuhteze nynh nae zynnaw te nae ngaehoinaw tuh Pachia kya a um.

1 JOHAN 2:2

Aning tuh aening seinaw hanlan seishawnaw silawnawpaw nynh thua; aening seinaw hanlan kyalya thua leite, laephi ccungccaw hae balyn mih seinaw hanlan mah athua.

BYAPHY 19:12

A mit tuh maeesoi te lokuh zah, a lu vawlan bawilukhung hae a khungkuh; a tungvaw kyakhe amaw laelan hum nynh san a ny leipaw min azeikuhpaw a hoi.

BYAPHY 5:9

Minmin nynh hlaw thawpaw kha sah hae zah, “Nang tuh ccakue kha law lan te ccakue kya-e tazeih hae kha kia lan na ngaekuh, pawccecize nang tuh chia na thua zah na chiise liate phin miakaw, bya miakaw, minphuin miakaw te ram miakaw kya-e ccungccaw hae kha Pachia hanlan na shawkhaw hae.