HEBRU 2:8 - Zotung Bible 2016

⁸ pawpaw balyn kha a ccuphe kaw khe marya na nung,” cite ccaekiakhan zah a ho. Pawpaw balyn kha amaw zakaw marya a nung cipaw tuh amaw zakaw a nung leipaw pawsang um khyh cinawpaw nynh thua. Thuasalama pawpaw balyn amaw zakaw marya a nungpaw kha atu aening nynh ah muih loh khyh oh.

HEBRU 2:8 Iomraidhean Croise

The Psalms 2:6

“Ka siapharan kha athyaapaw ka Zion mua vawlan ka nung vae,” a ci.

The Psalms 8:6

Na rae hae paw tungvaw a uktu lang na rae;

DANIEL 7:14

Bya aphuinphuin ho hae paw minphuin hae balyn nynh amaw rya kha a lawpya hae, uknaw kaw, phu-enaw te siapharan lang tangnaw tuh amaw kha pya athua. A uknaw tuh azo cih leipaw zungzae tynpaw uknaw thua zah, a siapharan thuanaw tuh papin roh lan khyh.

MATTHAI 28:18

Jesu nynh yn thua zah, “Vaawlang te laephi vawlan e kawhoinaw balyn tuh kamaw kalan pya athua vae.

JOHAN 13:3

Paaw nynh pawpaw balyn kha a kuih lungkhu lang marya a pya vae cipaw kha thuasah, aning tuh Pachia kyate yn thua zah Pachia kalan bua a ccia lanpaw kha thuasah Jesu nynh a ny.

JOHAN 3:35

Paaw nynh Ccapaw kha sungsah zah pawpaw balyn kha a kuih kya marya a pya vae.

1 KORIN 15:27

Pawccecize Ccathyaa kyaze, “Pachia nynh pawpaw balyn kha Khri ccuphe kaw a nung vae,” cite a um. Thuasalama, “Pawpaw balyn kha amaw zakaw a nung,” cite a hopaw kya, pawpaw balyn amaw zakaw a nungtupaw Pachia tuh pabua khyh cipaw alang.

HEBRU 1:13

Thuasalama, “Na rhaw hae kha na ccusy lang kae raepya makhia tuh, ka ranglang khe dahung,” cite vaaw hae kha hummou a hopya boi?

HEBRU 1:2

hynh-e nyathyakou ccyh kya tuh a Ccapaw kyate nynh aening kha bya oun hopya vae. Tuh-e Ccapaw tuh pawpaw balyn rhoccoutu lang khang zah, amaw liate vaaw te lae hynh mah a rae.

HEBRU 2:5

Aening nynh ah ho oh paw, yn thua vae cih paw laephi kha Pachia nynh vaaw hae kuihkaw kya nung khyh.

1 PETER 3:22

Tuh-e Khri tuh vaawlang kae zah, vaaw hae, kawhoinaw hae te thungnaw hae kha a kuihkaw kya nung zah Pachia ranglang khe a um vae.

BYAPHY 1:18

a hiinpaw mah ka thua; kae tuh ka la chih, thuasalama dotua, kae tuh zungzae te zungzae cia po a hiinpaw nynh ka thua, Chinaw toh te Michi khua toh kha ka hoi.

BYAPHY 1:5

a lungzipaw ccaekia a thuapaw, a chih hae paw kyate masaty yn puipaw te laephi siapharan hae uktu bawi athuapaw Jesu Khri kyate thuasah thawccinaw te daenaw tuh nae tungvaw la um sah. Aening kha oun sungsah zah a chiise te aening seinaw balyn kha oun luesahpaw,